Në vitin 1952, u organizuan në Helsinki të Finlandës Lojërat e 15-ta Olimpike.

Në fillim të shkurtit të atij viti, ambasadori i Finlandës në Kinë iu shpreh Ministrisë së Punëve të Jashtme të Kinës se qeveria filandeze dëshiron që Kina të dërgonte sportistë për të marrë pjesë në Lojërat Olimpike të korrikut. Më 5 shkurt, shoqata e përgjithshme e sportit e Kinës i dërgoi Komitetit Ndërkombëtar Olimpik një letër, ku shprehu vendimin e vet për pjesëmarrje në Lojërat Olimpike. Ndërkohë, presidenti i shoqatës së miqësisë të Finlandës, Pikola, i bëri thirrje Komitetit Ndërkombëtar Olimpik që ta ftonte Kinën të merrte pjesë në Lojërat Olimpike.

Më 13 shkurt, në vend të anëtarit të Komitetit Ndërkomëbtar Olimpik, Dong Shouyi, zoti Sheng Zhibai mori pjesë në sesionin e 46-të të Komitetit Ndërkombëtar Olimpik, ku ai shprehu përsëri qëndrimin dhe dëshirën e qeverisë kineze për pjesëmarrje në Lojërat Olimpike.

Pas bisedimeve të ashpra, në mbrëmbjen e 18 të korrikut, Kina mori ftesën e kryetarit të Helsinkut, Frunker, i cili ishte edhe kryetari i komitetit organizativ i Lojërave të 15-ta Olimpike. Dhe në prag të fillimit të Lojërave Olimpike, Komiteti Ndërkombëtar Olimpik mori vendimin që të ftonte Kinën për pjesëmarrje në Lojërat Olimpike. Por kishte edhe një problem për Kinë. Lojërat e 15-ta Olimpike do të fillonin më 19 korrik në Finlandë, a ishte e mjaftueshme koha që Kina të dërgonte një delegacion olimpik?

Në mbrëmbjen e 19 korrikut, kryeministri i Kinës, Zhou Enlai, dha një udhëzim për organizimin e një delegacioni të përkohëshëm, i cili do të nisej për në Finlandë.

Më 23 korrik, u formua një delegacion sportiv prej 40 vetash, i cili përbëhej nga një ekipi i basketbollit, i futbollit dhe një notar. Kryetari ishte Rong Gaotang, Huang Zhong dhe Wu Xueqian ishin zv/kryetarët. Dong Shouyi ishte përgjegjes i përgjithshëm. Trajneri i ekipit të futbollit ishte Li Fenglou, ai i ekipit të basketbollit ishte Mu Zuoyun.

Në natën e 24 korrikut, kryeministri Zhou Enlai vuri në dukje që ngritja e flamurit kombëtar të Kinës në Lojërat Olimpike është detyra e parë e tyre. Në qoftë se lojëtarët kinezë nuk do të marrin pjesë në Lojërat Olimpike, mund të marrnin pjesë aktivisht në ndeshjet miqësore me sportistë finlandezë.

Në mëngjes të herët në 25 korriku, ky delegacion u nis nga aeroporti i Pekinit dhe arriti në Finlandë më 29 korrik. Ardhja e delegacionit të Kinës u mirëprit nga populli finlandez. Anëtari i Komitetit Ndërkombëtar Olimpik, Dong Shouyi, u përqafua me anëtarët e tjerë të Komitetit Ndërkombëtar Olimpik. Në orën 12 e gjysmë, u organizua një ceremoni e ngritjes së flamurit, ku futbollisti Zhang Banglun, i cili kishte marrë pjesë në Lojërat e 14-ta Olimpike, ngriti flamurin kombëtar të Kinës.

Por për shkak të vonesës së delegacionit kinez, sportet dërrmuese kishin përfunduar dhe vetëm notari Wu Chuanyu mori pjesë në garën e notit të stilit shpinë 200 metra. Por ai nuk hyri në rundin e fundit për shkak të lodhjes nga udhëtimi i gjatë. Megjithëse, ekipi i futbollit dhe i basketbollit i delegacionit nuk morën pjesë në Lojërat Olimpike, ata organizuan disa ndeshje miqësore me ca ekipe lokale. Ndërsa përfaqësuesi i Shoqatës së përgjithshme të Sportit të Kinës mori pjesë në konferencën e Federatës Ndërkombëtare të Futbollit, të Basketbollit dhe të Notit. (Jiang Lei)