dëgjoni

Rusia është një nga 10 partnerët e mëdhenj tregtarë të Kinës. Krahas rritjes së vazhdueshme të ekonomisë midis dy vendeve, kontaktet dhe lidhjet ekonomiko-tregtare midis dy vendeve janë shtuar nga dita në ditë dhe përmasat e tyre janë zgjeruar pandërprerë. Në vitin 2004, vëllimi i tregtisë midis Kinës dhe Rusisë i kaloi në historinë e tij, të 20 miliardë dollarët amerikanë. Mund të thuhet se zhvillimi i tregtisë midis dy vendeve ka treguar gjendjen e zhvillimit të tregtisë së jashtme të Kinës.

Qysh nga vitet 80 të shekullit të kaluar e deri tani, zhvillimi i marrëdhënieve ekonomiko-tregtare midis Kinës dhe Rusisë i ka kaluar të 20 vjetët.

Duke folur për këtë, zoti Cui Longji, i cili ka qenë drejtori i përgjithshëm i një ndërmarrjeje shtetërore të distriktit Dongning të provincës Hilongjiang, tha: " Në vitin 1991, unë dhashë dorëheqjen nga ky funksion, duke filluar biznesin në kufirin midis Kinës dhe Rusisë. Në atë kohë, pothuaj se të gjithë banorët e zonës kufitare afër Rusisë bënin tregti. Në zonën kufitare kishte shumë individë që merren me tregti kufitare. Nëpërmjet këtij aktiviteti fillestar të tregtisë kufitare, zoti Cui Longji dhe këto indivite përfituar shumë. Duke i hedhur një vështrim gjendjes së dikurshme fillestare të biznesit, Cui Longji i tha gazetarit se në fillim, tregtia kufitare midis Kinës dhe Rusisë ishte një biznes popullor, që përmblidhte vetëm shkëmbimin e mallrave me mallra, pa rregulla. Në zonën tonë kishte mbi 2 mijë shoqëri, por tani kanë mbetur vetëm 70-80 shoqëri biznesi.

Krahas përmirësimit të vazhdueshëm të marrëdhënieve politike midis Kinës dhe Rusisë, marrëdhëniet ekonomiko-tregtare midis dy vendeve kanë hyrë në një etapë të re zhvillimi. Kina dhe Rusia kanë vendosur marrëdhënie shtetërore të tipit të ri në bazë të barazisë me leverdi reciproke dhe sidomos, zgjidhja e plotë e problemit kufitar ka pastruar pengesat e ndikimit mbi marrëdhëniet midis dy vendeve, duke hedhur një bazë të fortë për zhvillimin e shpejtë të bashkëpunimit ekonomiko-tregtar dypash. Në korrik të vitit 2001, Kina dhe Rusia nënshkruan marrëveshjen e bashkëpunimit miqësor dhe të marrëdhënieve të fqinjësisë së mirë, duke i çuar marrëdhëniet midis dy vendeve në lartësinë e marrëdhënieve të bashkëpunimit dhe të partneritetit strategjik. Gjatë vizitës, në tetor të vitit 2004, të presidentit Putin në Kinë, Kina dhe Rusia hartuasn një deklaratë të përbashkët kino-ruse, ku u parashtruan përmbajtjet konkrete të bashkëpunimit midis dy vendeve. Nënshkrimi i një sërë dokumentesh të rëndësishme ka siguruar zhvillimin e marrëdhënieve ekonomiko-tregtare dypalëshe.

Drejtorja e zyrës studimore për ekonominë e Rusisë, zj. Li Janmin është specialiste për studimin e marrëdhënieve ekonomiko-tregtare midis Kinës dhe Rusisë. Për këtë, gazetari e intervistoi atë. Ajo është e mendimit se tani, marrëdhëniet kino-ruse, duke përfshirë edhe marrëdhëniet ekonomiko-tregtare, kanë hyrë në një periudhë relativisht të mirë. Të dyja palët përcaktuan kornizën e bashkëpunimit të plotë.

Kina dhe Rusia kanë krijuar një kornizë të përsosur ligjore dhe një sistem të përsosur bashkëpunimi. Ekonomia e dy vendeve ka ruajtur një prirje të shpejtë zhvillimi. Ky është edhe një nga kushtet më themelore dhe më reale të përmirësimit të vazhdueshëm të marrëdhënieve ekonomiko-tregtare dypalëshe.

Në shekullin e 21-të, roli i bashkëpunimit ekonomik rajonal është shumë i rëndësishëm në ekonominë e botës së sotme, ndërsa plotësimi reciprok i epërsive është kushti i parë për zhvillimin e bashkëpunimit ekonomik rajonal. Si dy grupet kryesore të ekonomisë në Azinë veri-lindore, plotësimi reciprok i ekonomisë midis Kinës dhe Rusisë është shumë i fortë. Prandaj, vitaliteti i bashkëpunimit ekonomik midis Kinës dhe Rusisë është shumë i madh.

Duke folur për këtë, sekretari i Komitetit të Partisë Komuniste të Kinës në provincën Hilongjiang, z. Song Fatang tha se bashkëpunimi me Rusinë është jo vetëm një bashkëpunim kufitar, që është vetëm një anë e bashkëpunimit me Rusinë. Përveç këtij bashkëpunimi, janë edhe bashkëpunimi në investime, bashkëpunimi tekniko-shkencor etj. (Sihai)