Mbrëmja artistike me rastin e festës së pranverës e CCTV-së, që do të jetë fokus i vemendjes së spektatorëve dhe që do të transmetohet në natën e festës së pranverës së këtij viti, do të jetë një program artistik i mrekullueshëm.

Në një intervistë me korrespondentët e mediave të Pekinit, një nga organizatorët e kësaj mbrëmjeje tha se "Kjo mbrëmje, me takime festive si temë kryesore, do të ketë shfaqje të bukura që kanë lidhje me të gjitha fushat e jetës. Ne kemi ftuar në shfaqje edhe artistë me të meta fizike. Kjo mbrëmje artistike do të pasqyrojë kryesish atmosferën e harmonishme të vet kombit kinez".

Të gjitha shfaqjet e kësaj mbrëmjeje, pavarësisht në se do të jenë këngë, valle, apo shfaqje të llojeve të tjera do të priten shumë mirë nga teleshikuesit. Veçanërisht vallja " Shenjetorja budiste me një mijë krahë" e përgatitur nga ansambli artistik i njerëzve me të meta fizike i Kinës është vlerësuar lart. Ata që kanë parë provat e shfaqjeve të mbrëmjes artistike me rastin e festës së pranverës thanë se "Kjo valle e ka kaluar kufirin e artit dhe ka arritur në një horizont të ri". Ajo do të jetë pika më tërheqese e gjithë mbrëmjes dhe do ta çojë mbrëmjen në kulm.

Siç tha kryetari i ekipit të këtij ansambli, gjatë përpunimit të lëvizjeve të kësaj valleje, ata kanë forcuar mënyrën e të shprehurit me gjuhë koreografike, duke shtuar lëvizjet e ndryshme me duart e me sytë dhe duke krijuar edhe shprehje të përshëndetjes me rastin e vitit të ri sipas kalendarit tradicional kinez.

Njera prej këtyre lëvizjeve quhet " hapja e bishtit të palloit" në shënjë përshëndetjeje dhe urimi për 60 milionë kinezë me të meta fizike të popullit të mbarë vendit.

Regjisori i përgjithshëm i mbrëmjes artistike me rastin e festës së pranverës të CCTV-së Lan Kun tha se kjo valle mund të konkuroje me vallen klasike " Dy pemë " të valltares së njohur kineze Jan Liping. Në këtë valle, 21 valltare shudh- memece, me veshje të arta dhe të shndritshme, me lëvizje të bukura dhe unike, interpretojnë për 6 minuta në mes të një muzike shumë të larmishme. Kjo valle e bukur drejtohet nga prapa skenës me gjestë nga 4 mësues. Pasi valltaret nuk kanë mundësi të dëgjojnë dhe të interpretojnë nën ritmin e muzikës.

Bukuria e kësaj valleje nuk mund të përshkruhet me fjalë. Këto valltare, që kanë prekur botën me interpretimet e bukura në ceremoninë e mbylljes së Lojrave Paraolimpike të Athinës, do t'i prekin patjetër spektatorët edhe në natën e Festës së Pranverës.(zhai)