dëgjoni

Agjensia Kineze e Lajmeve Hsinhua njoftoi se po bëhet normalisht puna eksperimentale për mjekimin e kooperuar të tipit të ri në fshatrat e provincës Hënan dhe fshatarët janë të kënaqur për këtë sistem të mjekimit. Tani në 25 distrikte të kësaj province afro 12 milionë fshatarë kanë marrë pjesë në këtë sistem të mjekimit dhe përqindja e pjesëmarrjes së fshatarëve ka arritur në 76%. Janë grumbulluar 451 milionë juanë dhe shuma e shpenzuar për mjekimin e kooperuar ka arritur në 322 milionë juanë, duke zënë afro 72% të fondeve të grumbulluara,

Puna eksperimentale për mjekimin e kooperuar të tipit të ri në fshatrat e provincës Hënan filloi në shtator të vitit 2003. Që nga ajo kohë, sektorët përkatës të të gjithë provincëqs, si të shëndetësisë, të financave, të punëve civile, të bujqësisë, të kontrollit kanë marrë masa aktive dhe kanë bërë përpjekje të mëdha për të realizuar objektivin e përbashkët.

Deri tani, provinca Hënan ka arritur rezultatet e para në këtë drejtim. Është pakësuar realisht barra e fshatarëve për shpenzimet mjeksore. Fshatarët kanë fituar nga ky sistemi i ri mjeksor. E dyta është përmirësuar cilësia e jetës së fshatarëve. Me këtë sistem të ri mjeksor është bërë realitet shpresa e fshatarëve që kur sëmuren, mund të mjekohen në kohë. E treta, është nxitur reforma dhe zhvillimi i institucioneve mjeksore të fshatit.

Krahas punës për nxitjen e krijimit të sistemit të ri mjeksor, administratat popullore kanë grumbulluar nga drejtime të ndryshme fonde për krijimin e sistemit të shërbimit mjeksor të fshatit. Nga viti 2003 provinca Hënan ka investuar 240 milionë juanë për ngritjen brenda 3 vjetëve të ardhshëm të 600 spitaleve në fshatin e saj. E katërta, nëpërmjet krijimit të sistemit të ri mjeksor është forcuar më tej lidhja parti-popull dhe lidhja midis kuadrove drejtuese dhe masave popullore. ( zhang )