degjoni

Qendra e tregtisë së mallrave e ASEAN-it në qytetin Dongxing të Guangxinit, salla Yiwu e qytetit tregtar të mallrave të vogla të Kinës në Dali dhe qyteti tregtar ndërkombëtar Bole Kinë-Birmani në qytetin Ruili të Yunnanit, të gjitha këto tregje tregtare kufitare, janë krijuar me investime të tregtarëve të provincës Zhejiang. Në këto tregje ka të paktën disa qindra shitore të tregtarëve të kësaj province. Në një vijë kufitare prej disa mijëra kilometrash të Kinës kanë lënë gjurmët e tyre tregtarët e provincës Zhejiang. Mbi 10 mijë njerëz të provincës Zhejiang marrin pjesë në tregtinë kufitare. Pazaret e tyre të dikurshme janë bërë gradualisht tregje të lulëzuara të tregtisë kufitare.
Ku ka treg, ka tregtarë të provincës Zhejang. Shumë njerëz të kësaj province u larguan nga vendlindja e tyre, duke kapërcyer mijëra male dhe qindra lumenj dhe më në fund kanë arritur në zonat kufitare. Ata kanë kapur shansin tregtar në zonat kufitare.
Tregtarët e provincës Zhejiang janë të zgjuar dhe shumë punëtorë. Ata jo vetëm kanë nxjerrë shumë përfitime nga biznesi i produkteve të tekstilit, rrobave, produkteve të lëkurës etj, por edhe kanë dhënë kontribut të madh për zhvillimin ekonomik të provincës Zhejiang. Pjesa dërrmuese e mallrave të eksportuara nga ata janë produkte tradicionale, që kanë epërsinë e konkurrencës në tregjet e vendeve fqinje. Si rezulat, është zgjeruar tregtia e jashtme e provincës Zhejiang dhe u zgjidh problemi i shitjes së produkteve të ndërmarrjeve të mesme dhe të vogla.
Mbi 10 mijë njerëz të provincës Zhejang marrin pjesë në tregtinë kufitare dhe janë bërë grupet me numrin më të madh të njerëzve në radhën e biznesmenëve të provincave të ndryshme të Kinës. Ata zënë një përqindje të madhe të tregtisë kufitare jo vetëm në kufirin midis Kinës e Vietnamit dhe Kinës e Birmanisë, por edhe në kufirin midis Kinës e Rusisë, Kinës e Mongolisë, Kinës e Kazakistanit, Kinës e Taxhikistanit dhe Kinës e Pakistanit.
Tani, tregtarët e provincës Zhejiang, që kanë potencial të mjaftueshëm dhe kanë filluar të krijojnë qytetin e tregtisë kufitare, për të ngritur aftësinë kundër rrezikut të tregut dhe potencialin e konkurencës. (Sihai)