"Unë erdha këtu sepse në hartat turistike thuhet se këtu është një pikë turistike, të cilën turistët që vijnë në Pekin nuk duhet ta lënë pa e vizituar. Unë admiroj një pikturë antike kaligrafike me kore druri, sepse ajo duket shumë interesante."

Tregu i mallrave të vjetra Pan-Jia-yuan është kaq tërheqës jo vetëm sepse mund të blini këtu një numër të madh punimesh artistike popullore dhe sendesh antike kineze me cilësi të lartë dhe me çmime të ulëta, por edhe mund të gjeni piktura kaligrafike të autorëve të famshëm kinezë dhe sende artistike me vlerë të madhe. Për shembull, dikush bleu me 15 juanë një shpatë të lashtë dhe më vonë e shiti me 150 mijë juanë. Raste të tilla gjenden shumë shpesh në këtë treg.

Personi me përgjegjësi në këtë treg zoti Cui Xinvei tha se gjëra të tilla ndodhin shumë shpesh sepse mallrat, që shiten këtu, i kanë grumbulluar tregtarët në krahat e ndryshme të vendit, por këta tregtarë kanë nivele të ndryshme për të dalluar sendet dhe kjo gjë u jep shanse blerësve "për të marrë margaritar me pak para". Ai tha gjithashtu se, çdo ditë në këtë treg, vijnë shumë investues në koleksionin e sende artistike, të cilët vërtiten nëpër pavionet e tregut dhe vëzhgojnë me shumë kujdes, bile shikojnë me xham zmadhues dhe studjojnë me gjithë seriozitetin. Shumë adhurues i koleksionit kanë gjetur sendet që u interesojnë. Ai tha:

"Blerësit dhe koleksionistët me sy të mprehtë vijnë këtu që në orën katër e gjysmë kur sapo është hapur tregu. Ata i dallojnë mirë sendet dhe kanë grumbulluar mjaft. Të gjitha sendet e koleksionit të tyre i kanë blerë në këtë treg."

Tregu i mallrave të vjetra Pan-jia-yuan u formua 13 vjet më parë. Në fillim, disa banorë në këtë lagje sillnin për të shitur këtu mibilje të vjetra, aparate të vjetra elektro-shtëpiake dhe sende të tjera të vjetra të shtëpisë. Kështu që, u formua pak nga pak një trag. Më vonë, sektorët përkatës mdërtuan për këtë treg disa ndërtesa të reja, prandaj tregu u zgjerua shumë. Megjithëse quhet treg i mallrave të vjetra, në fakt në të shitet gjithçka, si mobilje të imituara nga ato antike, piktura kaligrafike antike, gurë të çmuar xhevahire, enë porcelani, monedha të lashta, sende fetare, kostume kombëtare e të tjera, me një fjalë, shiten të gjitha që doni.

Sot, ky treg me një sipërfaqe tregtimi prej 50 mijë metrash katrore është bërë tregu më i madh i mallrve të vjetra në Kinë dhe në gjithë Azinë. Rreth 10 mijë veta punojnë në më se 4000 pavione të tregut.

Zoti Cui tha se gërshëtimi i shanseve të shumta të tregtisë me përmbajtjen e thellë kulturore krijon një hapësirë të madhe zhvillimi për tregun e mallrve të vjetra Pan-jia-yuan. Meqenëse mallrat vijnë direkt nga zonat e prodhimit të tyre dhe shiten me çmime të ulëta në krahasim me tregjet e tjera, tregtia këtu është shumë e lulëzuar. Qysh në vitin 2003, vëllimi vjetor i tregtimit në këtë treg i kishte kaluar 400 milionë juanët, afërsisht sa 50 milionë dollarë amerikanë.

Sot, ky treg është bërë vend i preferuar nga koleksionistët kinezë dhe dritare nga e cila miqtë e huaj njohin Kinën dhe kulturën kineze. Në këtë treg, bashkëshortja e ish-presidentit amerikan Klinton, zonja Hillari Klinton bleu dikur një çajnik të vogël kallaji. Këtu kanë vizituar princesha e Tajlandës, kryeministri i Rumanisë dhe kryeministri i Greqisë. Thonë se 80% i mallrave në rrugën e kurioziteve antike në qytetin Seul të Koresë së Jugut janë nga Pan-jia-yuan; padroni i qytetit të kurioziteteve antike në Osaka të Japonisë vjen një herë në çdo muaj në Pan-jia-juan dhe largohet duke marrë më se 10 kamione të ngakuara me mallra të këtushme.

Lojërat e 29-ta olimpike, që do të organizohen në vitin 2008 në Pekin, do t'i sjellë tregut të mallrave të vjetra Pan-jia-yuan shans të ri zhvillimi. Siç mësohet, sektorët përkatës të qytetit Pekin e ka përfshirë tregun Pan-jia-yuan ndër terrenet e rëndësishme të zhvillimit kulturor të qytetit Pekin. Sipas planit, ky treg do të zgjerohet në një qendër të kulturës popullore kineze me integrimin e blerjes, turizmit, pushimeve, kulturës dhe shërbimeve në një të tërë.

Ju flet Radio e Jashtme e Kinës. Të dashur dëgjues, dhamë reportazhin me titull "Tregu i mallrave të vjetra Pan-jia-yuan." (Zheng)