Administrimi kolektiv i të drejtave të autorit është autorizimi i një organizate të administrimit kolektiv nga autorët. Kjo si organizatë si përfaqësuese e tyre do të përdorë në mënyrë të përqendruar kompetncat përkatëse, duke u dhënë përdoruesve leje përdorimi dhe duke mbledhur për ta honorarë, ajo do të ngrejë padi kundër shkelësve të të drejtave të autorit. Krahas realizimit dhe mbrojtjes së të drejtave të ligjshme të autorit, administrimi kolektiv do t'u japë përdoruesve kanale të lira për përdorimin e veprave letrare, kjo është në fafor të përhapjes me shpejtësi të veprave letrare, artistike dhe shkencore.

Tani në vendet e Evropës, në SHBA dhe në Japoni janë vendosur sisteme të përsosura të administrimit kolektiv, edhe sfera e administrimit kolektiv është zgjeruar nga fushat e letërsisë dhe muzikës në fushat e artit figurativ, të fotografimeve, të kinematografisë si dhe në fushat e internetit dhe të mediave të shumëllojshme.

Kina filloi të zbatojë në vitin l991 ligjin e parë mbi të drejtat e autorit, në të cilin nuk përfshihen përmbajtjet e administrimit kolektiv të të drejtave te autorit. Më vitin 2001, Kina rishikoi ligjin mbi të drejtat e autorit duke konstatuar pozitën ligjore të institucioneve të administrimit kolektiv të të drejtave të autorit.

Deri tani në Kinë ka vetëm një organizatë të administrimit kolektiv, të krijuar në vitin l992, që është shoqata e të drejtave të autorit të muzikës kineze.

Zv-drejtori i Drejtorisë Shtetërore të Kinës mbi të drejtat e autorit z. Yanm Xiaohong u shpreh se zbatimi i " Rregullores së administrimit kolektiv" është kërkesë objektive e zhvillimit të progresit shoqëror. Njëkohësisht është edhe një tregues për hyrjen në një shkallë të re të mbrojtjes së të drejtave të autorit në Kinë.

Siç mësohet, tani janë në përgatitje për krijimin e Shoqatës së të drejtave të autorit të produkteve të kasetave dhe video-kasetave si dhe Shoqata e të drejtave të autorit të veprave të shkruara. Një funsionar i Drejtorisë Shtetërore të Drejtave të Autorit tha se krahas zbatimit të ' Rregullores mbi administrimin kolektiv të të drejtave të autorit " dhe përmirësimit të sistemeve përkatëse, organizatat e administrimit kolektiv të të drejtave të autorit në Kinë do të zhvillohen më tej. (zhai)