degjoni

Në fund të vitit 2004, sipas premtimeve përkatëse të pranimit të saj në Organizatën Botërore të Tregtisë, Kina lejoi bankat me investime të huaja të zhvillojnë biznesin e monedhës kineze në 5 qytete, si Pekin, Xian, Shenyang etj. Krahas me shpejtimin e hapjes së tregut të biznesit të bankave pas pranimit të Kinës në Organizatën Botërore të Tregtisë, edhe ritmi i zhvillimit të bankave me investime të huaja është shpejtuar nga dita në ditë, po kështu, konkurenca midis bankave kineze dhe të huaja është bërë gjithnjë e më e ashpër.

Pas lejimit të zhvillimit të biznesit të monedhës kineze të këtyre bankave në Pekin, dega e Pekinit e Korporatës Bankare të Honkongut dhe Shangait, është banka me investime të huaja, që e ka paraqitur më herët kërkesën për zhvillimin e biznesit të monedhës kineze, duke u bërë kështu banka e parë me investime të huaja me 2 pika të biznesit në Pekin. Megjithëse ajo ka patur suksese të mëdha, drejtori i kësaj banke, z. Ting Guoliang nuk është i kënaqur. Ai tha se në vitin 2002, dega e Pekinit e Korporatës Bankare të Honkangut dhe Shangait kishte 50 punonjës, por tani, ky numër ka arritur në mbi 150 dhe biznesi është shtuar në disa herë. Në qoftë se do të shtohen edhe më shumë degë, rrjeti ynë do të zgjerohet më tej.

Përveç kësaj korporate, edhe mbi 10 banka me investime të huaja, si Banka Standard Chartered, Banka Mitsubishi e Tokios, Sitibanka Amerikane, Banka e Singapurit edhe paraqitën kërkesat e tyre për zhvillimin e biznesit të monedhës kineze në disa qytete të hapura. Drejtori i degës së Bankës DBS në Kinë, z. Liang Tienzhao i tha gazetarit se në qoftë se ne zhvollojmë biznes në rajonin e Azisë, sigurisht që Kina do të jetë më tërheqëse dhe tregu më i madh. Ne jemi të mendimit se tregu i Kinës është tregu më i madh i bznesit të monedhës kineze. Prandaj bankat me investime të huaja kanë interes shumë të madh.

Sipas të dhënave më të reja statistikore, tani, 62 banka me investime të huaja të 19 vendeve ose rajoneve të botës kanë krijuar mbi 200 institucione të biznesit në Kinë. Vëllimi i përgjithshëm i kapitaleve të këtyre të huaja në Kinë i kaloi të 65 miliardë dollarët amerikanë, duke zënë 1,8% të vëllimit të përgjithshëm të kapitaleve të institucioneve monetare të bankave kineze.

Duke iu përgjigjur pyetjeve të gazetarëve, përgjegjësit e disa bankave me investime të huaja thanë se "do të shpejtojnë më tej hapat e zhvillimit të biznesit në Kinë. Drejtori i degës së Bankës së Singaporit në Kinë, z. Liang Tienzhao tha se ne do ta vëmë pikën kryesore e biznesit në Kinë dhe shpresojmë se në të ardhmen, biznesi ynë në Kinë do të krijojë një peshë relativisht të madhe të grupit tonë.

Sipas njoftimeve, deri tani, kjo bankë ka krijuar 7 degë të saj. Përveç krijimit të degëve në Kinë, bankat me investime të huaja edhe kanë blerë aksione të bankave të mesme dhe të vogla kineze për zhvillimin e biznesit të tyre në Kinë. Duke folur për zhvillimin e shpejtë të bankave me investime të huaja, drejtori i Institutit të Studimit Monetar pranë Akademisë së Shkencave Shoqërore të Kinës, z. Li Yang tha se bankat me investime të huaja e konsiderojnë Kinën si një pjesë të pamungueshme përbërëse të strategjisë së tyre botërore. Bankat e Honkongut dhe të ShBA, bankat e tilla botërore panë nga afër se në një periudhë të ardhshme, Kina do të një nga pikat e rëndësishme të rritjes së përfitimeve botërore. Prandaj, ato do të forcojnë pozitat në të.

Forcimi i biznesit të monedhës kineze të bankave me investime të huaja në Kinë u ka sjellë bankave kineze presion të madh. Në Shangai, ku është zhvilluar me herët biznesi i monedhës kineze, biznesi i bankave kineze ka pësuar ndikim negativ.

Para konkurrencës së kolegëve të huaj, bankat e shumta kineze filluan të ngrejnë pandërprerë potencialin e vet të konkurrues.

Personalitetet e kësaj fushe thanë se zhvillimi i shpejtë i bankave me investime të huaja në Kinë u ka sjellë bankave kineze jo vetëm konkurencë, por edhe nxitje. Para një tregu vazhdumisht të hapur, bankat kineze gjatë konkurrencës do të shkojnë drejt pjekurisë. (Sihai)