dëgjoni

Në rubrikën e sotme "Kultura Kineze" do t'ju njohim me regjisorin e brezit të 6-të të Kinës, Lu Chuan.

Në fushën e kinematografisë kineze kanë dalë një numër regjisorësh rreth 30 vjeçarë, që quhen regjisorë të brezit të 6-të. Filmat e drejtuar nga këta regjisorë u kanë dhënë spektatorëve një freski shikimi. Njeri prej këtyre është regjisori Lu Cuan.

Në gjashtëmujorin e dytë të vitit 2004, filmi artistik "Kekesili", i drejtuar nga regjisori Lu Chuan ka tronditur Kinën, bile edhe Azinë. Filmi artistik "Kekesili" është filmi i parë aventuresk perendimor i Kinës. Megjithëse ky është një film artistik, ai i ka pasqyruar ngjarjet në mënyrë dokumentare, si të vërteta. Në film pasqyrohen 8 patrullues që hynë në zonën e ndaluar Kekesili për të parandaluar gjuajtjen e antilopave tibetiane. Gjatë udhëtimeve ata hasin shumë ndodhi të papritura. Krahas luftës kundër motit shumë të keq në mes të një mjedisi të jashtëzakonshëm, patrulluesit luftojnë përjetë a vdekje edhe me gjahtarët antilopave. Më në fund, vetëm 2 a 3 patrullues mbeten të gjallë.

Filmi artistik " Kekesili " është përpunuar në bazë të një ngjarjeje të vërtetë dhe si skenarist e regjisor, Lu Chuan tha se ai ishte prekur së pari nga ngjarjet e vertëta të ndodhur në Kekexili. Ai tha : "Janë ata njerëz, ekzistenca e të cilëve më preku dhe më nxiti mua të shtjelloj me anën e një filmi artistik jetën e tyre. Filmat e xhiruar nga çdo regjisor kanë lidhje me rrugën e jetës së tyre. Pra nga një film mund të shihet dëshira e endrra e regjisorit të këtij filmi."

Lu Chuan 33 vjeçar duket i urtë dhe nuk mund të përfytyrohet që ai mund të nxjerrë një film kaq madhështor. Gjatë punës, mund të shihen përpjekjet e tij të mëdha. Filmi artistik " Kekesili " është xhiruar pikërisht nga ky regjisor dhe anëtarët e grupit të tij kinematografik me shpirt dhe jetë.

Kekesili ndodhet në rafshnaltën Qinhai - Tibet të Kinës, në mes të vargmaleve Tankura dhe Kunlun, ai është vendburimi i lumit Jance, 5000 metra mbi nivelin e detit. Këtu ka kohë të ftohtë dhe ajër të rrallë dhe vendi është si zonë e ndaluar për jetën e njeriut. Por këtu jetojnë shumë antilope të çmuara. Me qimet e tyre mund të prodhohen shallra luksozë dhe shumë gjahtarë shkojnë etj duke rrezikuar jetën vetëm për para. Por nga ana tjetër, shumë patrullues kanë dhënë jetën e tyre për mbrojtjen e këtyre antilopeve të çmuara.

Gjatë këtij filmi, spektatorët mund të shohin malet e bukura me dëborë, stepat, liqenet si pasqyrë dhe antilopët që vrapojnë me shpejtësi në shkretërirë. Këtu ka një pamje të bukur dhe njëkohësisht të shkretë. Duke parë këtë film, spektatorët do të marrin vesh se në territorin e Kinës ekziston një tokë e tillë rrallë.

Xhirimi i filmit artistik " Kekesili " zgjati l20 ditë, në grupin xhirues kishte në fillm l08 vetë dhe vetëm 60 prej tyre e vazhduan punën deri në përfundimin e këtij filmi. Lu Chuani tha se gjithë grupi ka qenë në një gjendje shumë të vështirë. Ai nuk mund ta tregojë me fjalë dëshpërimin e tij gjatë xhirimit. Në mes të tufanit e dëborës, njerëzit mezi mbaheshin . Pikërisht në këtë shkretëtirë, ai fitoi një kuptim të ri për jetën e njeriut. Lu Chuani tha : "Në karakterin e njeriut ka shumë faktorë të papërcaktueshëm. Ky karakter mund të ndryshojë nga faktorë të jashtëm, por natyra e njeriut mbetet. " Kekesili' më dha mua një mundësi për të menduar më tej ".

Lu Chuani ka qene për studime në një shkollë të lartë ushtarake dhe ka kryer shërbime ushtarake në ushtri. Nga adhurimi për kinematografinë, ai hyri për studime pasuniverstare në fakultetin e regjisë të Institutit të Kinematografisë të Pekinit. Nga viti l998 e deri më tani, ai ka qenë skenarist dhe regjisor i dy filmave artistikë " Kërkimi i revolverit " dhe " Kekesili ". Këta dy filma kanë patur jehonë të madhe në gjirin e spektatorëve.

Lu Chuani është një realist. Ai e quan filmin artistik " Kekesili" si një film jetësor dhe idealist. Ai ka ushqyer ndjenja dhe dashuri të madhe në figurën e kryetarit të ekipit të patrulluesve që jep jetën në fund të filmit, në çastin e fitores. Ky aspekt i papritur i ka prekur shumë spektatorët.

Si një regjisor i ri, Lu Chuani e quan veten me fat, ai thotë : "Ne që jemi rritur në vitet 80 të shekullit të kaluar, kemi ndjerë nga afër reformat e mëdha të Kinës, prandaj mund të quhemi brez i lumtur. Tani kemi liri të e plotë krijuese. Vendi ynë tanimë i ka të gjithë llojet e ngjyrave, nga ngjyrat monotone që mbeshtetnin në të kaluarën. Sot, skenaristët mund të shprehin lirisht mendimet e veta. "

Tani Lu Chuani po përgatit një film të ri me temën e luftës.(zhai)