dëgjoni

Ka kaluar "8 Marsi", dita ndërkombëtare e Grave, kur në Pekin u mbajtën punimet e dy sesioneve vjetore të Asamblesë Kombëtare Popullore të Kinës dhe të Komitetit Kombëtar të Konferencës Konsultative Politike të Popullit Kinez dhe ne nuk patëm kohë të transmetonim ndonjë njoftim për gratë shqiptare. Megjithatë, sot në rubrikën: "Posta e dëgjuesve" do t'ju flas për disa gra shqiptare, që janë drejtuese në Konfederatën e Sindikatave të Shqipërisë dhe kohët e fundit kanë vizituar Kinën. Le të lexojmë intervistat e dhëna nga ato për mua, korrespodenten e gjuhës shqipe të Radios së Jashtme të Kinës.

Kryetarja e Sindikatave të Grave të Shqipërisë dhe kryetarja e Sidikatave të Mbrojtjes së Shqipërisë, zonja Neriana Zaimi, në radhë të parë, më tregoi përshtypjet e saj të para për vizitën e saj të parë në Kinë, që e ka bërë në janar të këtij viti së bashku me delegacionin e Konfederatës së Sindikatave të Shqipërisë. Ajo tha:

"Unë jam mjaft e impresionuar nga kjo vizitë në Republikën Popullore të Kinës për dy arsye. Arsyeja e parë është sepse vija për herë të parë në një vend mik, duke realizuar edhe një ëndërr timen si grua, si drejtuese, për të ardhur në këtë vend mik midis vllezërve kinezë. Së dyti jam e impresionuar nga ajo që pashë dhe që preka, pasi jo se nuk zija besë, por ndryshe është të dëgjosh dhe ndryshe është të shikosh me sytë e tu, të prekësh atë mrekulli, atë bum të madh që ka pësuar vendi juaj. Unë jam tepër tepër e kënaqur nga kjo vizitë."

Pastaj ajo foli për bazën e kësaj vizite. Ajo tha se kjo vizitë kishte një bazë të hershme, ajo kishte një traditë të kultivuar nga dy popujt tanë, kishte një miqësi të kultivuar herët, atëherë, kur populli i madh kinez ka ndihmuar popullin vëlla shqiptar në vitet për ndërtimin e socializmit në Shqipëri. Prandaj ajo ndihej si një pjesë e kësaj miqësie të madhe edhe për faktin se ç'ka dëgjuar lidhur me ndryshimet, që ka bërë Kina për mbrojtjen e ineteresave legjitime të punonjësve kinezë, veçanërisht të grave kineze.

Pastaj ajo tha se ka mësuar shumë eksperienca nga kolegët e saj kinezë, lidhur me mbrojtjen e të drejtave të punonjësve të tyre, për të qenë ata sa më të gëzuar dhe sa më të shëndetshëm, për kushte pune të mrekullueshme, që ata të jenë të shëndetshëm dhe të punojnë normalisht. Në veçanti, ajo foli për përshtypjet që i ka lënë disiplina e hekurt e punonjësve kinezë. Ajo tha se ajo disiplinë e ka bërë një popull dinjitoz për të ndërtuar gjithçka për veten e vet.

Nga shkëmbimet e përvojave midis Institucioneve të Sindikatave të dy vendeve tona, zonja Neriana tha: Ne mësuam nga përvoja që kanë kolegët tanë kinezë në mbrojtjen e interesave të punonjësve kinezë për kushtet e punës, për strehimin, për aktivitetet kulturore pas punës, njëkohësisht edhe për marrëdhëniet e bisedimeve tripalëshe midis kompanisë, qeverisë dhe sindikatave dhe këto përvoja do të shërbejnë edhe për ne. Ne dëshirojmë, që këto shkembime të përvojës do të vazhdojnë edhe në të ardhmen. Ne dëshirojmë që t'i ftojmë edhe kolegët tanë kinezë të vizitojnë Shqipërinë, që ata të shohin kushtet tona dhe të shohin nga afër zhvillimet tona të Sindikatave Shqiptare pas viteve 90-të. Ajo tha se delegacioni i tyre i Konfederatës së Sindikatave të Shqipërisë, si delegacioni i parë pas viteve 90-të erdhi për vizitë në Republikën Popullore të Kinës dhe hapi rrugën për shkëmbime të tjera midis dy vendeve dhe midis dy Sindikatave tona si motra. Këto shkëmbime do të shërbejnë për të përmirësuar punën tonë në të ardhmen. Ne i ftojmë me gjithë zemër kolegët tanë dhe vëllezërit tanë të Federatës Pankineze të Bashkimeve Profesionale të vijnë në Shqipëri.

Në fund të intervistës së saj zonja Neriana theksoi përsëri se kjo vizitë në Kinë ishte për ne impresionuese dhe nuk do të shlyhet asnjëherë nga kujtesa, sepse ne pamë ndryshime me të vërtetë të mëdha veçanërisht në industri, në ndërtime me ritme shumë të shpejta në Shangai, në Pekin, edhe në Nankin. Unë nuk do të harroj kurrë atë pritje që bënë, në gjuhën angleze, për ne vogëlushët e kopshtit të ndërmarrjes së Kimikateve të Nankinit, ai koncert e bëri akoma më të bukur e më festive vizitën tonë në Kinë. Ata qenë veshur me rroba të bukura e me elementë të tjerë, shumë të këndshëm. Kështu duke parë fëmijët e qeshur, ne ndjejmë se ata janë e ardhmja e kombit kinez, sepse, siç të jenë fëmijët, ashtu do të jetë edhe e ardhmja jonë, e ardhmja e Kinës akoma më e ndritur, akoma më e mirë dhe më e bukur. Ne gëzohemi me gjithë zemër për sukseset që ka arritur populli kinez. Sukseset e tyre janë sukseset tona. Ne duam që të mësojmë nga ajo disiplinë e hekurt. Unë i uroj suksese akoma më të mëdha të popullit kinez.

Pas zonjës Neriana, më foli edhe kryetarja e Sindikatave të Energjisë, Industrisë, zonja Xhulijeta, e cila di edhe gjuhën kineze.

"Unë vërtet kam studiuar para shumë vjetësh në Kinë. Kam ardhur shpesh në Kinë dhe i shikoj çdo ditë ndryshime të mëdha, që bën Republika Popullore e Kinës. Kam shumë respekt për popullin kinez. Ne kemi çfarë të mësojnë nga zhvillimi i shpejtë dhe i vrullshëm i Kinës. Unë, çdo radhë që vij në Kinë, shikoj ndryshime shumë të mëdha në të gjitha drejtimet, në mirëqienien e popullit kinez, në zhvillimin e vendit dhe në drejtime të tjera. Kësaj here kam ardhur me delegacionin e Konferantës së Sindikatave të Shqipërisë. Ishte një kënaqësi e madhe që patëm vizita në Pekin, Shangai dhe Nankin. Vizituam ndërmarrje, pamë një zhvillim shumë të madh të industrisë, ishte edhe një eksperincë shumë e bukur nga ku kemi çfarë të mësojmë nga populli kinez."

Pastaj ajo më tregoi se ajo ka studiuar në Universitetin Pekini, burri i saj ka studiuar në Universitetin Politeknik Çinhua dhe djali i tyre studion tani në Universitetin Farmaceutik Kinez në Pekin. Të tre në familje ata flasin edhe në gjuhën kineze, sepse të tre pjesëtarët e familjes janë kinezçefolës, kjo për ta është një kënaqësi shumë e madhe, sepse janë gjysmë shqiptarë dhe gjysmë kinezë, kanë shumë nostalgji për Kinën, sa herë që vijnë në Kinë.

Në fund të intervistave drejtoreshën e Punëve të Jashtme të Konferatës së Sindikatave Shqiptare zonja Mira Blushi, të cilën e njoha që në Tiranë. Edhe ajo më foli për përshtypjet e saj të kësaj vizite në Kinë. (Daming)