Më 16 janar mbyll Çmimi i 27-të i Madh Dakar, që zgjati 17 ditë. Sivjet 4 garues kinez morën pjesë në këtë çmim, më i vëshitiri dhe më tërheqësi në botë. Ndër ta, Lu Ningjun, Zhou Yong dhe Xu Lang, që vjen nga Grupi Nissan Paladin, e përfunduan të gjithë garën dhe kanë patur rezultate të mira.

Çmimi i Madh Dakar, që u krijua në vitin 1979 konsiderohet si një nga garat sportive më me sfidë dhe forcë tërheqëse. Nismëtari i saj, francezi Thierry Sabine tha se për të gjithë garuestit që nuk kanë marrë pjesë në të, Çmimi i Madh Dakar është një ëndërr. Pikërisht me ëndrrat dhe shpresat për Dakarin, garues të panumërt marrin pjesë në këtë garë vit pas viti. Në Çmimin e 27-të Madh Dakar u panë 4 garues kinez.

Në këtë çmim morën pjesë 1250 garues me 695 makina në tri gara, të motoçikletave, të foristradave dhe të kamionave. Më 31 dhjetor të vitit 2004, garuest u nisën nga Barcelona të Spanjës dhe, duke kaluar nga Maroku, Mauritania, Mali, Senegali dhe shkretëtira Sahara, më 16 janar 2005 arritën në Dakar, kryeqytet i Senegalit. Gjatësia e mbarë rrugës është 9039 kilometra. Më pak se 1/3 e makinave pjesëmarrëse e përfunduan tërë garën dhe këtu përfishihen edhe 3 garues kinez.

Zoti Zhou Yong, që merrte pjesë për herë të parë në këtë garë, u radhit në vendin e 19-të garës së foristradave. Ky pozicion shënon rezultatin më të mirë që garuesit kinez kanë patur në ralli botërore të nivelit suprem. Ky rezultat është gjithashtu më i miri ndër garuesit që morën pjesë për herë të parë në këtë çmim.

Duke pranuar fatin e tij të mirë, Zhou Yong theksoi se bashkëpunimi i të gjithë grupit është kyçi i përfundimit të garës. Ai tha:

"Gjatë tërë garës, garues kryen vetëm pjesën më të vogël të punëve. Më e rëndësishmja është bashkëpunimi i të gjithë grupit dhe sigurimi prapavijës. Kjo garë është tepër e vështirë dhe e gjatë, pra është si provim kolosal pavarësisht nga pjesëmarrësit apo për grupet prapa tyre. Prandaj, bashkëpunimi i të gjithë grupit zë vendin e parë."

Grupi, për të cilin flet Zhou Yong, është Grupi Nissan Paladin i Zhengzhout. Të gjitha makinat pjesëmarrëse në këtë garë dhe makinat e prapavijës janë prodhuar në Kinë.

Menaxheri i këtij grupi, z. Hu Xuejun vuri në dukje se në fakt garuesit kinez ndodhen në një farë niveli, por mungojnë rastet e stërvitjes sistematike dhe të pjesëmarrjes në gara botërore. Arsyeja kryesore këtu është që tregu i sportit të garave me makina është akoma i vogël dhe të ardhurat e garuesve janë të ulëta. Si pasojë, ata nuk janë në gjendje të marrin pjesë në gara botërore me shpenzimet e veta. Në këtë mënyrë Grupi Nissan Palatin i Zhengzhout përbën një platformen për garuesit kinez të nivelit më të lartë.

"Makina ka hyrë në familjen kineze dhe ka filluar sporti i garave me makinë në Kinë. Por tani për tani ky sport gjendet akoma në një nivel të ulët. Grupi Nissan Palatin i Zhengzhout shpreson që nëpërmjet pjesëmarrjes në Çmimin e Madh Dakar, të nxitë zhvillimin e industrisë dhe sportit të garave me makina në Kinë. Veçanërisht për garuesit, ne përpiqemi të çojmë sa më shumë të tillë në garat botërore."

Në fakt, pjesëmarrja e garuesve kinez në Çmimin e Madh Dakar, këtë garë kaq të vështirë, tregon se industria e prodhimit të makinave në Kinë ka arritur një nivel të konsiderueshëm, i cili pasqyron edhe zhvillimin e sportit të garave me makina në Kinë.

Z. Hu Xuejun tha se Grupi Nissan Palatin do të vazhdojë të përkrahë sa më shumë garues kinez të marrin pjesë në garën e ardhshme. Siç tha z. Zhou Yong, "garuesit kinez të nivelit më të lartë kanë gjetur 'ritmin e drejtë të Çmimit të Madh Dakar' dhe kinezët do të vazhdojnë të konkurrojnë në këtë garë plot forcë tërheqëse." (Wang Lei)