27 shkurti ishte " dita e Kinës" e organizuar nga Bashkia e Parisit dhe nga organizatat e emigrantëve kinezë në Francë. Më 27 shkurt aktiviteti " Dita e Kinës" filloi solemnisht në mes të zhurmave të fishekzjarrëve dhe të tingujve të gongeve e daulleve. " Dy luanë kinezë" me ngjyrë të verdhë, në mes të tingujve të daulleve, hynë në sallën e shfaqjes, duke tundur kokën në shënje përshëndetje me rastin e vitit të ri kinez, dhe duke gjallëruar atmosferën e shfaqjes.

Ansambli artistik i njerëzve me të meta fizike të Kinës interpretoi tri valle, vallen e " Palloit", " vallen e " Shëtitjes " dhe vallen " Buda me një mijë duar". Interpretimi i bukur i habiti të gjithë të pranishmit. Në fillim spektatorët nuk dinin se interpretuesit janë vajza shurdhë-memece. Ata u habitën, kur valltarja Taj Lihua pasi mbaroi shfaqjen, u shprehu me gjeste spektatorëve përshëndetje. Të gjithë spektatorët me duartrokitje të nxehta u shprehën artistëve respekt të lartë. Artistja Taj Lihua u tha me gjeste spektatorëve francezë: " Jemi shumë të gëzuar që kemi ardhur nga Pekini i lindjes në Parisin e bukur. Shpresojmë se me artet tona të veçanta mund t'ju sjellim gëzim e hare. Ju uroj shëndet e lumturi !"

Vallja ' Buda me një mijë duar" ishte numri i fundit i kësaj shfaqje në Paris. 12 vajza shurdh-memece,, nën drejtimin e mësuesve të tyre të gjesteve, demonstruan gjestet e bukura të " Budës me një mijë duar" dhe bukurinë e kulturës kineze, të qiellit dhe të Tokës, duke paraqitur fizionominë dhe ëndërrat e njerëzve me të meta fizike. Të gjithë të pranishmit u habitën dhe u prekën shumë nga efektet e bukura dhe të pakrahasueshme të kësaj valleje.

Zoti Dumeli nga Parisi i prekur e me lot në sy i tha korrespondentit se vallja " Buda me një mijë duar" është vallja më e mirë që kam parë deri më sot. Niveli artistik i kësaj valleje është i kategorisë së parë. Ai tha se interpremtimi i vajzave më çoi në ëndër, harrova gjithçka dhe u zgjova nga duartrokitje të stuhishme. U shpreh vajzave mirënjohjen time për interpretimin e tyre të bukur.

Një spektator tjetër francez tha i emocionuar se kishte bërë dhjetra kilometra udhëtim për ta parë këtë shfaqje. Ai tha; " Shfaqja ishte e mrekullueshme, veçanërisht, ajo valle " Buda me një mijë duar që u interpretua në fund të shfaqjes.

Një grua franceze tha se kjo është vallja më e mirë që ka parë. Nuk më shkoi në mënd se interpretuesit janë të gjithë vajza shurdhë-memece. Si është i mundur interpretimi i tyre kaq i bukur. Mund të them se shfaqja e tyre, si nga gjestet, ashtu edhe veshjet e tyre është një mrekulli e pashoqe.

Ansambli artistik i njerëzve me të meta fizike të Kinës mbërriti , më 26 shkurt, në Paris nga Pekini, për të marrë pjesë në ekspozitën botërore të sukseseve të njerëzve me të meta fizike, që do të hapet, më 28 shkurt në qendrën e Konferencave të Parisit. ( zhang )