china radio international

v Protokolli mbi bashkëpunimin e uebsajtit në gjuhën shqipe të CRI Oline me botën e jashtme	v Tërmeti në Wenchuan

SONDAZH OLIMPIK

ZONA E ANKETAVE

ENCIKLOPEDIA


China Radio International


	Rreth Kinës

	Nga Bota

	Politikë

	Ekonomi

	Kulturë

	Shkencë e Teknikë

	Sport

Tregime dhe Legjenda Kineze

(GMT+08:00) 2005-02-18 18:53:15

Comment

Federata Kineze e Futbollit projekton zhvillimin e ardhshëm

cri

Futbolli është sporti më tërheqës në Kinë. Çdo ditë në televizion, radio dhe gazeta ka shumë njoftime lidhur me futbollin brenda dhe jashtë vendit. Shumë kinezë janë adhurues të futbollit dhe çdo javë ata shohin në televizion transmetimin e ndeshjeve të ligave evropiane. Ata njohin shumë qartë gjendjen e yjeve të futbollit të vendeve të ndryshme. Për fat të keq, niveli i futbollit kinez nuk është shumë i lartë. Vitin e kaluar, ekipi olimpik kinez i futbollit i meshkujve nuk hyri në Lojërat Olimpike të Athinës; ekipi kombëtar kinez i futbollit i meshkujve humbi në ndeshjet eliminatore të Kampionatit të 28-të botëror të futbollit të Gjermanisë; në ndeshjen e parë të grupit të Lojërave Olimpike të Athinës, ekipi kombëtar kinez i futbollit i femrave humbi me rezultatin 0 me 8 prandaj u eliminua. Krahas këtyre në kampionatin kombëtar të futbollit u dukën shumë probleme, kësisoj Federata Kineze e Futbollit vendosi të bëjë reformë për të ngritur nivelin e futbollit kinez.

Duke i hedhur një sy zhvillimit të futbollit kinez në vitin 2004, nënkryetari dhe sekretari i përgjithshëm i Federatës Kineze të Futbollit Yan Shiduo tha:

"Viti 2004 ishte një vit i paharrueshëm në historinë e futbollit kinez, ku u dukën shumë probleme. Ne duhet të përgjithësojmë seriozisht problemet për të bërë reformë."

Nëpërmjet diskutimeve, në mbledhjen e posaçme të Federatës Kineze të Futbollit të zhvilluar më 19 janar të vitit 2005, u paraqit dhe u miratua rishikimi i "Rregullores së Federatës Kineze të Futbollit". Sipas parimeve të "Rregullores së Federatës Ndërkombëtare të Futbollit", rregullorja e re shtoi komisione të ndryshme të posaçme dhe caktoi qartë të drejtat dhe detyrat e anëtarëve të ndryshëm.

Megjithëse midis klubeve të ndryshme të futbollit dhe Federatës Kineze të Futbollit ka mospajtime, qarqet e ndryshme të futbollit kanë arritur shumë mendime të përbashkëtë, për shembull, zhvillimi i kampionatit kombëtar në mjedis të shëndetshëm; ngritja vazhdimisht e nivelit të futbollit kinez; përgatitja me të gjitha fuqitë e ndeshjeve të Lojërave Olimpike të Pekinit të vitit 2008 etj.

Tani përgatitja e ndeshjeve të Lojërave Olimpike të Pekinit është detyra më kryesore e Federatës Kineze të Futbollit, sepse pas humbjes në eliminatoret e Kampionatit botëror të futbollit të Gjermanisë, Federata Kineze e Futbollit shpreson se në Lojërat Olimpike të Pekinit, futbolli kinez të shfaqë plotësisht nivelin e vet. Për këtë Federata e Futbollit dërgoi për stërvitje të posaçme shumë futbollistë të shquar nën 20-vjeçarë në Gjermani.

Njëkohësisht, për të ngritur nivelin e futbollit kinez, Federata Kineze e Futbollit vendosi të parapërgatitë mirë futbollistët e rinj. Nënkryetari i Shoqatës së Futbollit të Kinës Yan Shiduo tha:

"Federata Kineze e Futbollit do të përsosë më tej sistemin e përgatitjes së futbollistëve të rinj dhe do të shtojë shpenzimet për përgatitjen e futbollistëve dhe trajnerëve të shquar. Ajo do të krijojë baza të ndryshme të stërvitjes së të rinjve dhe të fëmijëve dhe do të ndihmojë organet arsimore të zhvillojnë sportin e futbollit në shkollë." (Fani)