Hekurudha është forma kryesore e transportit të Kinës dhe konsiderohet si një damar i madh i ekonomisë kombëtare. Vitet e fundit për të zgjidhur kontradiktat midis aftësisë së transportit hekurudhor dhe zhvillimit ekonomik dhe social të Kinës, qeveria kineze ka shtuar investime në ndërtimin e hekurudhës. Për të zgjidhur problemin e fondeve që nevojiten për ndërtimin e hekurudhës, personalitetet përkatëse të Ministrië Kineze të Hekurudhës u shprehën, ditët e fundit se sektorët e hekurudhës kineze po kërkojnë aktivisht kanale të tërheqjes së fondeve, për të shpejtuar hapat e ndërtimit të hekurudhës.

Kina disponon rrjet të madh të transportit hekurudhor të pasagjerëve dhe të mallrave dhe vëllimi i transportit të pasagjerëve dhe të mallrave të Kinës është shumë i madh. Pas ngritjes për pesë herë me radhë të ritimit të trenit, aftësia e transportit hekurudhor të Kinës është shtuar shumë. Por megjithë këto, gjendja e tanishme e transportit hekurudhor të Kinës nuk mund të plotësojë kërkesat e zhvillimit të shpejtë ekonomik dhe social të Kinës. Funksionari i Drejtorisë së Planifikimit të Ministrisë Kineze të Hekurudhës, zoti Kon tha se për një kohë të gjatë, transporti hekurudhor i Kinës e ka të vështirë të plotësojë kërkesat e zhvillimit social-ekonomik të vendit. Veçanërisht dy vitet e fundit, me zhvillimin e shpejtë të ekonomisë kineze dhe me acarimin e gjendjes intensive të transportimit të qymyrgurit dhe të naftës, është bërë më e dukshme kontradikta e pamjaftueshmërisë së transportit hekurudhor. Prandaj është bërë e ngutshme puna për shpejtimin e ndërtimit të linjave të reja hekurudhore.

Në janar të vitit 2004 Këshilli i Shtetit i Kinës miratoi " programin e rrjetit hekurudhor afatmesëm dhe afatgjatë" dhe parashtroi planin që në vitin 2020 gjatësia e linjave hekurudhore të Kinës të arrijë në 100 mijë kilometra. Sipas llogaritjes, për të realizuar këtë plan, duhen afro 2 trilione juanë. Mesatarisht duhet të investohen 100 miliardë juanë në vit. Forma e mëparshme e fondeve të posaçme dhe e kredive bankare për ndërtimin e hekurudhës, nuk mund të plotësojë kërkesat e tanishme.

Tani sektorët hekurudhorë të Kinës po bëjnë përpjekje për të zgjeruar kanalet e investimit dhe për të tërhequr fondet shoqërore ose fondet e jashtme. Kina inkurajon krahinat dhe ndërmarrjet vendore të marrin pjesë në ndërtimin e linjave hekurudhore. Zoti Kon tha se Ministria kineze e Hekurudhës ka shpejtuar hapat për transformimin e sistemit të tërheqjes së fondeve për ndërtimin e hekurudhës, ka zhvilluar bisedime me shumë provinca, qytete dhe rajone autonome të vendit për shpejtimin e ndërtimit të hekurudhës, ka nënshkruar marrëveshje të bashkëpunimit strategjik dhe do të ndërtojë, së bashku me administratat vendore, disa linja hekurudhore.

Sipas njoftimeve, sektorët hekurudhorë të Kinës do të vënë në qarkullim aksione të ndërtimit të hekurudhës.

Për ndërtimin e disa linjave të rëndësishme hekurudhore do të përdoren edhe fondet e buxhetit shtetëror.

Kina lejon biznesmenët e huaj të investojnë drejtpwrsëdrejti në ndërtimin dhe administrimin e rrjetit kryesor hekurudhor të Kinës. ( zhang )