Në "Raportin e zhvillimit të industrisë kulturore të vitit 2005" të publikuar ditët e fundit nga Akademia e Shkencave e Kinës, thuhet se me zhvillimin ekonomik dhe ngritjen e nivelit të konsumit, në strukturën e kërkesave shoqërore dhe të konsumit kanë ndodhur ndryshime të mëdha. Në strukturën e konsumit të banorëve, përqindja e shpenzimeve për shërbimet arsimore, kulturore dhe dëfruese është ngritur pandërprerë.

Ky është një shans i mirë për prodhuesit e produkteve kulturore, edhe shumë njerëz largpamës e kanë pikasur këtë rast. Ndërkohë, investime të mëdha shoqërore po hyjnë në industrinë e kulturës dhe si rezultat, kanë dalë në pah aktivitete të mëdha kulturore, vepra të mëdha kulturore si dhe aktivitete dhe lojëra të huaja. Por për të marrë pjesë në këto aktivitete të mëdha, si në shfaqje të ndryshme kulturore, biletat janë shumë të shtrenjta. Gjatë zhvillimit l00 vjecar të kinematografisë kineze, banorët kinezë kanë shkuar gjithmonë në kinema, por tani ata ankohen për shtrenjtësinë e biletave të kinemasë dhe po vihet re një prirje e pakësimit të numrit të njerëzve që shkojnë në kinema.

Gjatë kohës së lirë, njerëzit zakonisht rrinë në shtëpi duke ndjekur programet televizive ose duke vizituar faqet e internetit. Në raportin e sipërpërmendur të Akdemisë së Shkencave të Kinës thuhet se nga mediat tradicionale, banorët ndjekin më shumë programet televizive dhe klikimet në faqet e internetit po shtohen nga dita në ditë. Edhe sikur të organizohen aktivitete të shumta kulturore, banorët nuk shkojnë të marrin pjesë për arsye se nuk dëshirojnë të paguajnë shumë për këto aktivitete.

Rezultati i një ankete qytetare tregoi se gjatë konsumit kulturor, njerëzit shpenzojnë më shumë për shëtitje nëpër parqe, për leximin e librave me temë të lirë, për ngjitjen në mal ose për lojën e bamingtonit, për lojën tradicionale kineze bixhoze Majiang, për mbjelljen e luleve në vazo etj. Kjo tregoi se qytetarët konsumojnë kryesisht në aktivitete të thjeshta dhe me shpenzime të pakta.

Nga anketa e sipërpërmendur del se në krahasim me kërkesat për konsum kulturor të banorëve, zhvillimi i industrisë kulturore është ende i prapambetur. Zgjidhja si duhet e kësaj kontradikte, është kyc i zgjerimit të mëtejshëm të tregut kulturor të vendit tonë.

Pra konsumi kulturor duhet të përputhet me nivelin e jetesës së banorëve.(zhai)