Aktiviteti i përcjelljes së flakës olimpike filloi në Lojërat Olimpike të Berlinit në vitin 1936. Në Lojërat Olimpike të lashta, vrapimi me pishtar ka qenë një pjesë e pamungueshme në ceremoninë greke të faljes. Në vitin 1934, në konferencën e Athinës të Komitetit Ndërkombëtar Olimpik u mor vendim të rifillojë ceremonia e ndezjes së flakës fisnike olimpike ashtu si në Lojërat Olimpike të lashta. Dhe qysh nga ajo kohë, në të gjitha Lojërat Olimpike, nga data e hapjes deri në datën e mbylljes, në stadiumin krysor të qytetit organizator do të ndizet flaka fisnike olimpike. Krahas kësaj, në këtë konferencë u vendos që flaka olimpike të vijë nga gjurmët olimpike në Greqinë e lashtë---Olimp dhe të përcillet nga Olimpi deri në vendin organizator, si simbol i faktit se Lojërat Olimpike moderne trashëgojnë shpirtin olimpik të Greqisë së lashtë.

Më 20 korrik të vitit 1936, në Olimp u organizua ceremonia solemne e ndezjes së pishtarit. Gjatë kësaj ceremonie, në mes melodive të këndshme, 12 vjaza të veshura me kostume kombëtare greke ndezën pishtarin e parë dhe fill pas kësaj, filloi stafeta e pishtarit me 1 kilometër rrugë për çdo njeri. Pishtari u nis nga Greqia dhe duke bërë 3075 kilometra rrugë, arriti stadiumin e Berlinit më 1 gusht kur u oranizua ceremonia e hapjes së Lojërave Olimpike. Duke filluar nga kjo kohë, përcjellja e pishtarit është kthyer në një traditë që kryhet para dhe gjatë ceremonisë së hapjes së Lojërave Olimpike.

Cili fitues i medaljeve të arta në Lojërat Olimpike ishte dhe aktor?

Pasi fitoi 3 medalje të arta në Lojërat Olimpike, notari amerikan, Johnny Weissmuller, hyri në fushën kinematografike. Me luajtjen e tij në filmin "Tarzan the Ape Man" (1932), ai u bë sportisti i parë aktor që ka fituar medalje të arta në Lojërat Olimpike.

John Weissmulleri lindi në Vienë të Austrisë. Ai filloi të stërvitet në sportin e notit kur ishte 11 vjeç dhe më vonë u pranua në ekipin amerikan të notit. Në vitin 1924, Johnny Weissmuller fitoi 3 medalje të arta në Lojërat e 8-ta Olimpike të organizuara në Paris në garat e 100 metrave dhe 400 metrave stil i lirë dhe në stafetën 4X200 metra stil i lirë. Në vitin 1928, ai fitoi edhe 2 medalje të arta në Lojërat e 9-ta Olimpike të organizuara në Amsterdam. Ai është i pari olimpist në botë që i ka bërë me not 100 metra brenda 1 minute. Në vitin 1922, ai i kreu të 100 metrave me rezultatin 58''6. Për afro 10 vjet pas krijimit të këtij rekordi, askush iu afrua këtij rezultati. Ai theu 4 rekorde botërore të notit dhe fitoi 36 herë titullin e kampionit kombëtar të notit. Kur e la sportin, ai luajti personazhin kryesor në filmin "Tarzan the Ape Man" (1932) i cili ngjalli një jehonë të madhe në atë kohë.

Të dashur lexues, në artikujt e ardhshëm do të vazhdojmë t'ju tregojmë shumë gjëra interesante në historinë e Lojërave Olimpike. Ju mirëpresim të na paraqesni propozimet ose vëreejtjet tuaja të çmuara. Na thoni çfarë ju intereson dhe ne do të përpiqemi t'ju plotësojmë kërkesat. (Çan Yean)