Distrikti U Çao i provincës Hëpej që është afër Pekinit, është vatra e cirkut kinez. Në këtë distrikt është organizuar me sukses 9 herë festivali ndërkombëtar i cirkut dhe për këtë emri U Çao është i njohur si brenda ashtu edhe jashtë vendit. Shkolla e cirkut U Çao është një shkollë e posaçme për përgatitjen e artistëve të cirkut. Në këtë shkollë mësojnë si studentë kinezë, ashtu edhe shumë studentë të huaj.

Deri tani kjo shkollë ka përgatitur mbi 30 artistë të cirkut të vendeve të Azisë, Evropës, Amerikës dhe të Afrikës.

Në sallën e stërvitjes, e takuam studentin tanzanian Koufi, që po stërvitej me tre studentë të tjerë, për ushtrimin e pjesës së cirkut me kapela prek kashte. Kapelat rrotulloheshin rregullisht në ajër dhe binin me saktësi në kokat e djemve. Duket se kjo pjesë është përgatitur mirë. Djali Koufi, me trup jo shumë të gjatë, ka vetëm 4 muaj që ka ardhur në këtë shkollë, por ai mund të bisedojë me ne me fjalë të thjeshta të gjuhës kineze.

"Unë jam Koufi. Jam 19 vjeç. Unë ushqej dashuri për Kinën dhe për cirkun kinez".

Në shtator të vitit 2004, Koufi dhe 17 djem të tjerë të Afrikës erdhën në U Çao të Kinës. Midis tyre më i madhi është 20 vjeç dhe më i vogli, 12 vjeç. Këta 18 djem do të mësojnë për një vit në Kinë. Gjatë këtij viti ata do të mësojnë një kompleks numrash cirku dhe në tetor të këtij viti do të japin shfaqje në Pekin. Kjo është një detyrë e rëndë, si për studentët, ashtu edhe për trajnerët.

Sipas karakteristikave të Koufi-së, trajnerët e shkollës kanë projektuar disa numra cirku, si ushtrime me kapela, ushtrime në biçikletë, ushtrimet e gjimnastikës tradicionale Ushu të Kinës, etj. Trajneri Chen i tha korrespondentit se Koufi është një nga studentët e zellshëm të grupit. Ai stërvitet edhe në kohën e lirë. Niveli i akrobacisë së tij është përmirësuar, duke u ngritur dita ditës.

Koufi mëson mirë dhe me zell të madh. Ai është i dalluar në forcë, në kërcim dhe ushtrimet e tij janë të kordinuara mirë. Ai ka bërë përparim të madh.

Koufi ka qenë artist i një ansambli të këngëve e valleve të Tanzanisë. Sipas kërkesave të cirkut, ushtrimet e tij themelore nuk ishin të mira. Përparimi i tij është i pandarë nga përpjekjet e tij këmbëngulëse.

Çdo ditë në mëngjes, ai vjen i pari në sallën e stërvitjes. Në fundin e javës, kur të tjerët pushojnë, ai vazhdon stërvitjen. Koufi sillet mirë edhe me studentët kinezë dhe shumë prej tyre janë bërë miq të tij. Djali kinez Shy Minmin është një nga miqtë e tij më të ngushtë.

" Ne jemi shokë të mirë. Ne mësojmë së bashku dhe ndihmojmë njeri tjetrin në stërvitje.

Me ndihmën e trajnerëve kinezë niveli i akrobacisë i Koufiut është ngritur pandërprerë. Ai është i dhënë gjithnjë e më tepër pas artit të cirkut kinez. Ai tha se cirku kinez ka lloje të ndryshme dhe ka nivel të lartë. Ai është i vendosur që kur të mbarojë studimet në Kinë dhe kthehet në Tanzani, do t'u demonstrojë afrikanëve ato që ka mësuar nga cirku kinez.

Në dhjetor të vitit 2004, 12 studentë afrikanë të përgatitur nga shkolla e cirkut U Çao, së bashku me një ansambël artistik kinez, shkuan për të dhënë shfaqje në Etiopi. Kryeministri i Kinës Wen Jiabao që ishte në Etiopi, për të marrë pjesë në Forumin e Bashkëpunimit Kino-Afrikan, së bashku me mbi 30 liderë të vendeve afrikane panë shfaqjen e tyre të cirkut. Shfaqja e tyre e bukur u vlerësua lart nga liderët e Kinës dhe të Afrikës dhe nga spektatorët. ( Zhang )