dëgjoni

Gjatë takimit në internet me median, skenaristë dhe organizatorë të mbrëmjes artistike të CCTV-së me rastin e festës së pranverës bënë të ditur se mbrëmja artistike televizive për festën e pranverës së këtij viti do të transmetohet në kanalin e parë, të 4-të, të 9-të dhe të l6-të të Televizionit Qendror të Kinës. Kjo do të thotë se mbrëmja artistike me rastin e festës së pranverës të këtij viti do të transmetohet në gjuhën kineze, angleze, spanjolle dhe franceze për mbarë botën.

Siç mësohet, kjo mbrëmje artistike do të transmetohet jo vetëm nëpërmjet kanaleve tradicionale televizive, por edhe nëpërmjet kanaleve të reja satelitore. Të gjitha vendet e botës mund të ndjekin programet e kësaj mbremjeje nëpërmjet kanaleve të ndryshme satelitore.

Për transmetimin e kësaj mbrëmjeje, qendra e programeve për jashtë e CCTV-së ka ftuar shumë specialistë të gjuhëve angleze, spanjolle dhe franceze për përkthimin e programeve të kësaj mbrëmjeje në mënyrë që teleshikues nga bota të mund të shikojnë njëkohësisht programet e larmishme me karakteristika të theksuara të kulturës kineze.

Transmetimi në përpjesëtime kaq të mëdha i programeve të mbrëmjes artistike ka tërhequr vemendjen e shumë institucioneve kulturore të vendeve të tjera bile edhe të institucioneve diplomatike të autoriteteve të vendeve përkatëse. Ata i kanë propozuar grupit realizues të mbrëmjes artistike të CCTV-së për festën e pranverës shumë programe të bukura. Grupi realizues televiziv i mbrëmjes artistike do të vërë në zbatim disa propozime të tyre. Megjithëatë në këtë mbrëmje artistike do të pasqyrohen kryesisht ndjenjat, kulturat, doket e zakonet e kombit kinez.

Në këtë mbrëmje do të ketë edhe pjesë të posaçme si përshëndetje, mesazhe dhe kambana për teleshikuesit emigrantë kinezë jashtë vendit.

Siç bëri të ditur regjisori i përgjthshëm i mbrëmjes artistike televizive për festën e pranverës Lan Kun, gjatë zhvillimit të kësaj mbrëmje, do të organizohet dhe takimi i kampioneve të lojrave olimpike, si Liu Xiang etj me ndjekës të kësaj mbremjeje. Edhe programi i cirkut " Mbajtja e tepsisë nga l3 persona " që fitoi cmimin e artë në festivalin e cirkut të Montekarlos do të shfaqet në këtë mbrëmje.

Viti 2004 ishte viti i sukseseve sportive të Kinës, përveç takimit të kampioneve të lojrave olimpike me teleshikues, në këtë mbrëmje është projektuar edhe një program i posaçëm për të paraqitur teleshikuesve çudira të njëpasnjëshme. (zhai)