Dëgjoni

Në rast se viti 2003 ishte viti i paraqitjes së konceptit të zhvillimit shkencor, atëhere viti 2004 do të ishte viti i vënies në jetë të këtij koncepti të madh strategjik në vendin tonë. Në vitin 2004 u arritën rezultatet e para në makrokontrollin ekonomik nën orientimin e konceptit të zhvillimit shkencor. Çështjet e ndryshme ekonomiko-sociale u zhvilluan në mënyrë të qëndrueshme dhe në të gjitha fushat e jetës shoqërore u vu re një pamje harmonike, e unitetit, e përparimit dhe e vitalitetit. Të gjitha këto tregojnë në mënyrë të gjallë se koncepti i zhvillimit shkencor është kyç për zhvillimin ekonomiko-social të Kinës dhe ky koncept ka karakter të padiskutueshëm shkencor dhe orientues.

( l )

Në vitet e para pas krijimit të Republikës Popullore të Kinës, Mao Ceduni dhe kolegët e tij bënë përpjekje të mëdha në kërkimin e një ligji të ndërtimit të socializmit. Ten Shiao Pini paraqiti teorinë " zhvillimi është në plan të parë", Gjian Cemini e përcaktoi zhvillimin e vendit si detyrë të parë të partisë për lulëzimin e vendit..

Koncepti i zhvillimit shkencor lidhet ngushtë me mendimet e tri brezave drejtuese të Partisë Komuniste të Kinës për problemin e zhvillimit.

Zhvillim shkencor do të thotë zhvillim i gjithanshëm, përpjesëtimor dhe i vazhdueshëm. Qëllimi i zhvillimit shkencor është shërbimi ndaj popullit. Duke nxjerrë mësime dhe përvoja të vendit tonë dhe të vendeve të tjera të botës në problemin e zhvillimit dhe duke u nisur nga lartësia historike dhe epokale, Partia Komuniste e Kinës paraqiti konceptin e zhvillimit shkencor, duke treguar më tej rrugën e zhvillimit, modelin e zhvillimit dhe strategjinë e zhvillimit për modernizimin e Kinës.

Në gjysmën e dytë të vitit 2003, Komiteti Qendror i PK të Kinës dhe Këshilli i Shtetit kanë diktuar disa faktorë jo të shëndetshëm dhe të paqëndrueshëm në qarkullimin ekonomik dhe kanë marrë vendim të prerë për forcimin e makrokontrollit. Krahas makrokontrollit, në vitin 2003 u ruajt rritja ekonomike prej 9,5%, të ardhurat financiare u shtuan 500 miliardë juanë.

Në vitin 2004, prodhimi i drithërave në Kinë arriti në 500 milionë tonë, duke ndryshuar gjendjen e uljes për 5 vjet me radhë të prodhimit të drithërave, ndërkohë viti 2004 ishte viti me prodhimin më të lartë të drithërave pas krijimit të Republikës Popullore të Kinës. Të ardhurat neto mesatare të fshatarëve arritën në 3 mijë juanë, duke u shtuar 6,8%.

Zhvillimi përpjesëtimor rajonal është një nga përmbajtjet kryesore të zhvillimit shkencor. Në vitin 2004 ekonomia e krahinave perëndimore të Kinës u rrit 12% dhe kështu u hodh një hap i ri për lulëzimin e bazës së vjetër industriale të Kinës verilindore.

Krahas kësaj, koncepti i ekonomisë qarkulluese është pranuar nga gjithnjë e më shumë njerëz. Është krijuar në përgjithësi sistemi i llogaritjes së GDP-së së gjelbër. Kostoja e mjedisit dhe e burimeve natyrore është përfshirë në vlerësimin e përgjithshëm të zhvillimit ekonomik.

Në vitin 2004 është arritur një përparim i ri edhe në civilizimin politik. Këshilli i Shtetit ka hequr ose ka rregulluar mbi një mijë objekte të shqyrtimit e të miratimit administrativ. Janë shkarkuar disa funksionarë të pa aftë dhe është forcuar sistemi i përgjegjësisë administrative. Janë shtuar investimet në fushat e sigurimeve shoqërore, të arsimit, të shkencës, të shëndetësisë dhe të kulturës.

Zhvillimi harmonik social-ekonomik i Kinës në vitin 2004 është rezultat i hartimit dhe i zbatimit të një sërë direktivash politike sipas koceptit të zhvillimit shkencor.

Në plenumin e 4-të të komitetit qendror të partisë, që u mbajt në shtator të vitit 2004, u parashtrua detyra për krijimin e një shoqërie harmonike socialiste dhe u përcaktuan përmbajtjet kryesore për krijimin e kësaj shoqërie. Pas pesë muajsh, sekretari i përgjithshëm i KQ të PK të Kinës, Hu Jintao shtjelloi thellësisht normat themelore, parimet kryesore dhe detyrat kryesore për krijimin e shoqërisë harmonike socialiste. Hu Jitao parashtroi edhe kërkesa konkrete për forcimin dhe përmirësimin e udhëheqjes së partisë në këtë drejtim.

Opinioni publik i vendeve të tjera të botës ka vënë re se krijimi i shoqërisë harmonike socialiste është një shprehje e qartë e objektivit të zhvillimit të Kinës nën orientimin e konceptit të zhvillimit shkencor. Kjo tregon strukturën e përgjithshme të çështjes së socializmit me karakteristikat kineze, duke e shndërruar zhvillimin trekëndësh ? ekonomik, politik dhe kulturor, në zhvillim katërkendësh ? ekonomik, politik, kulturor dhe shoqëror.

Para një viti, u parashtrua strategjia e madhe e zhvillimit shkencor, ndërsa pas një viti këmbëngulja në zhvillimin social-ekonomik sipas konceptit të zhvillimit shkencor është bërë vetëdije e të gjithë partisë dhe e të gjithë popullit tonë. Koncepti i zhvillimit shkencor, ashtu si një farë është mbjellë, ka zënë rrënjë, ka dalë fidani dhe do të arrihen edhe frutat e tij. ( zhang )