Zona Bijie e provincës Guizhou në jug-perëndim të Kinës ka qenë një zonë malore, e njohur për varfërinë 60% e banorëve të saj mbeteshin të pangopur dhe 50% e banorëve ishin analfabetë ose gjysmanalfabetë. Por pas vitit 1988, banorët vendës kanë krijuar çudira të ekzistencës dhe të zhvillimit njerëzor në këtë zonë të quajtur nga një organizatë e OKB-së zonë e papërshtatshme për banimin e njerëzimit. Ritmet e rritjes vjetore mesatare të ekonomisë vendore janë më të larta se niveli mesatar i provincës dhe numri i banorëve të varfër u pakësua në 600 mijë nga 4 milionë që ishte. Si u arritën këto çudira ?

Kushtet natyrore të zonës Bijie janë të këqija, sipërfaqja e zonës malore përbën 90%, por në çdo kilometër katror banojnë 200 veta. Presioni i madh nga popullsia, tokat e pakta dhe mënyra e paarësyeshme e punimit të tokës e kishin keqësuar më tej mjedisin ekologjik. Banorët e këtushëm të 36 kombësive kërcënëheshin nga humbja e kushteve themelore të ekzistencës.

Ndryshimi filloi nga viti 1988. Sekretari i atëhershëm i Komitetit të partisë të provincës Guizhou, Hu Jin Tao parashtroi mendimin për krijimin e zonës eksperimentale ekologjike të zhvillimit dhe të ndihmës së të varfërve. Ky mendim u përkrah nga qeveria qendrore dhe u krijua kjo zonë eksperimentale me temën: " Zhvillimi dhe ndihma e të varfërve, ndërtimi ekologjik dhe kontrolli i popullsisë", për të ndryshuar gjendjen e keqe jetesës të banorëve vendës.

Po këtë vit, u formua "grupi qendror i këshilltarëve specialistë për ndihmën e zonave kufitare" nga komitetet qendrore të 8 partive demokratike dhe nga Shoqata pankineze e industrialistëve dhe tregtarëve, e cila filloi ndihmën ndaj të varfërve me forcë tekniko-shkencore në krahinën Bijie. Ky grup përbëhej nga specialistë të degëve të qymyrgurit, të energjisë elektrike, të industrisë kimike, bujqësisë etj. dhe puna e tyre ishte ndihma ndaj krahine në vënien në zbatim të planit të zonës eksperimentale ekologjike të zhvillimit dhe të ndihmës së të varfërve, paraqitja e propozimeve dhe e mendimeve në bazë të zhvillimit ekonomiko-shoqëror të saj, ndihma ndaj saj në gjetjen e përkrahjeve nga jashtë, studimi i objektivave të mëdha etj.

Kanë kaluar 17 vjet, të ardhurat neto të fshatarëve vendës u rritën gati 10 herë dhe në përgjithësi është arritur qëllimi i zhvillimit dhe i ndihmës ndaj të varfërve. Ekonomisti i njohur kinez, nënkryetari nderi i Komitetit Qendror i Lidhjes Demokratike të Kinës dhe kryetari i grupit të këshilltarëve specialistë të zonës eksperimentale Bije, Li Zining tha:

"Shtimi i të ardhurave të fshatarëve vendës kanë qenë problemi, të cilit i kanë kushtuar gjithmonë vëmendje të madhe. Përmbajtja e pjesës së madhe dërmuese të shoqërisë harmonike është ngritja e pandërprerë e nivelit të jetesës së fshatarëve. Nga kjo zonë eksperimentale kuptojmë se si duhet të kryejmë si duhet punën e ndihmës së të varfërve dhe të ndërtimit ekologjik.

Vitet e fundit fshatarët e këtushëm kalojnë një jetë të lumtur. P.sh., familja e fshatarit Zhou Guanfei mund të fitojë në vit gati 10 mijë juanë. Kjo ndoshta nuk është ndonjë gjë e madhe për fshatarët e krahinave të tjera, por për zonën malore Bijie mbi 2000 metra mbi nivelin e detit është e paparë në histori. Dikur këtu nuk kishte rrugë, fshatarët ëndërronin për shumë vjet me radhë për të dalë nga thellësia e maleve. Sot gjithçka ka ndryshuar, janë hapur rrugë, ka ujësjellës dhe energji elektrike. Agronomët specialë ndihmojnë fshatarët në mbjelljen dhe rritjen e gjesë së gjallë në mënyrë shkencore. Të rinjtë dhe të rejat kanë shkuar për të punuar në krahina të tjera dhe kanë sjellë fonde dhe teknikë. Nga këto plane të zbatueshme fshatarët kanë marrë përfitime konkrete.

Gjatë 17 vjetëve, Komitetet qendrore të partive demokratike dhe të Shoqatës pakineze të industrialistëve dhe tregtarëve, duke treguar epërsinë e vet, kanë marrë pjesë aktivisht në punën e ndihmës ndaj të varfërve dhe kanë organizuar specialistë dhe dijetarë të famshëm të drejtojnë punën e zonës eksperimentale. Ato tërhoqën 300 milionë juanë fonde dhe investuan direkt 70 milionë juanë, kanë përgatitur 8600 kuadro dhe ndihmuan të eksportojnë 10 mijë krahë pune të tepërta në krahina të tjera.

Grupi i specialistëve parashtruan edhe propozimet e tyre sipas kushteve konkrete të zonës eksperimentale Bijie. Anëtari i Komitetit Kombëtar të Konferencës Konsultative Politike të popullit kinez, shefi i seksionit të shërbimeve shoqërore të Komitetit Qendror të Partisë Demokratike Fshatare e Punëtore të Kinës, z.Jiao Pingsheng shprehu mendimin se rezultatet e arritura në ndihmën e të varfërve në zonën Bijie janë një mishërim konkret i pjesëmarrjes së partisë së tij në punën qeveritare dhe të kontrollit të saj demokratik.

Tani, vështirësitë e fshatarëve të zonës Bijie janë zgjidhur. Në përgjithësi, është zhvilluar me shpejtësi infrastruktura e transportit, telekomunikacionit etj., e në mënyrë të veçantë, është frenuar me efikasitet keqësimi i mjedisit ekologjik. Malet e çveshura nga erozioni janë bleruar dhe në përrenjtë e tharë rrjedh përsëri ujë i kulluar.

Me shtimin e prodhimit të drithrave, fshatarët janë pasuruar. Në qendrat e lokaliteteve dhe në qytezat ndërtesat më të bukura janë shkolla, rrogat e mësuesve janë më të larta se rrogat e kryetarëve të lokaliteteve. Pjesa dërmuese e fëmijëve kanë mbaruar arsimin e detyrueshëm. Pas kualifikimit në kurse të ndryshme, fshatarët janë bërë më të aftë të përshtaten me ekonominë e tregut. Deputeti i Asamblesë Kombëtare Popullore dhe një nga përgjegjesit e krahinës Bijie të provincës Guizhou Gu Jiu tha:

"Gjatë 17 vjetëve, me kalimin e kohës dhe punën e tyre, Komitetet Qendrore të partve demokratike dhe të Shoqatës pakineze të instrialistëve dhe tregtarëve kanë vërtetuar shpresën e tyre për shoqërinë harmonike." (Pina)