Dëgjoni

Zv-ministri kinez i arsimit dhe kryetari i Komisionit të punës së gjuhësisë dhe të shkrimit të Kinës, Yuan Guiren shprehu, ditët e fundit, mendimin e tij se tani në mësimdhënien e gjuhësisë duhet të ndreqet prirja e mbivlerësimit të gjuhëve të huaja dhe e nënvlerësimit të gjuhës amtare.

Këto, zv-ministri Yuan i tha në mbledhjen kombëtare të punës së gjuhësisë dhe të shkrimit për vitin 2005, që u mbajt ditët e fundit në Shenjan të Kinës veri-lindore.

Krahas thellimit të reformës në Kinë, mësimi dhe përdorimi i gjuhëve të huaja, veçanërisht i anglishtes në vendin tonë janë shtuar gradualisht dhe po zënë një vend të rëndësishëm në mësimdhënien në nivele të ndryshme të arsimit në Kinë. Hovi i mësimit të anglishtes në Kinës është, duke u ngritur pandërprerë. Për këtë prirje, në shoqërinë kineze ekzistojnë mendime të ndryshme. Disa shqetësohen së vënia e mësimit të gjuhëve të huaja në një vend kaq të rëndësishëm do të shkaktojë uljen e mësimdhënies së gjuhës kineze dhe do të ndikohë negativisht në trashëgimin dhe zhvillimin e kulturës tradicionale të Kinës.

Zv-ministri Yuan është i mendimit se rreth këtij problemi duhet të zhvillohet një debat serioz. Mësimi dhe përdorimi i gjuhëve të huaja ka ndikuar dukshëm në jetën gjuhësore të Kinës. Prandaj duhet t'i kushtojmë vëmendjen e duhur dhe duhet të ndërmarrim një politikë të qartë për njohjen dhe trajtimin e këtij fenomeni. Nga njera anë duhet të forcojmë mësimin e gjuhëve të huaja dhe të ngrejmë nivelin e përdorimit të tyre. Kjo është kërkesë për zgjerimin e mëtejshëm të hapjes dhe për forcimin e kontakteve me botën e jashtme dhe një kërkesë për të mësuar nga shkenca e teknologjia e përparuar e vendeve të tjera të botës dhe për të adoptuar arritjet e civilizimit të njerëzimit. Kjo duhet të përkrahet dhe të inkurajohet. Por, nga ana tjetër, duhet të kemi parasysh se gjuha dhe shkrimi kinez janë simbol i kombit tonë dhe pjesë përbërëse e rëndësishme e kulturës kombëtare të vendit tonë. Niveli i përdorimit të tyre pasqyron dhe ndikon drejtpërsëdrejti në arsimin, kulturën dhe cilësinë e kombit. Për t'iu përgjigjur zhvillimit të ardhshëm të arsimit dhe të kulturës dhe zhvillimit paqësor të Kinës në botë, duhet të forcohet më tej arsimi i gjuhës amtare dhe të zgjerohet ndikimi i saj në botë. Ky është gjithashtu një nga aspektet e rëndësishme të punës për zhvillimin e kulturës kombëtare dhe për edukimin me frymë patriotike.

Zv-ministri Yuan theksoi se duhet të ndreqet dukuria e mbivlerësimit të studimit të gjuhëve të huaja dhe të nënvlerësimit të studimit dhe të përdorimit të gjuhës amtare. Njëkohësisht duhet të hartohen rregulloret përkatëse për adoptimin e përshtatshëm të gjuhëve të huaja, për të krijuar një mjedis standard dhe të shëndetshëm gjuhësor. ( zhang )