Kina zbaton sistemin e arsimit të detyrueshëm 9-vjeçar. Garantimi i shkollimit të të gjithë fëmijëve, veçanërisht të fëmijëve të familjeve të varfra, është një nga aspektet kryesore të punës së sektorëve arsimorë të Kinës. Që nga vitet 90-të të shekullit të kaluar shumë fshatarë kinezë kanë hyrë në qytete të ndryshme të vendit. Bashkë me ta kanë hyrë edhe fëmijët e tyre, të cilët, për arsye të ndryshme nuk kanë gjetur shkolla të përshtatshme dhe mbetën jashtë shkollës. Krahas këtyre, edhe fëmijët e familjeve të varfra të disa qyteteve dhe të fshatrave ndodhen përballë mosshkollimit për arsye të varfërisë.

Duke patur parasysh këtë problem, administratat e niveleve të ndryshme të Kinës kanë bërë përpjekje të mëdha për ta zgjidhur këtë problem. Para 10 vjetëve, nëpërmjet dhënies së fondeve dhe vënies në jetë të objekteve të shpresës në ndihmë të shkollimit të fëmijëve të familjeve të varfra, janë arritur rezultate të mira në këtë drejtim. Tani administratat e niveleve të ndryshme filluan të zbatojnë objektin e ndihmës për shkollimin falas të fëmijëve të varfër. Qyteti Kunmin është kryeqendra e provincës Junan të Kinës jug-perëndimore. Bashkia e qytetit të Kunminit dha, ditët e fundit, 6 milionë juanë fonde për shkollimin falas të 20 mijë nxënësve të shkollave të mesme të ciklit të ulët dhe të 5 mijë nxënësve të shkollave fillore. Me këto fonde është zgjidhur, në përgjithësi, problemi i shkollimit të të gjithë fëmijëve të moshës shkollore të qytetit të Kunminit. Fshatari Xhao Bao Shën që ka punuar shumë vjet në Kunmin, i tha korrespondentit se më parë shpenzimi për shkollimin e fëmijëe të tij ishte një shpenzim i madh për familjen e tij. Tani fëmijët e tij janë pranuar në objektin e shkollimit falas dhe shpenzimi në këtë drejtim është pakësuar shumë. Kjo e gëzoi shumë gjithë familjen e tij.

Ai tha: " Kemi ardhur për tregti të vogël në Kunmin. Më parë duheshin një mijë juanë në vit për shkollimin e një fëmije. Tani politika e shkollimit falas të fëmijëve të familjeve të varfra na e lehtësoi barrën." Funksionari i Drejtorisë Arsimore të Kunminit, Tie Vej Dong u shpreh se subjekti i ndihmës duhet të përfshijë edhe jetimet që mësojnë në shkollat fillore dhe në shkollat e mesme, si dhe fëmijët e punonjësve pa punë të qytetit dhe të familjeve të varfra në fshat. Ai tha: Në rast se nuk zbatohet kjo politikë, familjet e varfra nuk janë në gjendje të paguajnë për shkollimin e fëmijëve dhe fëmijet e tyre do të mbeten pa shkollë. Tani qeveria vendosi ta zbatojë këtë politikë të ndihmës që mirëpritet nga masat popullore. Sipas rregulloreve përkatëse të arsimit të Kinës, të gjithë fëmijët e moshës shkollore kanë të drejtën e shkollimit.

Specialistët arsimorë vunë në dukje se qeveria dhe shoqëria jonë duhet të ushqejnë më shumë dashuri dhe të kujdesen më tepër për fëmijët e familjeve të varfra, si dhe të krijojnë një mjedis të mirë për rritjen e tyre të shëndetshme. Vajza Tin Ja Ven ka ardhur disa vjet më parë së bashku me prindërit e saj në Pekin. Për arsye se disa qytete të Kinës kanë patur kufizime për regjistrimin e fëmijëve për shkollim, shumë fëmijë të tjerë si Tin Ja Ven, që nuk janë me prejardhje nga Pekini, e kishin të vështirë të shkolloheshin në Pekin. Tani ky kufizim është hequr dhe në disa qytete janë hapur edhe shkolla të veçanta për fëmijët e punonjësve të krahinave të tjera.

Vajza l0-vjeçare Tin Ja Ven ka dy vjet që është pranuar në shkollën fillore Y Chien të Pekinit. Vajza Tin tha se mësuesit e konsiderojnë atë si fëmijën e tyre. Kur sëmurem, mësuesit më porositin të pi ilaçet në kohë. Pas mësimit në shkollë, shkolla na çon me autobuz në shtëpi. Këtu kam marrë jo vetëm njohuri kulturore, por edhe më është mësuar dashuria për të tjerët. Sipas të dhënave, në l0 vjetët e ardhshëm do të hyjnë çdo vit në qytet afro l5 milionë krahë pune nga fshati dhe së bashku me ta do të hyjnë edhe një milionë fëmijë fshatarë. Presidentja e Federatës Pankineze të Grave, Gu Sju Lien tha se niveli arsimor, civilizimi i mjedisit shoqëror dhe zhvillimi shëndetësor i popullit kinez do të varet nga niveli arsimor i punonjësve dhe i fëmijëve të tyre që kanë ardhur nga fshati në qytet. Prandaj, ne duhet t'u kushtojmë më shumë vemëndje popullsisë së varfër dhe fëmijëve të tyre, në mënyrë që edhe këta fëmijë të gëzojnë të drejtën e barabartë të shkollimit. ( zhang )