Muzika popullore kineze "Lulja Jasemin" dhe interpretimet me instrumentin popullor kinez Erhu në ceremoninë e mbylljes së Lojrave Olimpike të Athinës, si dhe vlerësimet e larta për veprat moderne të muzikës popullore kineze të kompleksit të l2 vajzave me instrumente popullore kineze në Azinë juglindore dhe po ashtu shfaqjet e trupave të instrumenteve popullore kineze në skenat e vendit dhe atë ndërkombëtare tregojnë se muzika popullore kineze po ringjallet gjatë shkëmbimeve kulturore dhe krijimeve të reja.

"Shfaqja e kësaj madhe në pallatin e artë të Vienës ishte endrra e të gjithë instrumentistëve", tha drejtori i Teatrit të këngëve dhe valleve të Tiencinit Gao Jiulin.

Për ta, rëndësia e këtij rasti nuk përmblidhet vetëm në përhapjen e markës kulturore të Tiencinit, por edhe në përhapjen e kulturës së kombit kinez dhe në shtimin e kontakteve miqësore ndërkombëtare. Specialistët vunë në dukje se organizimi i "Koncertit të Muzikës Popullore Kineze me rastin e Festës së Pranverës të Kinës " është bërë një markë e njohur e muzikës popullore kinezë dhe një aktivitet tradicional ndërkombëtar. Vazhdueshmëria e tij ka luajtur një rol të pamohueshëm për njohjen e muzikës popullore kineze në arenën ndërkombëtare.

Nga vitet 80 deri në vitet 90-të të shekullit të kaluar, e ndikuar nga muzika e preferuar zbavitëse honkongase dhe tajvanase dhe nga format e jashtme artistike , muzika popullore kineze ishte në rënie dhe nuk kishte treg të madh. Instrumentistët e muzikës popullore u detyruan të ndryshonin profesionin e tyre.

Zv-sekretari i përgjithshëm i shoqatës së instrumenteve frymore popullore dhe me tela kineze, Zhang Shengping tha : "Në atëkohë, orkestrat e instrumenteve popullore kineze hidhnin hapa me vështirësi. Njerëzit preferonin të interpretonin me instrumentet evropiane. Ata që i binin fyellit, e ndërruan atë me saksin, kurse ata që i binin Pipës, filluan t'i binin kitarës. Shumë orkestra të instrumenteve popullore kineze u çorganzuan."

Sot, kjo gjendje ka ndryshuar krejtësisht. Zhang Shengping tha se në mbarë vendin ka dhjetra orkestra të instrumenteve popullore kineze, po thuajse të gjitha provincat e rajonet autonome kanë orkestrën e vet të instrumenteve popullore kineze, të cilat ekzistohen në skenët e vendit dhe në ato ndërkombëtare.

P.sh, Teatri i këngëve dhe valleve të Tiencinit tani jep rreth l0 shfaqje në muaj dhe ka shkuar për vizitë dhe shfaqje në më se 40 vende e rajone të botës, si në SHBA, Itali, Gjermani, Spanjë, Singapor, Tajlandë etj.

" Lulëzimi i tregut të muzikës popullore kineze ka ardhur rezultat i ndryshimit të ideologjisë kombëtare", tha zoti Zhang Shengping. "Vetëm kultura dhe traditat e veta mund të përfaqësojnë karakterin e kombit kinez. Sot, njerëzit kanë një ideologji të tillë dhe kanë filluar t'i kushtojnë rëndësi të madhe kulturës së kombit të tyre ."

Krahas zhvillimit dhe lulëzimit të muzikës popullore kineze, në Kinë zhvillohen debate për mënyrën e zhvillimit të muzikës popullore .

"Kompleksi i 12 instumentisteve kineze" që është i njohur si i modës dhe është pritur shumë mirë në Japoni dhe më vonë filloi të pritet shumë mirë edhe në vend. Gjatë interpretimit të muzikës popullore kineze, kompleksi i l2 instrumentisteve ka futur shumë elementë të pëlqyeshëm të muzikës moderne dhe duket si një grup i muzikës zbavitëse.

Duke folur për drejtimin e zhvillimit të muzikës popullore kineze, kritikët e muzikës popullore shprehen njëzëri se muzika popullore kineze duhet të zhvillohet në bazë të kursit të " konkurrimit të një qind luleve " që do të thotë zhvillimi i të gjitha mënyrave dhe formave të interpretimit. Gjatë zhvillimit të tij, çdo art ka një proces të flakjes dhe të përmirësimit të mëtejshëm. Duhet të nxjerrim krijime të reja në formaë dhe mënyrën e interpretimit, por edhe duhet të ruajmë për një kohë të gjatë edhe karakterin e theksuar kombëtar. Duhet të trajtohen mirë marrëdhëniet midis trashëgimisë dhe krijimeve të reja.(zhai)