Kur filloi të përdoret ora elektronike në Lojërat Olimpike?

Në vitin 1912, në Lojërat e 5-ta Olimpike të organizuara në Stokholm, për herë të parë, orët elektronike dhe pajisja e xhirimit e vendosur në pikarritje u përdorën në Lojëra Olimpike për të ndihmuar gjyqtarët.

Krahas ngritjes së pandërprerë të nivelit të atletikës, rezultatet e sportistëve u bënë gjithnjë e më të përafërta, kështu që organizatorët e Lojërave Olimpike ndiejnë nevojën për pajisje me teknologji të lartë e të re, sepse nëse vazhdonin të përdoreshin mënyrat e kaluara të gjykimit shpesh ndodhnin gabime. Orët elektronike mund të shënojnë shpejt dhe saktësisht rezultatin e çdo sportisti ndërsa pajisjet e xhirimit të vendosur në pikarritje zgjidhin problemin e caktimit të rezultateve të sportistëve.

Përdorimi i orëve elektronike nxit ngritjen e nivelit të atletëve dhe zhvillimin e lojës atletike dhe rezultatet e arritura në këto Lojëra Olimpike u bënë rekordet e para zyrtare botërore.

Kur u unifikua matja e rezultateve në Lojëra Olimpike?

Lojërat e 4-ta Olimpike të organizuara në vitin 1908, në Londër kanë dhënë kontribut të madh për lojërat olimpike, sepse në to, u unifikua dhe u caktua mënyra e matjes së gjatësisë në lojëra të ndryshme.

Në 3 Lojërat Olimpike të kaluara, përdoreshin bashkarisht jardi, milja dhe kilometri dhe një fakt i tillë krijonte vështirësi të madhe në krahasimin e rezultateve të krijuara në Lojërat Olimpike me rezultatet e arritura në takime sportive të tjera dhe sillte pengesë për popullarizimin e Lojërave Olimpike në botë. Ndërsa, në këto Lojëra Olimpike të organizuar në Londër, metri zëvendësoi jardin dhe kilometri u përdor në vend të miljes, kështu që u unifikua për herë të parë mënyra e matjes së gjatësisë në Lojërat Olimpike moderne dhe u nxit shumë zhvillimi i Lojërave Olimpike në përmasa globale.

Kush është themelluesi i idesë olimpike "Kryesore është pjesëmarrja"?

Gjatë Lojërave 4-ta Olimpike të organizuara në vitin 1908 në Londër, në një ceremoni fetare në Kishën St.Paul's të Londrës, peshkopi Peter tha një shprehje të urtë lidhur me lojën e maratonës: "Kryesoja në Lojërat Olimpike nuk është fitorja, por pjesëmarrja." Kjo shprehje e preku thellë Kubertinin e pranishëm. Dhe pastaj, ai e përcaktoi këtë fjali si një nga motot e Lojërave Olimpike.

Në Lojërat 4-ta Olimpike, qysh nga fillimi i maratonës, biznesmeni italian i karameleve, Dorando Pietri ishte gjithmonë në krye të sportistëve të tjerë dhe i pari hyri në stadium. Mirëpo, për fat të keq, meqë ai ishte shumë i lodhur, u rrëzua disa herë në pistë. Në një vend vetëm 15 metra larg pikarritjes, ai u rrëzua përsëri dhe nuk pati më fuqi të vazhdonte. Duke u mbajtur nga dy mjekë, Pietri e kaloi vijën përfundimtare. Mirëpo, për shkak se gjatë vrapimit, ai e mbaroi garën me ndihmën e të tjerëve, Pietri mbeti pa të drejtën për të fituar medalje të artë. Ndërsa, për të lavdëruar frymën e tij entusiaste, Komiteti Olimpik Ndërkomëbtar i dha atij të njëtën kupë të artë të kampionit.

Lidhur me këtë ngjarje prekëse, peshkopi Peter themeloi idenë "Kryesore është pjesëmarrja" sepse në krahasim me çmimin e fituesve, fryma këmbëngulëse pjesëmarrëse është më afër me thelbin e Lojërave Olimpike.(Çan Yean)