Të dashur lexues, po japim korrespondencën me titull "Të çmojmë jetën".

Çdokush mund të hasë raste shqetësimi ose pikëllimi, bile nganjëherë ndokush nuk di se ç'të bëjë kur është tepër i shqetësuar. Në këto rrethana, ndokush mund të përëballojë me guxim, por ndokush mund të zgjedhë alternativën e vetëvrasjes që është mënyra më pasive për shkëputjen nga vuajtjet. Sot në Kinë, kjo çështje ka tërhequr gjerësisht vëmendje si një problem i rëndë i shëndetësisë dhe një nga problemet shoqërore. Për të ulur përqindjen e vetëvrasjes, shumë organika në Kinë kanë filluar punën e ndërhyrjeve në krizat psikike.

Studimet psikologjike dhe mjeksore tregojnë se sëmundja e depresionit, shqetësimet psikike, keqësimi i marrëdhënieve me të tjerët, mossuksesi në punë ose në mësim dhe shqetësime të tjera përbëjnë faktorë të rëndësishëm të vetëvrasjes. Nga të dhënat e Ministrisë së Shëndetësisë të Kinës del se çdo vit në Kinë, të paktën 250 mijë veta vdesin nga vetëvrasja dhe 2 milionë veta orvaten për vetëvrasje, por dështuan, dhe disa prej tyre mbeten të cakatuar si pasojë e vetëvrasjes së dështuar.

Këshilltari i Organizatës Botërore të Shëndetësisë profesor Miçel Filips është i mendimit se pjesa më e madhe e njerëzve, që ndërmarrin vetëvrasje, kanë kontradikta të shmta në zemër. Ata kanë ndër mend t'u japin fund vuajtjeve dhe jo jetës, prandaj, po të ketë ndërhyrje shkencore dhe racionale në krizat e tyre psikike, kjo do të ndihmojë ata të rimarrë guxim për të rrojtur.

"Ekzistojnë sot në shoqëri një numër i madh pacientësh që vuajnë nga pengesat psikike dhe që kanë shumë rrezik të ndërmarrin vetëvrasje, por nuk synojnë për mjekim psikologjik, duke patur frikë se mos shpenzimet për mjekim janë shumë të larta ose duke patur frikë se ata mund të konsiderohen si psikopatë. Një linjë e nxehtë me cilësi të lartë të ndërhyrjeve në krizat psikike u jep atyre shërbime anonime dhe falas, gjë që ka zbutur problemin e sipërpërmendur."

Ndërhyrjet në krizat psikike, që përmendi profesor Miçel Filips, janë shërbime në lëmin e shëndetësisë psikike, që, nëpërmjet këshillave telefonike, shërbimeve klinike, edukimit psikologjik dhe mjekimit me ilaçe, i ndihmojnë pacientët të marrin përsëri ekujlibrin psikik dhe të heqin dorë nga ideja për vetëvrasje. Sipas të dhënave statistikore, disa vende dhe rajone të botës, nëpërmjet ndërhyrjeve në krizat psikike, kanë parandaluar me sukses rreth 90% të veprimeve të vetëvrasjes.

Vitet e fundit, ndërsa vendet dhe rajonet e ndryshme i kushtojnë gjithnjë e më shumë vëmendje dukurisë së vetëvrasjes, edhe në Kinë është zhvilluar gradualisht puna për ndërhyrjet në krizat psikike.

Të dashur dëgjues, zëri, që sapo dëgjuat, është zë nga linja e nxehtë telefonike e Pekinit për ndërhyrje në krizat psikike, që është e linja e parë e këtij lloji në Kinë. Kjo linjë e nxehtë është instaluar në qendrën e studimit të krizave psikike dhe të ndërhyrjeve në krizat psikike të qytetit Pekin. Drejtori i kësaj qendre Zoti Cao Lian Yuan tha se kjo linjë e nxehtë telefonike, që është një nga format e rëndësishme të ndërhyrjeve në krizat psikike, u ofron shërbime të gjithë personave që kërkojnë në telefon për këshiilla të mjekëve.

"Në linjën tonë të nxehtë telefonike, shërben personeli profesional i shëndetësisë psikologjike, që përbëhet kryesisht nga punonjës të miekësisë së psikiatrisë, psikologë dhe punonjës të sociologjisë. Ata u kualifikuan dhe u specializuan rrepëtsisht sipas standardeve përkatëse. "

Zoti Cao tha se që nga hapja e linjës së nxehtë të ndërhyrjeve në krizat psikike në dhjetor të vitit 2002, ata kanë marrë telefon nga 110 mijë veta që kërkuan këshilla. Pas shërbimeve psikologjike, 80% i tyre e ndiejnë depresionin e tyre të lehtësuar dhe kanë marrë përsëri guxim për të rrojtur.

Tani, krahas Pekinit, edhe në qytetet Nankin, Çangsha dhe mbi 10 qytete të tejra të Kinës janë formuar organe të posaçme të ndërhyrjeve në krizat psikike. Me popullarizimin e njohurive mbi shëndetësinë psikike, gjithnjë e më shumë njerëz vijnë për këshilla në organet e ndërhyrjeve në krizat psikike. Korrespondenti ynë vizitoi në një mbledhje të aktiviteteve të konsultimeve psikologjike, që u organizua në qendrën e studimit dhe ndërhyrjeve në krizat psikike të Pekinit, dhe intervistoi zonjushën Sun Li, që kishte ardhur për të kërkuar këshilla psikologjike. Zonjusha Sun Li, e cila do të diplomohet së shpejti, kishte ardhur me të dëgjuar se specialistët e shëndetësisë psikike po jepnin këtu këshilla psikologjike.

"Unë ndiej shqetësim psikik dhe erdha këtu për të kërkuar këshilla nga specialistët, të cilët kanë shumë njohuri në këtë drejtim. Më kënaqën këshillat e tyre."

Të dashur lexues, dhamë korrespondencën me titull "Të çmojmë jetën".

(Zheng)