Të dashur lexues, po fillojmë rubrikën "Trgime dhe legjenda kineze". Po ju rrëfejmë tregimin historik me titull "Djegia e librave dhe varrosja gjallë e intelektualëve".

Pasi aneksoi 6 shtetet e tjera dhe themeloi dinastinë Çin me pushtet të centralizuar qendror, perandori Çin Shi Huang pranoi propozimin e kryeministrit Li Si për unifikimin në mbarë vendin të njësive të gjatësisë, vëllimit dhe peshës, për unifikimin e monedhave, për unifikimin e shkronjave dhe për unifkimin e gjerësisë së rrugëve, gjë e cila pati rëndësi shumë të madhe pozitive për zhvillimin ekonomik dhe shoqëror në Kinë. Por, është për të ardhur keq se disa masa që mori ai me propozimin e Li Sisë ushtruan ndikime shumë negative.

Një ditë në vitin 213 para erës së re, perandori Çin Shi Huang shtroi në pallatin Sian-yang një banket me rastin e ditëlindjes së tij, ku ishin të pranishëm 70 intelektualë. Shumë prej tyre i propozuan perandorit Çin Shi Huang që, duke marrë shëmbull nga dinastitë Shang dhe Zhou, të emërtonte principata. Kryeministri Li Si kundërshtoi duke thënë se ata "mësonin nga kohët e vjetra në vend të të mësuarit nga të rejat", i qortuan duke thënë se ata "i drejtonin masat popullore në krijimin e shpifjeve" dhe parashtroi propozimin që "historianët zyrtarë të digjnin të gjitha materialet e tyre përveç atyre mbi historinë e shtetit Çin; intelektualët në mbarë vendin, përveç atyre me poste zyrtare, po të guxonin të ruanin"Librin e Vjershave","Librin Shang Shu"dhe librat me citate të 100 shkollave dhe kritikonin të rejat duke iu referuar materialeve të vjetra, do të vriteshin bashkë me gjithë familjen." Perandori Çin Shi Huang pranoi propozimin e tij dhe dha urdhrin për djegien e librave të sipërpërmendur.

Këto masa u kundërshtuan me të drejtë nga intelektuualët. Prandaj, 460 intelektualë u varrosën gjallë në Sian-yang. Kjo ishte ngjarja e djegies së librave dhe e varrosjes gjallë të intelektualëve, e cila u kritikua nga populli gjatë mëse 2000 vjetëve.

Princi Fusu, biri i madh i perandorit Çin Shi Huang, e konsideronte këtë gjë të gabuar. Ai tha: "Vendi sapo është stabilizuar, por krerët në krahinat e largëta ende nuk nënshtrohen dhe të gjithë dijetarët u përmbahen mësimeve të Konfucit. Sot lartmadhëria juaj i dënuat ata tepër rëndë. Unë shqetësohem se mos vendi do të humbë stabilitetin." Por perandori Çin Shi Huang u zemërua dhe e dërgoi Fusu në zonat kufitare veriore që të punonte si inspektor tek gjeneral Meng Tian.

Ngjarja e djegies së librave dhe e varrosjes gjallë të intelektualëve u bë një nga shkaqet e dështimit të shpejtë të dinastisë Çin.

Të dashur lexues dhamë rubrikën "Tregime dhe legjenda kineze".

Fund