Në vitin 1908, në Lojërat e 4-ta Olimpike të organizuara në Londër u grumbulluan për herë të parë përfaqësues nga të 5 kontinentet e botës dhe kështu u realizua takimi i parë i përfaqësuesve të familjes së madhe në Lojërat Olimpike.

Pasi Roma hoqi dorë nga e drejta e organizimit të Lojërave Olimpike, Anglia i organizoi ato si vend organizator rezervë. Në Lojërat e para Olimpike, morën pjesë vetëm sportistë nga 13 vende dhe rajone të botës. Në Lojërat e dyta Olimpike, një sportist indian mori pjesë bashkë me ekipin e Anglisë, kështu përveç Afrikës, në këto Lojëra Olimpike kishte përfaqësues nga Evropa, Azia, Amerika dhe Oqeania. Mirëpo, në Lojërat e treta Olimpike, mungoi përfaqësuesi aziatik. Deri në Lojërat e katërta Olimpike, si një vend pjesëmarrës aziatik, Turqia mori pjesë dhe kështu që sportistë nga të 5 kontinentet e botës u grumbulluan për herë të parë nën flamurin e 5 rrathëve. Dhe, për këtë arsye, Lojërat Olimpike të Londrës u bënë një takim me rëndësi të madhe në historinë e Lojërave Olimpike.

Cilat Lojëra Olimpike zgjatën më shumë?

Lojërat e 4-ta Olimpike, të cilat u organizuan në kryeqytetin e Anglisë, Londër, zgjatën për më shumë kohë në historinë e Lojërave Olimpike moderne.

Lojërat Olimpike filluan më 27 prill dhe u mbyllën më 31 tetor të vitit 1908. E habitshme ishte jo vetëm periudha e zgjatjes së tyre, por edhe procesi për të fituar të drejtën e organizimit të Lojërave Olimpike ishte shumë interesant.

Në fillim, Roma, Milano, Berlini dhe Londra, konkuruan për të fituar të drejtën e organizimit dhe pas votimit të fshehtë të Komitetit Olimpik Ndërkombëtar, Roma e Italisë u caktua si qyteti oraganizator. Mirëpo, për shkak të vështirësive financiare të qeverisë italiane, Roma deklaroi heqjen dorë nga e drejta e oreganizimit.

Si vendlindja e sporteve që luhen jashtë, Anglia kishte patur mjaft përvojë në organizimin e spartakiadave të mëdha. Duke patur parasysh këtë fakt, Komiteti Olimpik Ndërkombëtar i kërkoi Anglisë ndihmë dhe Londra pranoi t'i organizojë këto Lojëra Olimpike në vend të Romës. Me punën e saj aktive dhe efektive, numri i pjesëmarrësve në Lojërat Olimpike arriti 2035, shifër kjo që e kaloi atë të sportistëve pjesëmarrës të marrë së bashku në tri Lojëra Olimpike të kaluara. Data e hapjes së Lojërave Olimpike ishte 13 maj i vitit 1908, ndërsa, në fakt shumë gara e ndeshje kishin filluar qysh nga 27 prilli i këtij viti.

Për këtë arsye, nëse llogaritim 27 prillin si ditë të hapjes deri më 31 tetor, kur u mbyllën këto Lojëra Olimpike ato zgjatën më shumë se 6 muaj, duke zënë vendin e parë për kohëzgjatjen e organizimit.

Cili është sportisti i parë aziatik që fitoi medalje të artë në Lojërat Olimpike?

Në Lojërat e nënta Olimpike, sportisti japonez, Mikio Oda fitoi titullin e kampionit në kërcimin së gjati me 3 hapa, me rezultatin 15,21 metra. Kjo është hera e parë për japonezët dhe aziatikët që fituan medalje të artë në Lojërat Olimpike.

(Çan Yean)