Në vitin l980 dhe në vitin l986 trupa e operës së njohur e Guanxisë "Liusanjie" ka shkuar dy herë për vizitë dhe shfaqje në Singapor dhe ka dhënë sëciklën herë më se l0 shfaqje të kësaj opere. Opera u prit shumë mirë nga spektatorët dhe pati jehonë të madhe në gjirin e tyre. Megjithëse kanë kaluar 20 vjet, në Singapor dhe në vende të tjera të Azisë juglindore ka akoma shumë adhurues të operës "Liusanjie". Për këtë arsye, rajoni autonom i Guanxi-zhuangut vendosi ta shfrytëzojë këtë "markë" të mirë kulturore, si urë të lidhjes midis popujve të vendeve të Azisë juglindore dhe të Guanxisë.

Në një intervistë me korrespondentin e Agjencisë Kineze të Lajmeve Hsinhua, kryetari i Këshillit të liderëve të Kompanisë së kufizuar të grupit të investimeve të ASEANit në Singapor dhe kryetari i Shoqatës Botërore të miqësisë së bashkatdhetarëve guanxinas të Singaporit Cheng Lichao tha se ai ka kërkuar që, në emër të Shoqatës Botërore të miqësisë të bashkëatdhetarëve guanxinas të Singaporit, Drejtorisë së kulturës së Guanxisë, ky sektor kulturor i Guanxisë të kryesojë trupën e Operës "Liusanjie" e të shkojë në kohë të përshtatsthme për vizitë dhe shfaqje në Singapor.

Cheng Lichao tha se opera " Liusanjie " është një operë klasike, megjithëse kjo operë është krijuar shumë vjet më parë, ajo është si një pije e këndshme dhe e shijshme, dhe si e tillë është rrënjosur thellë në mendjen e emigrantëve të përtejdetit, që i ka marrë shumë malli për vendlindjen e tyre.

"Shumë njerëz nuk e dinë se Liusnajie është nga rajoni autonom Guanxi-zhuang ", tha Cheng Lichao, "shumë banorë të vendeve të Azisë juglindore e njohin qytetin Kulin, por nuk e dinë se ky qytet është një qytet i rajonit autonom të Guanxi-zhuangut ". Organizimi i panairit Kinë-ASEAN e bëri botën të njohë qytetin e Nanningut dhe rajonin autonom të Guanxi-zhuangut. Rajoni autonom Guanxi-zhuangut duhet të kapë rastin e organizimit të këtij panairi në Nanning, dhe, me operën e njohur "Liusanjie" si urë të shkëmbimeve kulturore, të lidhet më më mirë me vendet e Azisë juglindore.

Cheng Lichao tha se si një emigrant kinez përtej detit me prejardhje nga rajoni autonom Guanxi-zhuang, ai ndjen një krenari për organizimin e panairit Kinë-ASEANi në rajonin autonom Guanxi-zhuang. Në tetor të këtij viti, do të organizohet në Njujork të SHBA-së një takim midis bashkëatdhetarëve guanxinas në botë, ku do të marrin pjesë emigrantët me prejardhje nga Guanxi të 9 vendeve e rajoneve si të Singaporit, Malajzisë, Tajlandës, Australisë etj. Ky do të jetë një rast shumë i mirë për shkëmbime dhe ai shprehu dëshirën që liderët e lartë të rajonit autonom Guanxi-zhuang të marrin pjesë aktivisht me grupe në këtë takim.

Rajoni autonom Guanxi-zhuang ka burime të pasura natyrore dhe është vendi i lidhjes midis Kinës dhe zonës së tregtisë së lirë të ASEAN-it, ai është edhe afër provincës Guandong dhe rajoneve të posaçme të Honkongut dhe Makaos. Nga pozita e tij të vecantë gjografike, rajoni autonom Guanxi-zhuang ka epërsi të dukshme rajonale. (zhai)