Er Yuehe më se 50 vjeçar është i dashur dhe pak i shëndoshë nga pamja e jashtme. Njerëzit thonë se ai është i thjeshtë si babaxhan i vërtetë. Er Yuehe ka patur emrin Ling Jefang që lindi në provincën Shansi të Kinës perendimore. Për arsye se ka punuar dhe jetuar për një kohë të gjatë në provincën Hënan që ndodhet në rrjedhën e lumit të Verdhë të Kinës qendrore, ai mori pseudonim Er Yuehe që ka kuptim: "uji i shkurtit të lumit të Verdhë shkon dhe rrjedh drejt detit. "

Romancieri Er Yuehe është njeriu që e ka arritur suksesin vonë. Ai e filloi krijimtarinë letrare në vitin l986 në moshën 40 vjeçare dhe romani i tij i parë "Perandori Kanxi" ku përshkruhet me l milion e 500 mijë hieroglife perandori Kanxi i dinastisë Qing para 3 qind vjetësh. Ky roman pati jehonë të madhe dhe pas tij ai shkroi edhe dy romane të tjerë "Perandori Yongzheng" dhe "Perandori Qianlong" që gjithashtu janë të pritur shumë mirë nga lexuesit kinezë. Këto tri romane janë përfshirë në serialin e romaneve të perandorëve të dinastisë Qing. Në këto romane, Er Yuehe nxjerr në pah tabllon e shoqërisë kineze të para 300 vjetëve, duke përshkruar një histori l30 vjeçare të perandorëve Kanxi, Yongzheng dhe Qianlong të dinastisë Qing. Të gjitha figurat e këtyre romaneve pavarësisht në se janë perendarë apo njerëz të thjeshtë janë shumë të gjallë, edhe jeta perandorake e betejat e atëhershme, si dhe aspekte të tjera janë shumë tërheqese. Këto tri romane u përpunuan edhe në seriale të filmave televizive që gjithashtu patën jehonë të madhe brenda e jashtë vendit.

Duke folur për krijimet e këtyre romaneve, Er Yuehe tha :

"Reforma dhe hapja na dha ne shkrimtarëve një mjedis të lirë politik dhe një gjendje të mirë shpirtërore për krijimtari. Nuk ka ndonjë gjë që na frenon dhe ne mund të shkruajmë me shpirt, gjak, lot dhe djersë në mënyrë që romani të jetë gjithmonë me vitalitet".

Për arsye të revolucionit kulturor të Kinës, Er Yuehe humbi rastin për vazhdimin e studimit në shkollë të lartë.

Ai ka punuar si minator në minierën e qymyrgurit, si ndërtues për ndërtimin e shtëpive dhe për ndërtimin e rrugëve automobilistike. Pastaj, ai ka punuar edhe më se dhjetë vjet në reparte ushtarake. Jeta plot zigzake e kaliti shpirtin dhe mendjen e tij. Ai nguli këmbë në leximin e librave, sidomos të librave historike. Pas një akumullimi shumëvjeçar, atij i lindi pathosi për krijimtari letrare. Ai kishte shumë për t'u treguar njerëzve të botës. Në fillim, ai pati vështirësi të mëdha. Er Yuehe kujton : "Në fillim isha shumë i lodhur me krijimtarinë letrare, sepse ditën duhet të shkoja në punë dhe natën shkruaja deri në orën 2 a 3 të mëngjesit. Megjithëse isha në një mjedis shumë të keq, me dimër me ngricë të madhe dhe me verë me mushkonja, prapë nuk u ndalur, por vazhdova pa u lëkundur në krijimtari ".

Romanet e tij ai e shkroi me punë të palodhshme dhe me këmbëngulje. Edhe romanin e tretë " Perandori Qianlong " ai e realizoi ne shtratin e spitalit, duke qenë i sëmurë.

Përveç krijimtarisë letrare, atij i pëlqen edhe koleksionimi i pullave dhe ka 30 vjet qe merret me filateli. Kur është i lodhur nga puna krijuese, ai hap albumet e tij të pullave edhe ky është pushimi më i mirë për të.

Vitet e fundit, për arsye shëndetësore, ai nuk krijoi më romane të reja, por ka shkruar një numër të madh prozash.

Er Yuehe ka një familje të lumtur. Gruaja dhe bija e tij kanë punët e veta. Er Yuehe tha : "Edhe shkrimtarët janë njerëz të thjeshtë dhe duke u trajtuar si i tillë, mund të ndjehem më i gëzuar. Megjithëse jam shumë i zënë me punë, prapë gjej edhe kohë të lirë të takohem me miqtë e mi e të bisedoj me ta për planet e mia të krijimtarisë letrare ose të bëj ndonje lojë me ta. "

Si lëvrues i romanit historik, Er Yuehe i kushton rëndësi edhe realitetit të shoqërisë kineze. Ai ka dhënë mjaft herë kontribut për shkollat fillore me nxenës të varfër . Objektivi i tij është kontributi me honorarët e veta për 5 shkolla fillore me nxënës të varfër.(zhai)