Të dashur lexues, po fillojmë rubrikën "Tregime dhe legjenda kineze". Sot do t'ju rrëfejmë tregimin historik me titull "Rivaliteti midis Çusë dhe Hanit".

Pasi dështoi orvatja e tij për të vrarë Liu Bangun duke përfituar nga rasti i banketit në Hongmen, Siang Yu u inatos dhe u b; si i çmendur e i çoi trupat e tij në kryeqytetin Sian-yang për të bërë masakra. Ai vrau Zi-yingun, mbret i Çinit, dogji pallatin luksoz perandorak të dinastisë Çin, dhe sidomos pallatet Ëpon, ku zjarri nuk u shua për tre muaj. Ai grabiti edhe një sasi të madhe pasurie si flori dhe argjend, rrëmbeu një numër të madh femrash të bukura dhe u tërhoq drejt lindjes, duke e shpallur veten si "Mbreti hegjemon i Çusë Perëndimore".

Një person i tha Siang Yusë: "Tokat në Guanzhong janë pjellore dhe ju mund të kryeni këtu kauzën tuaj për hegjemoni." Kurse Siang Yu nguli këmbë të tërhiqej nga lindja, sepse ai shihte atje vetëm gërmadhën e pallatit perandorak të dinastisë Çin që ai e kishte djegur, aq më tepër, atë e kishte marrë malli për shtëpinë e tij, prandaj tha: "Kur je pasuruar dhe je bërë i shtrenjtë, duhet të kthehesh në vendlindje, përndryshe është njësoj sikur të udhëtosh natën i veshur me rroba të qëndisura e kush mund të të shohë ty? " Ai person tha: "Thonë se njerëzit nga zonat Çu janë si majmunë me kësula mbi kokë dhe mirë e kanë." Siang Yu u xhindos nga inati dhe dënoi atë person me vdekje duke e skuqur në vaj të nxehtë.

Pas tri vjetëve, Liu Bang dhe Siang Yu u ndeshën ballë për ballë në fushën e betejës. Siang Yu i bëri Liu Bangut thirrje për dyluftim. Kurse Liu Bang filloi të mallkonte Siang Yu-në, duke demaskuar aktet e tij kriminale prej 10 pikash. Ai tha: "Ti i dogje pallatet perandorake të dinastisë Çin, ti i gërmove varrezat perandorake, ti more për vete pasurinë e dinastisë Çin, ti e vrave mbretin Zi-ying që ishte dorëzuar, ti i mashtrove dhe i varose gjallë të afërmit e perandorit dhe 200 mijë ushtarë në Sin-an. Ti veprove anasjelltas dhe pa moral, prandaj unë mund të godas ty me armët e drejtësisë, dhe e këtë ç'të drejtë ke të për të unë bërë thirrje për dyluftim mua?" Siang Yu u xhindos nga inati dhe qëlloi me shigjetë të fshehtë. Liu Bang u plagos rëndë dhe u çua për mjekim në Çeng-gao.

Pasi u shërua, Liu Bang u kthye në Guanzhong. Në atë kohë, Siang Yu nuk guxonte më të bënte luftën finale me Liu Bangn, prandaj propozoi që të sundonin territorin e vendit duke e ndarë në dy pjesë. Kështu që, kanali Hong-gou u bë kufiri midis dy regjimeve: në perëndim të kanalit ishte Han dhe në lindje të kanalit ishte Çu. Siang Yu ia ktheu Liu Bangut prindërit, bashkëshorten dhe fëmijët e tij, që ishin rrëmbyer.

Të dashur lexues, dhamë rubrikën "Tregime dhe legjenda kineze".