Ditët e fundit, nga një hetim i publikuar nga institucionet studimore përkatëse kineze del se vitet e fundit, burimet e specieve të gjalla të Kinës kanë kaluar me sasi të madhe në vende të tjera. Përgjegjesi kryesor i këtij objekti studimor, specialisti i Drejtorisë së përgjithshme shtetërore kineze të mbrojtjes së mjedisit, profesor Xue Dayuan u tha gazetarëve se humbja e burimeve të specieve të gjalla përbën kërcënim ndaj zhvillimit të vazhdueshëm të ekonomisë kineze. Qeveria kineze po merr masa për t'i mbrojtur dhe administruar.

Sipas të dhënave më të reja statistikore, Kina është aktualisht një nga vendet me më shumë specie të gjalla në botë. Ndër to numri i llojeve të kulturës bujqësore të mbledhura në Kinë i ka kaluar të 300 mijët, duke zënë vendin e 2-të pas SHBA-së. Nga hetimet e reja të publikuara ditët e fundit nga specialistët e objektit "statusi dhe politika e mbrojtjes së specieve të gjalla të Kinës" del se vitet e fundit burimet e specieve të gjalla të Kinës po kalojnë me shpejtësi të marramendëse jashtë vendit, ku përfshihen llojet e veçanta që i ka vetëm Kina.

Sipas njoftimeve, në fillim të viteve 70 të shekullit të 20-të, Kina formoi posaçërisht organ zyrtar për t'u ofruar vendeve të tjera specie të gjalla. Gjatë 20 vjetëve qysh nga ajo kohë, nëpërmjet rrugëve zyrtare Kina u ka dhënë vendeve të tjera gati 30 mijë specie të gjalla. Ky eksportim u pakësua gjithënjë e më tej pas viteve 90 të shekullit të kaluar, por sasia e kalimit të specieve të gjalla në vende të tjera është rritur me shpejtësi.

Shefi i grupit të objektit "Statusi dhe politika e mbrojtjes së specieve të gjalla të Kinës", profesor Xue Dayuan është i mendimit se shkaku i krijimit të gjendjes së tanishme është mospërsosja e ligjit kinez për mbrojtjen e këtyre specieve të gjalla, se punonjësit e kërkimeve shkencore shkojnë jashtë vendit për qëllime studimore duke marrë me vete fshehurazi këto specie, dhe se sektorët përkatës të disa vendeve të zhvilluara në forma të ndryshme mbledhin, bile, edhe i vjedhin burimet gjenetike të specieve të gjalla të Kinës. Ai tha:

"Kur bashkëpunojnë me vende të tjera, punonjësit tanë që janë të pandërgjegjeshëm në mbrojtjen e specieve të gjalla, shkojnë duke marrë me vete burimet gjenetike. Edhe shoqëritë e huaja nëpërmjet rrugëve të paligjshme i mbledhin këto burime."

Burimet e specieve të gjalla të një vendi në fakt janë bazë e zhvillimit ekonomik të tij, ato luajnë rol të rëndësishëm në përmirësimin e varieteteve dhe në prodhimin bujqësor. Z. Xue Dayuan parashikoi se gjatë 10 vjetëve të fundit sasia e specieve të gjalla që kanë kaluar jashtë vendit nga Kina është më e madhe se sasia e 20 vjetëve më parë, të marrë së bashku, në të cilat përfshihen edhe shumë gene cilësore. Vendet e zhvilluara duke u mbështetur në epërsinë teknike, i kanë studjuar këto specie dhe kanë kërkuar patentën për arritjet e tyre. Kur të marrin patentën, vendet e zhvilluara do të monopolizojnë të drejtën e përdorimit të teknikës përkatëse, ose me llojet e përmirësuara do të pushtojnë tregjet e vendeve të tjera.

Z.Xue Dayuan mori si shembull sojën. Soja ka qenë një bimë e veçantë e Kinës dhe Kina ka qenë vend i parë sojëeksportues. Por SHBA-ja, pasi mori nga Kina fara të sojës, me teknikë të përparuar dhe me metoda industriale moderne e kaloi me shpejtësi Kinën dhe është bërë hegjemone e sojës në botë. Sot SHBA është vendi kryesor i eksportit të sojës në Kinë. Nga shifrat e publikuara nga pala zyrtare amerikane del se në qershor të vitit 2002, SHBA-ja mori nga Kina mbi 4400 lloje të sojës, duke përfshirë mbi 160 lloje të sojës së egër. Ndërsa nga shënimet e palës zyrtare kineze, Kina kishte rënë dakord t'i jepte vetëm 2100 lloje e pa përfshirë sojën e egër.

Humbja gjithënjë e më serioze e burimeve të specieve të gjalla ka tërhequr vëmendjen e madhe të qeverisë kineze dhe po intensifikohen masat mbrojtëse. Xue Dayuan tha:

"Në vitin 2004 Këshilli i Shtetit shpalli "Qarkoren për forcimin e mbrojtjes dhe të administrimit të burimeve të specieve tëë gjalla", Këshilli i Shtetit miratoi edhe krijimin e sistemit të mbledhjes së përbashkët të përbërë nga Drejtoria e Përgjithshme Shtetërore e Mbrojtjes së Mjedisit, Ministria e Bujqësisë, Drejtoria e përgjithshme e doganave dhe mbi 10 ministri e komitete të tjera, për të koordinuar mbrojtjen e burimeve të specieve të gjalla dhe për të forcuar administrimin e tyre."

Përveç këtyre, qysh nga viti i kaluar, mbi 10 sektorë qeveritarë, duke përfshirë Drejtorinë e përgjithshme Shtetërore të Mbrojtjes së Mjedisit, kontrollojnë zbatimin e ligjit për mbrojtjen e burimeve të specieve të gjalla. Xue Dayuan u shpreh se lidhur me hallkat e dobëta në këtë drejtim, palët përkatëse do të marrin masa përkatëse, për të forcuar mbrojtjen dhe administrimin e burimeve të specieve të gjalla të Kinës dhe për të frenuar kalimin e tyre jashtë vendit. (Hou)