Blerja e një kompjutri mund të jetë e mbushur me shqetësim dhe ankth në çdo vend. Stresi që shoqëron zgjedhjen e një kompjutri ose një tjetër paisjeje elektronike shtohet më tepër kur ndokush nuk e flet gjuhën e vendit. Kina është fabrika e botës për një sasi të madhe përbërësish kompjuterikë dhe shumë prej tyre mund të blihen pikërisht këtu në Pekin me një minimum të thjeshtë stresi ose shqetësimi. Hilja është të dish të si të bësh një blerje të zgjuar. Për të huaj që i pelqen rreziku dhe duan të ulin 50% të cmimit, mëmyra më e thjeshtë është të shkojnë vetë në tregun e komjutrave në Pekin.

Zhongguancun-"Lugina Kineze e Silikonit"

Zhongguancun shtrihet në veriperëndim të Pekinit, në Unazën e katërt. Vetëm disa vjet më parë, kjo zonë nuk ishte vetëm se një zonë e qetë e populluar, që i shërbente universiteteve të shumta të atjeshme si dhe industrisë së distriktit të Haidianit. Që me ngritjen e Parkut të Shkencave dhe Tekonologjisë të Zhongguancunit më 1999, kjo zonë është zhvilluar në një nga distriket më të mëdha dhe më të sukseshme të teknologjisë së lartë në Kinë, duke u kthyer në Luginën Kineze të Silikonit, siç e quajnë shpesh njerëzit.

Zhongguancuni është tashmë vendi ku ju keni më shumë mundësi të gjeni PC-të dhe shitësit e pajisjeve të tjera elektronike me nivelin më të lartë konkurrues. Një shitës i pandershën në të tilla tregje të mëdha nuk do të zgjasë as edhe një javë në bisnes nëse gënjen për cilësinë e mallit që shet. Ka një duzinë tregjesh të PC-ve në zonën e Zhongguancunit, por më i madhi dhe më i riu është Qyteti i Elektronikës Nr.1, i njohur në gjuhën kineze si Dinghao Dianzi Shangchang.

Ky kompleks masiv 9-katësh përmban 4 kate me elektronikë dhe PC, 2 kate me pajisje të konsumit elektro-shtëpiak, një kat me restorante dhe dy kate të nëndheshme për parkimin e makinave. Ky kompleks është hapur në qershor të vitit 2003 dhe njihet si tregu më i madh i vetëm i kompjutrave, komunikimit dhe konsumit elektronik. çdo firmë e njohur ndëkombëtare, si Epson, Haier, HP, Sony, Toshiba etj është përfaqësuar në këtë kompleks me mallrat e saj në dy katet e para. Ne katet më lart ka me mijëra firma më pak të njohura që shesin përbërës të ndryshëm kompjutrash si dhe pajisje zyre, si fotokopje dhe pajisje faksi.

Zhungguancuni nuk është vendi më i lehtë në Pekin për të shkuar. Përveç se me taksi, një zgjidhje e mirë, për shkat trafikut të rënduar në pjesën veriore të unazës tretë dhe të katërt, është ndërthurja e përdorimit të metrosë me taksinë. Kjo është edhe zgjidhja që bëjnë vendësit.

Një tjeër supermaket, miniaturë e Zhungguancunit ndodhet në distriktin Chaoyang, ku mund të blihen të njejtat pajisje elektronike.

Megjithëse tregje të mëdha si këto të duken kaotikë dhe të rrëmujshëm, prapë ekziston një parim i vetëorganizimit në sistemin tregtar që konsiston në dhënien e mallit të kohës së fundit me çmimin e vendosur dysheme. Qyteti Elektronik Nr.1 ofron gjithashtu edhe një shërbim dygjuhësh me një përkthyes kinez, i cili shoqëron blerësin e huaj gjatë gjithë kohës së kërkimit. Ai, bile, ndihmon edhe në bisedimet për uljen e çmimit. çdo gjë këtu është e negociueshme, madje, edhe për firmat e njohura. Por duhet pasur parasysh se shanset për uljen e çmimeve janë më të mëdha në katet e sipërme, ku tregtojnë firmat më pak të njohura. Asnjë kinez që e respeekton sadopak vetveten nuk do të dorëzohet që në çminin e parë të ofruar.

Por për ata të huaj, që nuk janë edhe aq praktikë, një ulje 10 % e çmimit të parë do t'i bëjë të ndjehen të lumtur. Gjatë blerjes, kini parasysh tri rregulla të arta: anjëherë mos tregoni interes për mallin që doni të blini, por rrotullohuni rreth produkteve të ngjashme; hapni negociatat tuaja me 40% më ulët se çmimi i ofruar; bëhuni gati të ikni (shitësi shpesh do t'ju ndjekë për të pranuar çmimin tuaj të fundit). Nëse shitësi refuzon të dorëzohet, atëherë nuk është për t'u shqetësuar se ka edhe shumë të tjerë që mund të plotësojnë kërkesat tuaja.(R.Stringa)