Para formimit të FINA-t, në Lojërat Olimpik përfshiheshin disa gara të posaçme, si noti zhyt, noti 200 metra me pengesa të vitit 1900, etj. Para Lojërave Olimpike të Londrës, ku filloi të përdorej pishina 100 metra, në Lojërat Olimpike garat e notit zhvilloheshin në det (1896), në Lumin Seine (1900), dhe në një liqen të vogël shtetit St. Louis të SHBA-së.

Për të unifikuar rregullat e garës së notit dhe për të krijuar një forum për lojërat sportive të notit, u takuan më 19 korrik të vitit 1908 në hotelin Manchester të Londrës, liderët e 8 vendeve, të Gjermanisë, Belgjikës, Danimarkës, Finlandës, Francës, Anglisë, Hungarisë dhe Suedisë. Në këtë takim, ata vendosën që të krijonin një shoqatë botërore të notit. Qëllimi kryesor i kësaj shoqate është shumë i qartë: standaritizimi i rregullave të garave të notit, të kërcimit nga trampolina, të vaterpolit, shqyrtimi, caktimi dhe rivendosja e rekordeve botërore dhe drejtimi i garave të sporteve të ujit.

Arritjet e mëdha të sporteve të ujit gjatë 40 vjetëve të kaluar përfshinë organzimin e Kampionatit Botëror në vitin 1973, organizimin e garës për Kupën Botërore në vitin 1979, organizimin e Kampionatit Botëror në distanca të shkurta në vitin 1993 dhe organizimin e garës për Çmimin e madh të Kërcimit nga Trampolina në vitin 1994. Në garat e notit, janë përdorur gjerësisht pajisjet e teknologjisë së lartë, posaçërisht ato elektronike të kohëmatjes dhe janë shtuar shumë shpejt llojet e garave të notit, duke përfshirë garën superiore të notit etj.