dëgjoni Pas përfundimit më 5 shkurt, në Londër, të konferencës së ministrave të financave dhe të drejtorëve të bankave qendrore të 7 vendeve perëndimore, në një intervistë për gazetarët e Agjencisë Kineze të Lajmeve Hsinhua, ministri kinez i financave, Jin Renqing, që mori pjesë me ftesë në këtë konferencë, tha se midis ministrit kinez të finacave e drejtorit të Bankës Qendrore të Kinës dhe kolegëve të tyre të grupit të 7 vendeve perëndimore u zhvilluan diskutime të thella rreth gjendjes ekonomike botërore dhe politikës makroekonomike, duke u arritur rezultate të mira.

Ministri kinez i financave, Jin Renqing tha se grupi i 7 vendeve perëndimore i kushton rëndësi të madhe dialogut me Kinën. Kryetari i kësaj konference vjetore të ministrave të financave të 7 vendeve perëndimore, ministri anglez i financave, Gordon Brawn është i mendimit se pa pjesëmarrjen e Kinës në këtë konferencë, diskutimi midis ministrave të financave dhe drejtorëve të bankave qendrore të 7 vendeve perëndimore për politikën makroekonomike botërore nuk do të jetë i plotë dhe nuk do të mund të tregohet me të vërtetë gjendja aktuale e zhvillimit të ekonomisë botërore.

Ministri i financave Jin Renqing është i mendimit se kjo tregon se zhvillimi i ekonomisë kineze ka arritur suksese të njohura nga bota, ritmi i rritjes së tregtisë së jashtme kineze kaloi shumë nivelin mesatar ndërkombëtar dhe ndikimi i Kinës në arenën ndërkombëtare ka qenë gjithnjë e më shumë i madh. Grupi i 7 vendeve perëndimore shpreson se nëpërmjet dialogut me ministrin kinez të financave dhe me drejtorin e Bankës Qendrore të Kinës, do të nxitet njohja reciproke midis vendeve kryesore industriale dhe Kinës në politikën makroekonomike, çka do të sigurojë zhvillimin përpjesëtimor të ekonomisë botërore.

Ministri kinez i financave Jin Renqing tha se ky dialog ishte i barabartë dhe atmosfera e takimit e sinqertë. Të dyja palët ishin të mendimit se dialogu ka rëndësi shumë të madhe dhe do të vazhdohet edhe në të ardhmen. (Sihai)