Për mbrëmjen artistike me rastin e festës së pranverës të CCTV-së që do të jetë fokus i vemendjes së spektatorëve, janë bërë 4 herë prova. Regjisorit të përgjithshëm i kësaj mbrëmjeje Lan Kun i është ngjirur zëri nga lodhja dhe drejtimi. Kjo mbrëmje, me takime festive si temë kryesore, do të transmetohet natën e festës së pranverës drejtpërsëdrejti në kanalin e parë, të 4-të, të 9-të dhe në kanalin e gjuhës spanjolle e franceze. Në programet e kësaj mbrëmjeje do të përfshihen këngë e valle, skeçe humoristike, dialogje humoristike, pjesë të cirkut dhe pjesë operistike etj.

Në krahasim me vitet e kaluara, programi i kësaj mbrëmjeje do të jenë më madhështor dhe në të do të mbizotërojë një atmosferë e gëzueshme takimevesh. Në më se 40 shfaqje të kësaj mbrëmjeje marrin pjesë shumë artistë të njohur të pjesës kontinentale, të Honkongut e Tajvanit. Gjatë mbrëmjes, 32 të dërguar të provincave, rajoneve autonome dhe qyteteve të varura dhe 35 të dërguar nga zonat e Honkongut, Makaos dhe Tajvanit do t'u përcjellin urimet më të mira me rastin e festës qindra miliona spektatorëve të mbarë vendit.

Edhe mbrëmja artistike me këngë e valle që do të transmetohet natën e festës së pranverës në kanalin e 2-të të CCTV-së është në fazën e fundit të përgatitjes. Tema kryesore e kësaj mbrëmjeje është " Kina e kuqe". Mbrëmja ndahet në 5 pjesë. Titulli: "Kina e kuqe", është simboll i gëzimeve dhe hareve të masave popullore kineze.

Gjatë kësaj mbrëmjeje, spektatorët mund të ndjekin këngët karakteristike popullore të kombësive të ndryshme të vendit si të kombësisë mongole, ujgure etj, disa valle karakteristike kombëtare si dhe interpretimet me instrumente popullore kineze.

Edhe mbrëmja artistike me pjesë të zgjedhura operistike që do të transmetohen në kanalin e 3-të të CCTV-së, është një mbrëmje e bukur për adhuruesit e operave lokale të Kinës. Gjatë kësaj mbrëmjeje, spektatorët mund të ndjekin pjesë klasike të operës së Pekinit, si dhe pjesë klasike të operave të tjera lokale. Këto opera tradicionale kineze do të shfaqen në një formë të re dhe do të jenë për spektatorët një e papritur e gëzueshme.(zhai)