Ky album me këngë nga filmat e vjetër artistikë është incizuar para l2 vjetësh me inisiativën e drejtuesit më të njohur të Televizionit Qendror të Kinës Cui Yun Yuan. Atëhere ai ishte 29 vjeç dhe korrespondenti i Radios Qendrore e Kinës.

Pas lajmit të shitjes të 5 milionë kopjeve të albumit me këngë të vjetra për Mao Ce Dunin, ai donte të bënte një album me këngë nga filmat e vjetër artistikë që të pritej shumë mirë nga dëgjuesit. Por pasi incizoi albumin origjinal, nuk pati ndonjë shtëpi diskografike që ta vinte atë në qarkullim. Pas kësaj zoti Cui Yong Yuan u bë drejtuesi më i pritur me rubrikën e tij në Televizionin Qendror " Të themi të vertëtën ".

Kohët e fundit, gjatë bashkëpunimit me shtëpinë diskografike Jinven të Pekinit për rubrikën e tij të re në Televizionin Qendror të Kinës " Mrekullirat e filmave artistikë " , drejtori i kësaj shtëpie Shy Zong Ming pasi mësoi se ai kishte origjinalin e albumit të incizuar me këngët e filmave të vjetër artistrikë, vendosi ta vinte në qarkullim këtë album.

Kështu krahas daljes së rubrikës televizive " Mrekullirat e filmave artistikë " në fillim të prillit, do të vihet albumi i muzikës e këngëve të filmave e vjetër artistikë me titull : "Ngadhnjim mbi vdekjen-kujtimet e një adhuruesi të filmave artistikë ".

Kënga e filmit artistik shqiptar "Ngadhnjim mbi vdekjen " përfshihet në këtë album si këngë titull. Duke folur për këtë album, zoti Cui Ying Yuan tha:"Ngadhnjim mbi vdekjen " është një koncert e frymë shpirtërore e brezit të atëhershëm. Që i takon jo vetëm kohës së luftës, por që ai brez e përshtati edhe në jetë e punë.

Me këtë besim për një synim të caktuar, mund të luftosh duke sakrifikuar gjithçka. Ja kjo ka qenë fryma, në të cilën jam rritur dhe që mua më pëlqen. Me të dëgjuar këto këngë më kujtohen bashkënxënësit e bangave të shkollës, mësuesit dhe fqinjët e mi.

Vlera e këtij albumi qëndron edhe tek autorët dhe kompozitorët e këngëve të këtyre filmave si dhe të krijuesit e këtyre filmave. Ata na kanë lënë trashëgimi një thesar e çmuar.