dëgjoni

Kryetari i Komitetit Shtetëror të Zhvillimit dhe të Reformës të Kinës, z. Ma Kai tha më 20 mars, në Pekin, se vitet e fundit, në sajë të zhvillimit të shpejtë të ekonomisë kineze, ekonomia botërore është nxitur në mënyrë të dukshme. Faktet tregojnë se Kina dhe bota, gjatë procesit të zhvillimit të përbashkët, realizojnë leverdi reciproke dhe fitime të përbashkëta.

Më 20 mars, në mbledhjen vjetore të Forumit të nivelit të lartë për zhvillimin e Kinës, Ma Kai tha se Kina, si vend i madh në zhvillim në periudhën e shpejtimit të industrializmit, ka kapacitetin e tregut të zhvilluar shpejt dhe hapësirën e zhvillimit me potencial kolosal. Zhvillimi i shpejtë i ekonomisë kineze është bërë një element gjithënjë e më i rëndësishëm për ruajtjen e vitalitetit të ekonomisë botërore. Gjatë 27 vjetëve të fundit, Kina ka ruajtur rritjen vjetore prej 15% në import dhe ka importuar mallra me vlerë prej mbi 3 triolionë dollarësh amerikanë në përgjithësi, duke u bërë vendi i tretë i importit në botë. Si rezultat, janë favorizuar shumë partnerët tregtarë të Kinës në mbarë botën dhe disa prej tyre janë shkëputur nga vështirësitë e qëndrimit në vend a të mos përparimit të ekonomisë.

"Edhe eksporti nga Kina favorizon jo pak partnerë tregtarë," tha z. Ma Kai. Mallrat e eksportuara nga Kina janë të lira por me cilësi të mirë, gjë që jo vetëm plotëson kërkesat e konsumatorëve të vendeve të importit, por është edhe në dobi të frenimit të inflacionit të këtyre vendeve dhe të ruajtjes së qëndrueshmërisë ekonomike.

Eksportimi i mallrave kineze të përpunimit industrial zë 91,2% të tregtisë eksportuese

Në Kinë, eksportimi i mallrave industriale zë 91,2% të tregtisë eksportuese, ndërsa 70% të investimeve të huaja janë futur në degën e përpunimit industrial.

Sipas raportit të Qendrës Kërkimore për Zhvillim, pranë Këshillit të Shtetit, gjatë mbi 20 vjetëve pas reformës e hapjes, dega e përpunimit industrial e Kinës ka patur rritje të shpejtë. Dinamika vjen nga dy anët. Së pari, kërkesat e fuqishme brenda Kinës; së dyti, ndryshimi i qendrës së industrisë ndërkombëtare.

Z. Ma Kai vuri në dukje se mjedisi i mirë i investimeve në Kinë u ka krijuar investorëve të vendeve të ndryshme raste të mira. Kina disponon burim të pasur të krahut të punës dhe ka një politikë e shoqëri të stabilizuar, gjë që tërheq shumë investorë të huaj. Pas reformës e hapjes, biznesmenë të huaj kanë investuar direkt mbi 560 miliardë dollarë amerikanë në Kinë, ndërkohë, një kontigjent i madh i ndërmarrjeve të huaja ka patur zhvillim të mrekullueshëm.

Investimet e vendeve të zhvilluara në Kinë zënë akoma përqindje të ulët

Në raportin e Qendrës Kërkimore për Zhvillim të Këshillit të Shtetit, me titull "Kina, në strukturën ekonomike të botës", vihet në dukje se shuma e investimeve të drejtpërdrejta në Kinë zë një peshë specifike të ulët kundrejt investimeve të përgjithshme të vendeve të zhvilluara në vende të tjera. Deri në fund të vitit 2003, shuma e investimeve të SHBA-së në Kinë zë vetëm 0,7% të investimeve të saj të përgjithshme në vende të tjera, shifër kjo është më e ulët se përqindja e Meksikës, 3,4% dhe përqindja e Brazilit, 1,2%. Edhe vendet anëtare kryesore të Bashkimit Evropian, si Anglia, Gjermania, Franca dhe Italia, kanë futur në Kinë vetëm 0,2% deri 1,5% të investimeve të tyre në vende të tjera.

Duke folur për marrëdhëniet tregtare me vendet përreth, z. Ma Kai tha se progresi i ekonomisë kineze do të jetë në favor të zhvillimit të tregtisë së vendeve fqinje. Dega e përpunimit industrial e Kinës ka forcuar, jo ka dobësuar, aftësinë e prodhimit të këtyre vendeve, të cilët mund ta zhvillojnë më mirë epërsinë e tyre ekonomike. Njëkohësisht, qeveria kineze inkurajon edhe ndërmarrjet kineze me kushte të mira të investojnë në vende të tjera, duke bashkëpunuar në mënyra të ndryshme. Këto kanë luajtur rol pozitiv për shtimin e të ardhurave dhe për krijimin e vendeve të punës në këto vend.

Organizmat ekonomike përreth Kinës kanë suficit tregtar me Kinën

Sipas të dhënave statistikore të doganeve, në kohën e shtimit të suficitit të tregtisë së Kinës ndaj trupave ekonomike amerikane e evropiane, edhe organizmat ekonomike përreth kanë suficit tregtar me Kinën. Në vitin 2004, Japonia, Koreja e Jugut, ASEAN-i dhe India e kishin suficitin tregtar me Kinën përkatësisht në 20,9 miliardë dollarë amerikanë, 34,4 miliardë dollarë amerikanë. 20,1 miliardë dollarë amerikanë dhe 1,8 miliardë dollarë amerikanë.

Ekonomisti kinez i Kinës Zhang Xiaoji tha se bashkëpunimi midis Kinës dhe vendeve përreth u ka sjellë këtyre vendeve interesa të dukshme. Mbi këtë bazë, këto vende kanë ndryshuar gradualisht konceptet. "Teoria e kërcënimit nga Kina" po shndërrohet në "Teoria e rasteve nga Kina". (Wang Lei)