Njerëzit e Guangzhout kanë qënë dhe janë njerëz gjithmonë me kurojo për të çarë përpara në rrugë të reja dhe me shpirt të devotshëm. Në 1980, Guangzhou u bë një shtysë për qytetet e tjera kineze në zbatimin dhe vënien në jetë të reformës së re dhe hapjes me botën e jashtme. Gjithashtu Guangzhou ishte qyteti i parë që zbatoi reformën e ekonomisë së tregut në Kinë. Qysh nga zbatimi i ekonomisë së tregut, Guangzhou ka patur një përqindje të normës së rritjes ekonomike prej më shumë se 10% çdo vit dhe ai rradhitet ndër katër qytetet kineze me fuqi më të madhe ekonomike. Me një ekonomi të lulëzuar dhe kulturën e veçantë dhe dalluese Lingnan qyteti po tërheq një vëmëndje gjithnjë e më të madhe.

Tani me një fuqi të konsiderueshme ekonomike, Guangzhou po orvatet të bëhet sponsori i Lojrave Aziatike 2010.

Ata që e kanë vizituar Guangzhoun vite më parë vështirë se mund ta njohin po të shkojnë përsëri. Pamja e qytetit është duke ndryshuar nga dita në ditë.

Ndërsa ata që kanë jetuar në Guangzhou për një kohë të gjatë shprehen duke thënë se asnjëherë nuk do të mërziten së jetuari këtu në këtë qytet. Ata e thonë këtë me një pasion të madh sepse jeta në këtë qytet u jep atyre kënaqsi.

Guangzhou 2000 vjeçar është një ushqim luksoz, shumëngjyrësh e me aromë të këndshme. Pra, patjetër që duhet të jetë i shijshëm.

v Shumëngjyrësh

Guangzhou gjithmonë ka qënë tolerant në drejtim të rrymave të reja. Çdo tendencë e re mund të bëhet e populluar në këtë qytet përpara se të kapet dhe përhapet nga të tjerët. Guongzhou, qyteti i parë në Kinë që merr pjesë në Organizatën Botërore të Metropoleve Kryesore, ka avancuar me synimin për të ndërtuar një qytet të nivelit të njëjtë me metropolet ndërkombëtare. Falë avantazheve të pozicionit të tij gjeografik, qyteti është në pararojë të të gjitha informacioneve, ideve të reja, kulturës dhe planit urban si dhe të zhvillimit.

Para disa viteve të kaluara, në Guangzhou janë organizuar shumë veprimtari të mëdha, si festivali ndërkombëtar i veshjeve, një ekspozitë moderne e autoveturave, dhe një ekspozitë të rrymave të reja të dizenjenimeve.

Kultura moderne në qytet po bëhet gjithnjë e më e tërhequr nga njerëzit. Qëndroni pra në Guanzhou dhe shijoni dritat shumëngjyrëshe të qytetit.

v Aromatik

Guangzhou është qyteti i luleve "Miqtë vijnë në qytet kur çelin lulet" fjalë këto të një kënge të famshme, është tashmë bërë një slogan për banorët e qytetit. Guangzhou ka tërhequr njerëz nga të gjitha fushat e jetës, që nga studentët dhe bizesmenët deri tek artistët dhe arkitektët.

Lulet në Guangzhou çelin gjatë gjithë vitit falë kushteve klimaterike të këtij qyteti. Dhe falë zërave politikë, ekonomikë dhe kushteve kulturore ky qytet është thjesht perfekt për të gjitha llojet e rrymave dhe profesioneve duke i dhënë mundësi gjithsecilit për të shpalosur aty talentin dhe inisiativën e vet.

Qysh në kohët e vjetra, Guangzhou ka qënë i famshëm për tregti. Si qëndra ekonomike dhe tregtare e Kinës ky qytet do të ketë një rritje të shpejtë ekonomike në 10 vitet e ardhshme dhe rritja e shpejtë e GDP së saj do të jetë më e lartë se se rritja mesatare e GDP në të gjithë vendin.

Vitet e fundit , përhapja dhe ndikimi i kulturës Lingnan është bërë më i fortë. Në 2003, në përgjigje të sloganit për ndërtimin e një province të kulturuar, Guangzhou ka organizuar shumë aktivitete për të shpalosur kulturën tradicionale dhe rezultatet e arritura në arkitekturë, format e artit folklorik, akreobatë, muzika pop, veshjet etj.

Me karakteristikat e veta, kultura Lingnan nuk mund të zëvendësohet me asnjë kulturë tjetër.

Gjithashtu aroma e luleve të shumta në Guangzhou ka shkaktuar interesin e madh të njerëzve për këtë qytet.

v I shijshëm

Guangzhou është i famshëm për guzhinën e tij kantoneze në të cilën rreth 1000 përbërës mund të gatuhen me delikatesë dhe finesë. "Ha në Guangzhou" është kthyer gjithashtu në një slogan si brënda dhe jashtë vendit. Restorantet e vogla apo të mëdha qofshin janë shpërndarë gjithandej qytetit dhe shërbejnë çdo ditë çajin e mëngjesit, ushqime të zakonshme të përditshme, çajin e mbrëmjes dhe ushqime të shpejta natën vonë.

Njerëzit e Guangzhout hanë si të çmendur sepse ka aq shumë gjëra të shijshme për të shijuar sa që nuk mund tu rezistojnë dot. Ndërkaq, tregtia e furnizimit me prodhime ushqimore është duke bërë përmirësime të vazhdueshme, nëpërmjet tij shpërndahen së pari ushqimet bazë dhe pijet tradicionale të vendit.

Guangzhou gjithmonë ka qënë një qytet i lulëzuar dhe i zhvilluar në Kinë. Njerëzit këtu mendojnë dhe vlerlsojnë shumë ushqimin, kjo jo thjesht për të mbajtur stomakun plot por për të qënë të lumtur. Me ushqimet e kripura, të ëmbla, të hidhura apo djegëse ata në mënyrë të natyrshme harrojnë vuajtjet dhe hallet e jetës siç janë p.sh dështimet, agonia, ankthet, shqetësimet, malli etj. Kombinacionet e veçanta të Guangzhout bën çdonjëri të ndihet i çlodhur dhe i lumtur.

EVA VEIZAJ