Kënga e përhapur shumë tani në Kinë "Himalaja", është e kënduar nga këngëtarja e re kineze e kombësisë tibetiane Han Hong. Në këtë këngë shprehen ndjenjat e dashurisë së pakufishme të tibetianëve ndaj vendlindjes. Në këngë thuhet: "Unë jam nga Himalaja, e përqafoj pallatin Potala. Më ka rritur buka e hekrit me vaj gjalpi, uji i lumit Yaruzanpu më ka pastruar flokët e gjata. Kam lënë shumë gjurmë në territorin e vendit dhe do të kthehem patjetër në Himalaja, në vatrën time të malit me dëborë."

Han Hong ka lindur në Çandu të Tibetit. Nëna e saj ka qenë këngëtare e njohur tibetiane. Prandaj edhe Han Hong që nga fëmijëria kishte interes të madh për muzikën. Në një konkurs vokal kombëtar Han Hong 14-vjeçare për herë të parë fitoi çmim dhe më vonë ajo hyri në Liceun artistik, ku filloi të studionte muzikën vokale dhe njëkohësisht filloi edhe provën e krijimeve vokale. Në vitin 1995 me këngën e interpretuar prej saj "Himalaja" Han Hong që ishte ende nxënëse, fitoi medaljen e bronxtë në konkursin muzikor televiziv të Televizionit Qendror Kinez. Kjo këngë e ka bërë atë të dallohej në tribunën muzikore të Kinës. Pas kësaj ajo filloi të përhapë një numër këngësh të krijuara dhe të kënduara prej saj, si "Rrezet e dritës në malet me dëborë", "Vendlindja", "Bukuria në mes erës e shiut" etj, të cilat janë të pëlqyera dhe mirëpritura nga dëgjuesit kinezë.

Kënga "Vendlindja", e krijuar dhe e interpretuar nga Han Hong, është një këngë me muzikën tibetiane si bazë, me melodi të bukur, si një këngë fëmijërie, që ka treguar dashurinë e thelle për vendlindjen.

Zëri i Han Homgut është i lartë dhe tingëllues. Kur këndon, zëri i saj përhapet larg dhe lirisht. Gjatë interpretimeve ajo ka formuar stilin e saj të vet, që filloi të bëhet i njohur në skenën e muzikës vokale. Si një këngetare tibetiane, ajo tha se në damarët e saj rrjedh gjak i kombësisë tibetiane, prandaj kjo është arsyeja themelore që ajo këndon parreshtuar për Tibetin. Në syrin e saj Tibeti është vatra e saj e dashur. Sa herë e kujton Tibetin, i dalin para syve çaji me gjalp, rakia prej hekri, malet e larta dhe shtëpia e ngrohtë... Ajo do te këndoje gjithë jetën për vendlidjen e saj.

Han Hong është jo vetëm një këngëtare e shquar, por është e talentuar edhe në krijimin e teksteve dhe në kompozim. Para vitit 1998, domethënë para botimit të diskut të saj të parë me këngë, ajo ka kompozuar këngë për shumë këngetarë të njohur kinezë dhe si rezultat ka fituar disa herë çmime të krijimtarisë në konkurset kombëtare. Tekstet e këngëve ajo i ka bërë me ndjenja të thjeshta e të vërteta, kurse meloditë e këngëve ajo i ka kompozuar duke kombinuar në mënyrë të lirëshme e të natyrshme muzikën nacionale me atë zbavitëse, prandaj veprat e saj janë plot me frymën e kohës dhe me shprehi të theksuara nacionale. Kënga: " Rruga e lashtë e kuajve për transportimin e çajit" është vepra e saj përfaqësuese, që e krijoi në vitin 2002 gjatë vizitës artistike në Tibet, në vendlindjen e saj Çandu duke parë këtë rrugë të lashtë misterioze për transportimin e çajit, sheqerit, kripës dhe sendeve të tjera të nevojëshme të banorëve tibetiane.

Kurse në këngën: "Hëna" Han Hong e krijoi për një vajzë të kombësisë Daj gjatë praktikës në provincën Yunan. Kjo këngë lirike ka pasqyruar mallin dhe dashurinë e vajzës së kombësisë Daj për të dashurin e saj larg vendlindjes. Në krijimin e kësaj kënge ajo ka shkrirë shumë elemente muzikore të muzikës së pakicave kombëtare të pjesës jug-perëndimore të Kinës, duke i dhënë asaj melodi të bukur, lirike e me plot ngjyrë nacionale. E shoqëruar me fraza të thjeshta të tekstit dhe me mjeshtri të lartë interpretimi, kjo këngë përshkruan një tabllo me pejsazh të bukur: "Hëna ngjitet ngadalë në qiell, rrezet e saj ia ndriçojne fytyrën vajzes, era e lehtë tund gjethet e bambusë dhe zemra e vajzas fluturon krahas erës. Oh, i dashuri im, a më kujton mua, vajzen e kombësisë Daj? Sot ulur në një kulle të vogël bambuje, ndjej shumë mall për ty."

Si një këngëtare e re Han Hong nuk është shumë e bukur, por ajo ngul këmbë në studimet vokale e muzikore. Me interpretimin e saj, ka fituar admirimin e vlerësim të lartë të personaliteteve profesioniste dhe të spektatorëve. Shumë këngë të krijuara dhe të kënduara prej saj janë në rradhët e para të listave të shumë radiove dhe kanë fituar në konkurset brenda e jashtë vendit. Han Hong tha: " Unë ia di për nder jetës që më ka dhënë gjithçka, unë i çmoj shumë ditët e vështira që kam kaluar, sepse ato më kanë kalitur vullnetin." ( Daming)