Më 17 prill të vitit 1971 në Pallatin e Madh Popullor, kryeministri i kohës së atëhershme, Zhou Enlai, priti lojtarët e pinpongut të SHBA-së, të Kanada-së, të Kolumbisë dhe të Nigerisë. Kështu, pingpongu dhe sporti shërbeu si fillimi i vendosjes së marrëdhënieve diplomatike kino-amerikane dhe krijoi gjithashtu një bazë të fortë për rikthimin e Kinës në Lojërat Olimpike.

Si rezultat i politikës "Diplomacia e Pingpongut", Kina rifitoi vendin legjislativ në Organizatën e Kombeve të Bashkuara në vitin 1972. Po në atë vit, u zgjodh një president i ri irlandez i KNO-së, Kilanin. Qysh nga ajo kohë, Komiteti Ndërkombëtar Olimpik kuptoi se për t'i dhënë Kinës një vend i ligjshëm në Komitetin Ndërkombëtar Olimpik, duhet të zgjidhet, së pari, problemi i Tajvanit. Prandaj, Kilanini dhe zv/presidenti i kohës së atëhershme, Samaranchi, vizituan për dy herë me radhë Kinën dhe thelluan njohjen për qeverinë e Kinës. Në vitin 1979, Komiteti Olimpik i Kinës i parashtroi Komitetit Ndërkombëtar Olimpik propozimin zyrtar lidhur me zgjidhjen e një vendi të ligjshëm të Kinës në këtë komitet. Ky propozim ishte pranuar nga pjesa dërrmuese të komitetit, duke përfishirë edhe presidentin Kilanin. Në nëntor të atij viti në Nagoya të Japonisë, u miratua rezoluta e parashtruar nga Komiteti Ndërkombëtar Olimpik për rivendosjen e Republikës Popullore të Kinës në Komitetin Ndërkombëtar Olimpik me 62 vota pro, 17 vota kundër dhe 2 vota abstenim. Në këtë rezolutë, është vënë në dukje se gjatë pjesëmarrjes në Lojërat Olimpike, Komiteti Olimpik Kinez duhet medoemos të përdorë flamurin kombëtar dhe stemën kombëtare të Republikës Popullore të Kinës, si flamur dhe stemë të delegacionit. Dhe gjithashtu të lejohej që Tajvani të merrte pjesë në Lojërat Olimpike si një pjesë e Kinës në emër të "Komitetit Olimpik të Tajvanit të Kinës". Ky vendim i Komitetit Ndërkombëtar Olimpik shmangu pengesën për rikthimin e Kinës në Komitetin Ndërkombëtar Olimpik. Qysh nga ajo kohë, u vendosën marrëdhënie të ngushta miqësore midis Komitetit Olimpik të Kinës dhe Komitetit Ndërkombëtar Olimpik.

Pas rikthimit në Komitetin Ndërkombëtar Olimpik në vitin 1979, Kina filloi përgatitjen e saj për pjesëmarrje në Lojërat Olimpike.

Në shkurt të vitit 1980, delegacioni olimpik i Kinës, pas rihyrjes në Komitetin Ndërkombëtar Olimpik, mori pjesë, për herë të parë, në Lojërat e 13-ta Dimërore Olimpike.

Në vitin 1984, u organizuan në Los Anxhelos të Amerikës Lojërat e 23-ta Olimpike. Qeveria kineze dërgoi, për herë të parë në historinë e vet, një delegacion të madh pjesëmarrës në Lojërat Olimpike. Në ditën e parë të Lojërave Olimpike, në garën e qitjes për meshkuj me pistoletë me ajër, qitësi Xu Haifeng fitoi një medalje të artë, e cila është e para në historinë olimpike të Kinës. Në vitin 2002, kur u organizuan Lojërat Dimërore Olimpike në Salt City të Amerikës, olimpistja kineze Yang Yang fitoi medalje të artë. Kjo është edhe medalja e parë e Kinës në Lojërat Dimërore Olimpike.

Arritjet e lojtarëve kinezë në lojërat ndërkombëtare janë provat që niveli i Kinës në fushën sportive është i lartë. Qysh nga viti 1979 deri në vitin 2003, olimpistët kinezë kanë fituar, në 5 Lojërat Verore Olimpike, 80 medalje të arta, 79 të argjenta dhe 64 të bronzta. Ndërsa në Lojërat Dimërore Olimpike, olimpistët kinezë kanë fituar gjithsej 2 medalje të arta, 12 të argjenta dhe 8 të bronxta.

Ndërkohë që lojtarët kinezë arrijnë suksese të shumta në Lojërat Olimpike, 3 kinezë u bënë përkatësisht anëtarë të Komitetit Ndërkombëtar Olimpik. Në vitin 1981, kryetari i kohës së atëhershme në fushën sportive, He Zhenliang, u zgjodh anëtar i Komitetit Ndërkombëtar Olimpik dhe punoi si zv/presidenti i Komitetit Ndërkombëtar Olimpik nga viti 1989 deri në vitin 1993. Në vitin 1996, krytarja e Federatës Ndërkombëtare të Badmindongut, zonja Lu Shengrong, u zgjodh si anëtarja e parë kineze e Komitetit Ndërkombëtar Olimpik. Në vitin 2000, zv/drejtori i Drejtorisë së përgjithshme të Sportit, Yu Zaiqing, që është kryetar i Komitetit Olimpik të Kinës, u zgjodh si anëtar i Komitetit Ndërkombëtar Olimpik.

Rikthimi i Kinës në familjen e madhe olimpike dhe pjesëmarrja e saj në Lojërat Olimpike është tregues i rigjallërimit të sportit në Kinë. Ky fakt i sjell energji të reja Lojërave Olimpike. (Jiang Lei)