Agjencia Zhongxin e Kinës njoftoi se ditët e fundit, duke komentuar pikëpamjen e zhvillimit shkencor të qeverisë kineze, bankieri i njohur amerikan për investimet ndërkombëtare dhe strategu i kampanive, doktor Robert Larenc Kuhn që është i njohur në Kinë me shkrimin e librit " Jetëshkrimi i Jiang Zeminit " tha se kjo është strategjia e zhvillimit të nxjerrë nga qeveria kineze për realizimin e një shoqërie të harmonishme dhe komode në Kinë.

Doktori Robert Kuhn është kryetar ekzekutiv i Këshillit të Citibankës amerikane, edhe producent e prezantues i njohur i radios publike të SHBA-së. Qysh nga viti l989, me ftesë të Akademisë Shtëtërore të Shkencave të Kinës, Kuen ka qenë gjithmonë këshilltar i politikës ekonomike dhe këshilltar në fushat tekniko-shkencore e të mediave. Libri i tij " Jetëshkrimi i Jiang Zeminit " u vu kohët e fundit në qarkullim dhe në gazetën e 21 marsit, u botua një tekst i gjatë prej 2 mijë hierogrifesh të intervistës me Kuhnin.

Para se të bisedonte për temën e pikëpamjes së zhvillimit shkencor, Kuhn theksoi: së pari, kushtet e vendit të Kinës janë shumë të vecanta. Brenda dhjetra vjetëve, Kina ka kaluar në një rrugë që e kanë kaluar SHBA-ja dhe vendet e tjera industriale për më se l00 vjet. Përvoja e vendeve perendimore është një mësim i dobishëm për Kinën. Së dyti, nga pikëpamja historike, zhvillimi i ekonomisë është gjithmonë problemi i dorës së parë të një vendi. Nga ana teorike, ekonomia duhet të zhvillohet me të njejtin ritëm me shoqërinë, kulturën dhe politikën. Kurse praktikat historike dhe aktuale tregojnë se vendet perendimore e kanë konsideruar zhvillimin ekonomik si punën e dorës së parë.

Kuhni tha se, rënia ekonomike e SHBA-së në vitet 30 të shekullit të kaluar, është një mësim i rëndësishëm për Kinën, zhvillimi ekonomik është sigurisht puna e dorës së parë, por në një fazë të përcaktuar, rritja ekonomike duhet të jetë e ekuilibruar me kërkesat shoqërore dhe vetëm duke u vepruar në këtë mënyrë, do të pasqyrohen interesat themelore të masave të gjera popullore.

Tani, udhëheqësit e legjislaturës së re me sekretarin e përgjithshëm Hu Jintao, si bërthamë, po e udhëheqin popullin kinez në një fazë të re zhvillimi. Paraqitja e mendimit të zhvillimit me koncept shkencor është shumë e përshtatshme.

Pastaj Kuhni foli për strategjinë e zhvillimit të gjithanshëm, për zhvillimin përpjesëtimor të shoqërisë etj. Kuhni propozoi që qeveria kineze të zvogëlojë distancat midis të pasurve dhe të varfërve me anën e politikës së grumbullimit të taksave.

Kuhni është i mendimit se qeveria kineze duhet të forcojë fuqinë e zbatimit të rregulloreve mbi grumbullimin e taksave.

Duke folur për problemin e zhvillimit të vazhdueshëm, Kuhn shprehu mendimin se realizimi i zhvillimit të vazhdueshëm nuk duhet të shkëputet nga mediat.

Duke pëfunduar intervistën e tij, Kuhni shprehu bindjen se pavarësisht se nuk mund të nënvleftësohen ndërlikimet dhe vështirësitë, përpjekjet e Kinës për ndërtimin e një shoqërie të harmonishme me konceptin e zhvillimit shkencor do të arrijnë me siguri suksese. (zhai)