dëgjoni

Në fillim të viteve 80 të shekullit të kaluar, Kina filloi krijimin e zonave të shfrytëzimit të ekonomisë dhe teknikës në disa qytete të hapura me botën e jashtme, për të tërhequr investimet e tregtarëve të huaj në Kinë.

Gjatë më se 20 vjetëve të fundit, Kina ka krijuar gjithësej mbi 50 zona të shfrytëzimit të ekonomisë dhe të teknikës të nivelit shtetëror, ndër to, zona e shfrytëzimit të ekonomisë dhe të teknikës e Tienjinit, e krijuar në vitin 1984, është një nga zonat e shfrytëzimit, të krijuara më herët në Kinë dhe me sukseset më të dukshme. Më poshtë, do t'ju flasim për këtë zonë me vitalitet të plotë të shfrytëzimit të ekonomisë në Kinën veriore.

Zona e shfrytëzimit të ekonomisë dhe të teknikës e Tienjinit ndodhet në lindje të qytetit Tienjin të Kinës veriore. Sipërfaqja e saj është mbi 30 kilometra katrore. Në lindje të saj, ajo lidhet me portin e Tienjinit, porti më i madh i Kinës veriore. Kjo zonë është vetëm 140 kilometra larg Pekinit, dhe është krijuar në tokat e kripura, alkaline dhe të shkreta. Tani, këto toka janë mbuluar nga rrjeti me shumë drejtime i komunikacionit, nga korpuset moderne dhe nga lulishtet e bukura.

Në janar të këtij viti, Shoqëria Amerikane Kabot, tregtar i njohur ndërkombëtar i prodhimit të lëndëve të veçanta të industrisë kimike dhe një shoqëri kineze investuan bashkarisht 28 milionë dollarë amerikanë, për të krijuar një fabrikë të prodhimit të blozës, një lëndë e parë e rëndësishme industriale, në zonën e shfrytëzimit të Tienjinit. Duke iu përgjigjur pyetjeve të gazetarëve në kantierin e kësaj fabrike, drejtori i përgjithshëm i Shoqërisë Amerikane Kabot, z. Kenet F. Burnes tha se Shoqërisë Amerikane Kabot i pëlqen mjedisi i mirë i këtushëm i investimeve për krijimin e fabrikës në zonën e shfrytëzimit të Tienjinit.

Ne jemi gëzuar shumë për investimet e bëra në këtë vend, sepse këtu ka epërsi në pozitën gjeografike dhe ka infrastrukturë të mirë. Ne shpresojmë se kjo fabrikë do të bëhet një fabrikë e prodhimit të blozës me përmasat më të mëdha dhe me teknologjinë më të përparuar në botë.

Zoti Burnes tha se tani, Kina është vendi i 2-të i konsumit të blozës në botë dhe tregu kinez është shumë i madh. Sipas planit të Shoqërisë Amerikane Kabot, deri në vitin 2010, fabrika e prodhimit të blozave në zonën e shfrytëzimit të Tienjinit do të bëhet baza më e madhe e prodhimit të blozës me cilësi të mirë në botë.

Sipas njoftimeve, qysh nga krijimi i saj, kjo zonë i ka kushtuar gjithmonë rëndësi ndërtimit të infrastrukturës. Deri në fund të vitit të kaluar, u investuan 40 miliardë juanë për këtë.

Përveç këtyre, dhënia e shërbimeve të mira ndërmarrjeve me investime të huaja është edhe një karakteristikë e zonës së shfrytëzimit të Tienjinit. Para 15 vjetëve, institucionet administrative dhe institucionet qeveritare industriale dhe tregtare, të taksave etj, që kanë lidhje me çështjet e investimeve janë qëndruar së bashku, duke u krijuar investimeve të tregtarëve të huaj shërbime të mira dhe të shpejta dhe duke zgjidhur në kohë problemet gjatë procesit të zhvillimit të ndërmarrjeve të kësaj zone. Për këto, shefi i sektorit për çështjet publike pranë Shoqërisë së Kufizuar Elektronike Motorola, z. Chen Lei tha se administratorët e zonës së shfrytëzimit, duke u nisur nga interesat e investuesve, kanë ndihmuar investuesit në shpejtimin e zhvillimit të ndërmarrjeve. Të dyja palët kanë formuar një komitet të bashkëpunimit midis Shoqërisë Motorola dhe administratës së zonës së shfrytëzimit të qytetit Tienjin. Kështu, midis ndërmarrjeve të huaja dhe administratës së zonës së shfrytëzimit është krijuar një platformë shumë e mirë bashkëpunimi.

Tani, investimet e përgjithshme të Shoqërisë Motorola arritën në 3 miliardë dollarë amerikanë në zonën e shfrytëzimit të Tienjinit, ku u krijuan 5 fabrikat e saj, numri i punonjësve është mbi 10 mijë dhe vëllimi i shitjes së produkteve arriti në 50 miliadë dollarë amerikanë. Zoti. Chen Lei tha se tani, zona e shfrytëzimit e Tienjinit është bërë qendër globale e prodhimit e Shoqërisë Motorola. Sivjet, këtu do të prodhohen mbi 50 produkte të reja. (Sihai)