dëgjoni  Ditët e fundit, ministri kinez i bujqësisë, Du Qinglin tha se sivjet, ne duhet të vazhdojmë objektivin themelor për ruajtjen e shtimit të qëndrueshëm të prodhimit të drithërave dhe për shtimin e vazhdueshëm të të ardhurave të fshatarëve. Që të zgjidhet rrënjësisht ky problem, kyçi është krijimi i sistemit afatgjatë dhe efikas për përparimin e shkencës dhe teknikës bujqësore, për të realizuar ndryshimin e plotë të mënyrave të rritjes së prodhimit bujqësor.

Në një mbledhje telefonike për zhvillimin e shkencave dhe të teknikës bujqësore në fshatra, Ministria Kineze e Bujqësisë ka paraqitur 4 punë kryesore të këtij viti për shtimin e prodhimit të drithërave dhe për shtimin e të ardhurave të fshatarëve, të cilat janë: Së pari, formimi dhe përsosja e sistemit të studimeve shkencore të bujqësisë së re, në të cilën përfshihen thellimi i reformës së sistemit të studimeve shkencore të bujqësisë, përmirësimi i strukturës së forcave tekniko-shkencore për ngritjen e vazhdueshme të efektivitetit të shfrytëzimit të shkencave dhe teknologjive të larta.

Së dyti, krijimi dhe përmirësimi i sistemit efikas të kombinimit të ngushtë të studimeve shkencore me prodhimin.

Së treti është krijimi dhe përmirësimi i sistemit shërbyes të tipit të ri të popullarizimit të teknikës bujqësore. Duhet të stabilizohen më tej funksionet e shërbimeve publike të organizatave bazë për popullarizimin e teknikës bujqësore, të hapet shërbimi i biznesit dhe të zhvillohen aktivisht organizatat e bashkëpunimit profesional të fshatarëve, për të luajtur rolin e tyre të rëndësishëm në shërbimet e intengrimit teknik dhe ekonomik të fshatrave.

Së katërti, krijimi dhe përmirësimi i sistemit të përkrahjes së politikave për shkencën dhe teknikën. Nëpërmjet këtyre politikave, shkencat dhe teknikat bujqësore do të aplikohen më mirë në fshatra dhe në familje fshatare. (Sihai)