Kur filloi të përdoret podiumi në Lojërat Olimpike?

Podiumi u përdor për herën e parë në Lojërat e dhjeta Olimpike, në Los Angles.

Në Lojërat e 5-ta Olimpike të organizuara në vitin 1912 në Stokholm pati një një ndodhi interesante: kur mbreti i Suedisë iu dha medaljen e kurorën fituesve duke u përkulur shumë, gati ra nga platforma, sepse ata fitues qëndronin në tokë. Në Lojërat e 10-ta Olimpike, për herë të parë, u vendos që, pas përfundimit të çdo gare të jepen menjëherë çmimet dhe jo pas mbarimit të të gjitha garave. Njëkohësisht u vendos të përdoret podiumi shkallëzor. Kështu që fituesi i medaljes së artë mund ta marrë çmimin, duke qendruar në shkallën më të lartë të podiumit.

Pse ai që krijoi rekordin e ri botëror fitoi vetëm një medalje të bronztë?

Në vitin 1924, në Lojërat e 8-ta Olimpike, rezultati më i mirë i kërcimit së gjati për meshkuj u krijua nga sportisti amerikan Robert Le Gendre. Ai thyeu rekordin botëror me rezultatin 7,78 metra. Mirëpo, me këtë rezultat të shkëlqyer, Le Gendre fitoi vetëm një medalje të bronztë, për arsye se ai nuk ishte regjistruar në kërcim së gjati, por në pesëgarësh. Dhe në pesëgarësh, ai u radhit vetëm në vendin e tretë.

Njëkohësisht, në Lojërat Olimpike të kësaj here, një tjetër sportist amerikan, William De Host Hubbard fitoi titullin e kampionit me rezultatin 7,45 metra në kërcim së gjati.

Cili vrapues këmbëzbathur fitoi medalje të artë në Lojërat Olimpike?

Sportisti i Etiopisë, Abebe Bikila, i cili e filloi stërvitjen për vrapimin në distanca të gjata në moshën 24 vjeçare, fitoi këmbëzbathur një medalje të artë me rezultatin 2 orë, 15 minuta, 16 sekonda e 2 dhjetat në maratonën e Lojërave Olimpike të vitit 1960 të organizuar në Romë. Pas kësaj ngjarjeje, njerëzit e quajnë atë "Vrapuesi këmbëzbathur" (The Barefoot Runner).

Në vitin 1964, në Lojërat Olimpike të organizuar në Tokjo ai fitoi përsëri një medalje të artë, duke krijuar një rekord të ri të maratonës me rezultatin 2 orë, 12 minuta, 11 sekonda e 2 dhjetat, edhe pse ishte 32 vjeç dhe kishte bërë një operacion para më se njëzet ditësh. Gjithashtu, ai u bë sportist i parë në historinë e Lojërave Olimpike, që ka zënë vendin e parë për dy herë rradhazi në maratonë.

Cili është olimpisti i parë që vdiq nga një stimulant?

Në garën çiklisike të Lojërave të 17-ta Olimpike të organizuar në Romë, kur një grup çiklistësh të djersitur ndiqnin njëri-tjetrin me shpejtësi të madhe, sportisti danez, Knut Enemark Jensen ra papritur nga biçkleta. Punonjësit mjekësorë iu vërsulën menjëherë për ta shpëtuar me të gjitha forcat, por, ndërhyrja e tyre nuk pati rezultat, ai pushoi së marri frymë.

Në fillim, njerëzit menduan se ai vdiq nga të nxeht e verës në Romë. Ndërsa, pas autopsisë së trupit të tij, u zbulua se ai vdiq nga një lloj stimulanti. Lënda stimuluese e tepërt, koha shumë e nxehtë dhe gara e ashpër i sollën atij vdekjen. (Çan Yean)