Edhe mënyrat e përshëndetjes me rastin e Vitit të Ri kanë ndryshuar shumë. Njerëzit jo vetëm shkojnë për vizita tek njeri tjetri në familje, por e përshëndesin njeri tjetrin edhe me anë të telefonatave, me dërgimin e mesazheve me celularë, me dërgimin e kartolinave dhe dhuratave me anën e postave të shpejta etj.

Këtë vit, numri i mesazheve të dërguara me anën e celularëve gjatë 7 ditë pushimeve të festës së pranverës i ka kaluar të 10 miliardët. Edhe përmbajtjet e mesazheve të përshëndetjes të dërguara me anën e celularëve janë shumë të pasura, me përshëndetje dhe urimet më të mira për suksese në punë, lumturi në familje si dhe për shëndet e pasuri etj.

Edhe ndjekja e transmetimeve të mbrëmjeve artistike të CCTV-së dhe të televizioneve të tjera si dhe të filmave televizive të xhiruar posaçërisht për Festën e Pranverës është një nga përmbajtjet kryesore të kësaj feste.

Muzika që po dëgjoni është nga vallja " Shenjetorja budiste Guanyin me një mijë krahë " e interpretuar nga 21 shurdh-memecë, në mbrëmjen artistike të CCTV-së me rastin e Festës së Pranverës. Kjo valle është vlerësuar shumë nga spektatorët dhe është bërë një nga temat e bisedave gjatë takimeve midis miqve në ditët e festës.

Në ditët e festës, shumica e njerëzve bëjnë pushim, kurse shitësit e dyqaneve dhe të pazareve janë më të zënë.

Korrespondentja u takua me një shitës të frutave në pazarin e privatëve, ai tha se nuk pushoi fare këto ditë për arsye se gjatë këtyre ditëve, frutat shiten shumë mirë, sidomos frutat e paketuara në pako të bukura dhe mund të fitojë më shumë sepse njerëzit kanë dëshirë të marrin me vete fruta të paketuara gjatë vizitave tek miqtë. Ai tha se gjatë këtyre ditëve të festave, ai mund të fitojë më se l00 juanë në ditë, kurse në ditë të tjera jo.

Për arsye se ky vit është viti i gjelit, lodrat me figurat e këndezave dhe pulave shiten shumë mirë.

Në të kaluarën, njerëzit i kushtonin një rëndësi të madhe jetës materiale, kurse tani, i kushtojnë më shumë rëndësi jetës shpirtërore. Librat, lodrat elektronike, fjalorët elektronikë, celularët, video kasetat dhe disqet me filma artistikë dhe këngë të bukura janë dhuratat kryesore që miqtë shkëmbejnë me rastin e festës.

Në prag të festës së pranverës, shoqata e studentëve të dilomuar në vendet e Evropës dhe të Amerikës dhe në vende të tjera organizoi aktivitete dhe takime të ndryshme.

Edhe ne ish-studentët e diplomuar në fakultetin histori-filologji të Universitetit të Tiranës u mblodhëm në një restorant të mishit të pjekur të gatuar në mënyrën braziliane. Në këtë takim morën pjesë ish-ambasadori i Kinës në Shqipëri, zoti Fan Chengzuo dhe ish-ambasadorja e Kinës në Maqedoni Xv Yuehe.

Edhe specialisti shqiptar në emisionet e Radios së Jashtme të Kinës të gjuhës shqipe Ruzhdi Stringa dhe bashkëshortja e tij organizuan një drekë të bukur në një restorant të tipit të Amerikës Latine në qendër të qytetit të Pekinit për nder të kolegëve kinezë të redaksisë së emisioneve të gjuhës shqipe.

Gjatë ditëve të festës, me inisiativën e zotit Guo Min, ish-shefi i zyrës së jashtme të Gjykatës së Lartë të Kinës dhe të bashkëshortes së tij, zonjes He Qinhua edhe disa ish-studentë të Universitetit të Tiranës u mblodhen përsëri, por këtë rradhë në një restorant të tipit të kombësisë Mançure. Ndër ta, ishin nënkryetarja e përhershme e Shoqatës kineze të Tregtarëve, zonja Lu Zhenqi dhe burri i tij zoti Sun Wanhu etj. Ata kanë qenë bashkëstudentë para më se 40 vjetësh dhe shumica e tyre kanë dalë tashmë në pension. Por kujtimet e kohës së rinisë janë gjithmonë të bukura. Zoti Sun kujtoi se me rastin e martesës së tyre, zoti Zheng dhe zonja Tan u kanë dhënë atyre një tenxhere si dhurata. Ai tha :" Kjo tenxhere është me cilësi të mirë dhe deri tani nuk është prishur."

Këtë takim e organizoi zoti Guo Min, në festën e pranverës të vitit të ardhshëm zoti Sun tha se ai do të jetë nikoqir i një takimi tjetër.

Kurse zonja Sun, ish-shefja e një shoqërie tregtare metalurgjike të Kinës në SHBA tha : "Të mos të presim vitin e ardhshëm, duhet të organizojmë sa më parë një takim tjetër, sepse të gjithë kanë dëshirë të takohen shpesh, të shkëmbejnë informata e mendime dhe të lidhen me njeri tjetrin për të forcuar më tej miqësinë e krijuar gjatë kohës së rinisë studentore.(zhai)