Shkolla Hua Mei e ngritur buzë lumit Shietan të qytetit të Hanxhout, është një shkollë e ngritur me 300 milionë juanë investime të një biznesmeni privat. Kjo shkollë e krijuar në vitin 2001, zë një sipërfaqe prej 50 mijë metrash katërore. Kjo shkollë është një shkollë universiale që ka kopsht fëmijësh, shkollë fillore dhe shkollë të mesme të ciklit të ulët dhe të ciklit të lartë. Tani në këtë shkollë janë pranuar afro 2 mijë nxënës të kësaj province dhe të ardhur nga Shangai, e nga provincat Gjiansu e Fugjie, që janë fqinjë të provincës Xhegjian.

Nëndrejtori i kësaj shkolle Zhang Mei Hon i tha korrespondentit se për të krijuar një shkollë të nivelit të lartë, duhet të ketë pedagogë të nivelit të lartë. Prandaj, të gjithë pedagogët e kësaj shkolle janë seleksionuar nëpërmjet provimeve të rrepta. Ata kanë njohuri të gjera dhe përvojë të pasur në mësimdhënie. Tani, shkolla Hua Mei dallohet për cilësinë e lartë të mësimdhënies, tërheq vemëndje të gjerë si brenda vendit, ashtu edhe jashtë tij. Deri tani kjo shkollë ka krijuar marrëdhënie të mira bashkëpunimi me mbi 10 institucione arsimore të SHBA-së, Kanadasë, Anglisë, Irlandës, Australisë dhe vendeve të tjera të botës dhe shkëmben nxënës me këto institucione. Sipas të dhënave, ka patur mbi 60 nxënës të kësaj shkolle që kanë studiuar jashtë vendit.

Shkolla Hua Mei është vetëm një nga përfaqësueset e mbi 10 mijë institucioneve arsimore të provincës Xhegjian që administrohen me forcat vendore. Këto institucione arsimore financohen nga ndërmarrje ose administrohen me bashkëpunimin e ndërmarjeve dhe të biznesmenëve ose të shkollave shtetërore dhe të shkollave private. Me një fjalë, arsimi privat po luan rolin e tij në zhvillimin social-ekonomik të krahinave të ndryshme. ( zhang )