degjoni

Ditët e fundit, qeveria kineze publikoi politikën për nxitjen e mëtejshme të zhvillimit të ekonomisë së pronësisë joshtetërore si temë kryesore.

Ekonomisti i njohur kinez, z. Cheng Siwei tha se pika më e shkëlqyer e kësaj politike për inkurajimin e zhvillimit të ekonomisë së pronësisë joshtetërore është ulja e kërkesave për hyrjen e ekonomisë së pronësisë joshtetërore në treg. Njëkohësisht, kjo politikë ka parashtruar shumë masa për inkurajimin e zhvillimit të ekonomisë së pronësisë joshtetërore. Ai tha se në të kaluarën, para nesh ekzistonin disa probleme të diskriminimit dhe të kufizimit për ekonominë e pronësisë joshtetërore. Unë jam i mendimit se pika më e shkëlqyer e kësaj politike është hyrja e kësaj lloj ekonomie në treg, domethënë, hyrja e barabartë, e cila përfshin lejimin e hyrjes së ndërmarrjeve të pronësisë joshtetërore në sektorët e monopolizuar nga shteti edhe në të gjitha fushat, ku lejohet hyrja e ndërmarrjeve me investime të huaja.

Zhvillimi i ekonomisë së pronësisë joshtetërore të Kinës filloi në fund të viteve 70 të shekullit të kaluar. Nëpërmjet zhvillimit mbi 20 vjeçar, tani, ekonomia e pronësisë joshtetërore është bërë pjesë e rëndësishme përbërëse e ekonomisë kineze të tregut.

Gjatë 10 vjetëve të fundit, Kina ka parashtruar një sërë kursesh dhe politikash për nxitjen e zhvillimit të ekonomisë së pronësisë joshtetërore dhe ka përsosur qartë sistemin ligjor për mbrojtjen e kapitaleve private, kështu që mjedisi i jashtëm i zhvillimit të ekonomisë së pronësisë joshtetërore të Kinës është përmirësuar nga dita në ditë.

Ekonomisti, z. Cheng Siwei tha se përveç lulëzimit të ekonomisë së qyteteve dhe të fshatrave, shtimit të të ardhurave financiare dhe zgjerimit të punësimit shoqëror, roli më kryesor i zhvillimit të ekonomisë së pronësisë joshtetërore ka forcuar edhe vitalitetin e ekonomisë kineze të tregut.

Unë jam i mendimit se roli më i madh i zhvillimit të ekonomisë së pronësisë joshtetërore është ngritja e vitalitetit të zhvillimit ekonomik të vendit tonë dhe të ekonomisë së tregut. Ekzistenca e ndërmarrjeve të pronësisë joshtetërore mund të realizojë më mirë shpërndarjen e burimeve në treg edhe mund të nxitë konkurencën dhe të thyejë monopolizimin, si dhe të shtojë vitalitet më të madh të tregut. Njëkohësisht, ajo mund t'u sjellë zhvillimit të ekonomisë shtetërore dhe konsumatorëve dobi më të mëdha.

Por, gjatë zhvillimit të ekonomisë së pronësisë joshtetërore ekzistojnë edhe disa disa vështirësi dhe probleme, si koncepti i prapambetur i disa lokaleve dhe sektorëve, ligje dhe rregullore jo të përsosura, disa kufizime të papërshtatshme në hyrjen e saj në treg etj. Personalitetet përkatëse janë të mendimit se politika e qeverisë kineze për inkurajimin e zhvillimit të ekonomisë së pronësisë joshtetërore do të krijojë një mjedis të mirë të politikës për zgjidhjen e këtyre problemeve. P.sh, politika lejon ndërmarrjet e pronësisë joshtetërore të hyjnë në fushën monetare, e cila do të jetë në favor të zbutjes së vështirësisë së grumbullimit të fondeve të ndërmarrjeve private. Për këtë, kryetari i Shoqatës Kombëtare Pankineze të Industrialistëve dhe Tregtarëve, z. Huang Mengfu tha se unë jam i mendimit se përmbajtjet e kësaj politike mbi përkrahjen monetare të zhvillimit të ndërmarrjeve private dhe të ndërmarrjeve të mesme e të vogla janë shumë të plota, gjë që favorizon ekonominë e ardhshme private të fitojë përkrahje monetare.

Siç mësohet, në të ardhmen, Kina do të shpejtojë krijimin e fondeve të zhvillimit të ndërmarrjeve të mesme dhe të vogla shtetërore dhe do të ngrejë përqindjen e kredive të ndërmarrjeve të pronësisë joshtetërore. Qeveria kineze do të japë përkrahje në anën e finacave dhe në taksa, për të nxitur zhvillimin e ndërmarrjeve të pronësisë joshtetërore.

Kjo politikë, që ka marrë qeveria kineze për nxitjen e zhvillimit të ekonomisë së pronësisë joshtetërore ka fituar respektin e ndërmarrjeve të pronësisë joshtetërore.

Kjo politikë ka shtjelluar shumë qartë fazat dhe kërkesat e ndryshme të zhvillimit të ndërmarrjeve private.

Sipas njoftimeve, pas publikimit të kësaj politike, sektorët përkatës qeveritarë dhe administratat vendore do të hartojnë një sërë masash komplekse të zbatimit, të cilat do të favorizojnë ekonominë e pronësisë joshtetërore të Kinës të vazhdojë të ruajë një rritje relativisht të shpejtë të zhvillimit. Ekonomia e pronësisë joshtetërore do të vazhdojë të jetë forcë e rëndësishme për nxitjen e zhvillimit të ekonomisë kineze. (Sihai)