Kënga që titullohet: "Kthehem në shtëpinë e mamasë", e interpretuar prej Zhu Ming Yin, është një këngë popullore e provincës Hëpei të Kinës veriore. Në këngë përshkruhet figura e një nuseje të re fshatare që kthehet e gëzuar dhe e kënaqur në shtëpinë e mamasë, duke marrë me vete shumë dhurata për familjen. Kjo këngë është përhapur mjaft, preferohet shumë nga spektatorët kinezë, pas paraqitjes së saj në mbrëmjen artistike me rastin e festës së pranverës në Televizionin Qendror Kinez, në vitin 1984.

Zhu Mingying është një këngtare me stil të veçantë, sepse di të këndojë e të kërcejë, ajo di të këndojë edhe këngë të stileve të ndryshme të shumë vendeve të tjera. Ajo ka qenë kërcimtare dhe duke shfrytëzuar kushtet e saj të favorshme ka mësuar shumë këngë aziatike, afrikane dhe latino-amerikane. Me që ka filluar të interpretoje këngë që nga mosha 30- vjeçare, ajo është e aftë të interpretojë këngë të kërcyera, duke krijuar kështu stilin e vet të freskët. Ajo ka kënduar shumë këngë që kanë shërbyer si kolona zanore për dhjetra filma. Në vitet 80-të të shekullit të kaluar ishte krijuar si të thuash " Furia e Zhu Mingyingut" në skenën artistike kineze.

Kënga: " Deti i gjerë, vendlindja ime" është një këngë bosht e një filmi kinez. Zhu Mingying e interpretoi atë bukur, pastër e në mënyrë të prekshme. Ne këngën shprehet mallëngjimi i personazhes për detin, vendlindjen dhe nënën e saj. Në këngë thuhet: " Kur isha e vogël, mamaja më tregoi se deti është vendlindja ime. Unë kam lindur dhe jam rritur buzë detit. Deti i gjerë si nëna, më rri gjithmonë pranë, pavarësisht se ku jam."

Zhu Mingying di të këndojë në 26 gjuhë të huaja dhe dialekte të gjuhës kineze. Ajo ka bërë turne në afro 30 vende të botës dhe ka dhënë shfaqje edhe për mysafirë të ardhur nga vende te tjera, duke përfshirë kryetarë shtetesh e qeverish të tjera. Kënga indiane me titull: " Gjeni enigmën " është interpretuar prej Zhu Mingyingut.

Një fragment nga opera e Shangait me titull: " Melodia Zizhu" është shumë i përhapur në Kinë. Opera e Shangait është një nga gjinitë operistike lokale të Kinës. Muzika e saj është e rrjedhshme e me karakteristika të theksuara të krahinave në jug të lumit Jance. Interpretimi i këtij fragmenti nga Zhu Mingying është vlerësuar lart nga specialistët dhe spektatorët.

Në vitin 1985 Zhu Mingying 36 vjeçare shkoi për studime 6 vjeçare në konservatorin Berklee të SHBA-së, ku me vullnet të fortë fitoi titullin e magjistres vetëm për 4 vjet.

Ajo gjallëron ende sot në skenë dhe përveç kësaj ka hapur në Kinë një konservator artistik të arsimit të lartë dhe me standarte ndërkombëtare.

Kënga kineze e interpretuar nga Zhu Mingying në dialektin e provincës Guandong titullohet: "Kudo në mijëra male dhe qindra lumenj mbizotërojnë ndjenjat dashurie." Në këtë këngë thuhet: " Malet e larta janë me shumë pengesa, furtuna është fortë, por mos u tremb se era do ta shpërndajë dashurinë dhe në mijëra male e qindra lumenj do të mbizotërojnë ndjenja dashurie." ( Daming)