Shtëpia e Li Xinghaout ndodhet në fshatin Feng-gang në periferi të qytetitt Foshan të provincës Guangdong, një orë rrugë me makinë larg qytetit Guangzhou, qytet i njohur në Kinën Jugore. Këtu nuk gjendet më arë me kulturë bujqësore, megjithëse quhet fshat. Banesat e fshatarëve, dyqanet dhe godinat e fabrikave na lënë përshtypje se këtu nuk është më një katund, por një qytezë e vogël.

Shtëpia e Li Xinghaout nuk është shumë e njohur përreth. Është një godinë katëkatëshe me ngjyrë të kuqe të hapur. Në katin përdhes ka qenë ofiçina e tij e prodhimit të dorezave prej pëlhure të pambuktë, kurse në katet e tjera kanë qenë dhomat e jetesës. Në dhomën e pritjes, që duket shumë e thjeshtë, janë kryesisht mobilje prej druri. Atje gjendet edhe një makinë e vjetër qepëse.

Li Xianghao dhe gruaja e tij kanë dy bija. Me ta jeton edhe nëna e tij 80 vjeçare. Li Xinghao dhe gruaja e tij punojnë në kompaninë e tyre, bija e madhe studjon në Zelandën e Re, kurse bija tjetër mëson në shkollën e mesme të ciklit të lartë. Meqenëse secili prej tyre është zenë me punën e vet, është e rrallë që përmblidhet e gjithë familja së bashku, bile shpesh herë, mbeten në shtëpi vetën nëna e tij me shërbëtoren.

Nëna e Li Xinghaout tha se jeta e saj është e larmishme: shikon programe televizive, bën punë shtëpiake brenda mundësive dhe pastron dhomat. Ajo ka prirje të qepë rroba, se ka dy duar të arta. Ajo është veshur me një xhup pa mëngë prej kadifeje, të bërë me duart e veta. Plaka është e shkurtër dhe e hollë, por duket energjike dhe flet shpejt.

"Biri im është shumë i zënë. Del nga shtëpia që në orën 6 të mëngjesit. Nuk ka kohë të kthehet në shtëpi. Nganjëherë, vjen vetëm dy a tri herë në mbrëmje brenda një jave."

Li Xinghao është me të vërtetë shumë e zënë me punë. Edhe ai është i shkurtër dhe flet shpejt. Ai lindi në fshat. Babai i vdiq herët, prandaj ai dhe fëmijët e tjerë u rritën vetëm nga nëna. Jetonin dikur shumë vështirë, prandaj ai la shkollën herët, pa mbaruar shkollën e mesme të ciklit të lartë.

Për të mbajtur gjithë familjen, Li Xinghao u mor me tregti qysh në moshën e djalërisë dhe kishte hapur dikur një dyqan të vogël. Para 10 vjetëve, ai hapi në shtëpi një ofiçinë të riparimit të paisjeve të ftohjes. Pas disa vjet zhvillimi, ajo ofiçinë u shndërrua në një kompani të madhe moderne, e cila prek shumë fusha, si fushat e kondicionarëve, produkteve elektronike, kimike, biologjike e të tjera. Produktet e kompanisë së tij eksportohen në 200 vende dhe rajone të botës.

Provinca Guangdong, që është vendlindja e Li Xinhaout, është një nga zonat ku janë zhvilluar më shpejt ndërmarrjet private. Qysh në fillim të viteve 90 të shekullit të fundit, ndërmarrjet private zhvilloheshin paralelisht me ndërmarrjet e pronës shtetërore dhe ndërmarrjet e pronës kjolektive. Li Xinghao tha se gjatë 10 vjetëve të fundit, ndërmarrja e tij u zhvillua kaq shpejt në sajë të përkrahjes së madhe të administratës lokale.

"Sektorët qeveritarë kanë rendiment të lartë të punës dhe kanë vetëdije të na shërbejnë. Personeli i sektorëve qeveritrë, që përgjigjen për punën financiare, vijnë te ne për të marrë vesh se çfarë ndihmë kërkojmë ne. Administrata merr parasysh problemet duke u nisur nga kërkesat e ndërmarrujeve dhe kjo është përkrahje e madhe për ne."

Sot, kompania Zhigao zhvillon bashkëpunimin me shumë kompani ndërshtetërore në botë. Krahas zhvillimit të ndërmarrjes së tij, Li Xinghao mendon se çfarë mund të bëjë ai për fshatin e vet. Një pjesë e madhe e punëtorëve të ndërmarrjes së tij janë nga fshati i tij; ai u shpërndan çdo muaj pleqve dhe plakave mbi 55 vjeçare të holla për shpenzimet e nevojshme; ai shpenzoi një shumë të konsiderueshme për ndërtimin e fushës së basketbollit, pishinës së notit, shtëpisë së pleqërisë dhe parkut në fshatin e tij.

Suksesi i Li Xinghaout është i pandarë nga përkrahja e madhe e gruas së tij Zou Vanling, që është një grua e thjeshtë dhe serioze në punë. (Zheng)