Në vitin 2004, sasia e prodhimit të peshkatarisë oqeanike dhe sasia e prodhimit të kripërave, si dhe sasia vjetore e ngarkim-shkarkimit të porteve kryesore bregdetare zënë me radhë vendin e parë në botë. Industria e anijeve oqeanike vazhdon një rritje të shpejtë, duke zënë vendin e 3-të në botë. Numri i vaporëve tregtarë zë vendin e 5-të në botë. Ekonomia oqeanike e vendit tonë ndodhet mbi nivelin e mesëm në vendet oqeanike të botës.

Më 31 janar, Drejtoria Oqeanike Shtetërore publikoi në Pekin, "Komunikatën statistikore të vitit 2004 të ekonomisë oqeanike të Kinës". Industritë e reja oqeanike, si rritja e bimëve në ujërat detare, nafta dhe gazi në Oqean, turizmi në plazh, bimët mjekësore të Oqeanit, shfrytëzimi i ujërave detare etj, janë zhvilluar shumë shpejt, duke nxitur fortë zhvillimin e tërësisë së ekonomisë oqeanike. Në vitin 2004, vëllimi i prodhimit të përgjithshëm të industrive kryesore oqeanike të mbarë vendit ishte 1 trilionë e 284 miliardë e 100 milionë juanë. Vëllimi i shtimit i industrive oqeanike ishte 526 miliardë e 800 milionë juanë.

Krahas forcimit të mëtejshëm të bashkëpunimit ekonomik midis zonave bregdetare, është krijuar në përgjithësi struktura e zonave të ekonomisë oqeanike. Ndër to, vëllimi i prodhimit të përgjithshëm të industrive kryesore oqeanike të zonës ekonomike të deltës së lumit Jance dhe të zonës ekonomike rreth gjirit të detit Buohai i kaloi përkatësisht 400 miliardë juanët. Në peshkatarinë oqeanike dhe në industrinë e prodhimit të kripërave të provincës Shandong, në turizmin e plazheve dhe në industrinë e prodhimit të anijeve oqeanike të Shangait, në industrinë e nxjerrjes së naftës dhe të gazit të provincës Guangzhou etj ka efekt relativisht të lartë ekonomik.

Zëdhënësi informativ i Drejtorisë Oqeanike Shtetërore, Li Chunxian tha se zhvillimi i ekonomisë oqeanike ka nxitur punësimin e punës.

Në vitin 2004, vendi ynë ka krijuar për herë të parë 15 pikat e kontrollit ekologjik në zonat bregdetare, duke forcuar punën e parandalimit të ndotjes së ujërave detare. (Sihai)